Malachi 4

Quechuan QXO (Biblia en Quechua del sur de Conchucos)

← Chapter 3 Jump to:

1Llapanta mandaq Tayta Diosmi nin: «Wallkallanam faltaykan juzganä junaq chämunanpä. Tsay junaqmi imayka lunyaypa lunyar nina rupar oqshata ushanqannö llapan chölu tukuqkunata y mana alli ruraqkunatapis chipyaq ushakätsishä.

2Peru qamkuna mantsapakamaqkunapämi sïqa rupay yarqamuqnö salvación shamunqa. Salvacionta chaskirmi becërrukuna tushuqnörä kushishqa saltayanki.

3Juzganä junaq chämuptinmi mana alli runakunata vinciskir uchpatanö jarur ushayanki. Noqa llapanta mandaq Tayta Diosmi tsaynö nï».

4Tayta Diosmi nin: «Sirvimaqnï Moisésta Horeb jirkachö entreganqä leynïkunata imaypis ama qonqayaytsu. Tsay leynïkuna y mandamientükunaqa llapan Israel runakunapämi kaykan.

5«Juzganä junaqmi pasaypa mantsariypä kanqa. Tsay junaq manarä chämuptinmi profëta Elíasta qamkunaman mandamushä.

6Pay willakuptinmi warmipis wamrankunawan y runapis tsurinkunawan amishtayanqa. Wamrankunapis papäninwan y mamanwan amishtayanqa. Mana amishtayaptinqa shamunqä höram nacionninta ushakätsishä».

← Chapter 3 Jump to: