1 John 1

Romani Ursari 2018 (Biblia Ande Chib Romani)

Jump to: Chapter 2 →

1So saia mai anglal, so asundam, so dikhle amare akha ta so dodisarde amare va katar o Alav zivotoko.

2Soke o zivoto avilo te sai dikhol, ta amen dikhlam le, ta phena tumenge gava zivoto ostade kai saia e Dadea, ta i kai avilo amenge te dikha le.

3Goleke amen phena tumenge so amen dikhlam ta so amen asundam, te aven i tumen amenchar, sargo amen sam e Devlea o Dad ta leko Chavo, o Jesukristo.

4Gala ezgode amen pisi len te avel amari veselia pherdi.

5Gaia si e viasta kai o Jesukristo sikada amen, ta kai amen phena tumenge: O Del si villelo ta ande lete inai truniariko.

6A te phena kai amen sam lea, a sam ando truniariko, gua si kojaipe soke ni chera o chachipe.

7A te lla amen ando villelo, sargo o Del kai si ando villelo, ondaka maskar amende si volipe, ta o rat e Jesuseko leko Chavo, chistosarel amen katar sa o bilachipe kai amen chera.

8A te phena kai amen nikada ni chera o bilachipe, isto amen kojava ta o chachipe inai amenchar.

9Te phena e bilache ezgode kai amen chera, vou si lacho te chistosarel amen katar amaro bilachipe.

10A te phena kai amen nikada ni cherdam bilachipe, amen chera te achel o Del sargo kojamno, ta leke alava inai amenchar.

Jump to: Chapter 2 →