1 Peter 4

Romani Ursari 2018 (Biblia Ande Chib Romani)

← Chapter 3 Jump to: Chapter 5 →

1Goleke sargo o Kristo kai nakhla patnia ande pi esnaga, i tumen morabi te cheren sargo vou soke te nakhen patnia sargo o Kristo ni ka cheren ios bilachipe,

2ta gua ka sikavel saurrenge kai muklen o bilachipe, ta kai sa tumaro zivoto ka cheren e Devleki volia.

3Omanglal tumen cherena e ezgode kai cheren e llene kai pachan ande aver dela. Cherena bilache ezgode, piena, jana ta dena changa angla e dela kojamne.

4A akana tumen ni llan gole llenenchar, a von den bilachi orba tumendar.

5A von ka aven ando llive e krisako, kana o Krisari ka chinel e kris e llundenge ta e mulenge.

6Soke i e mulenge sikade e lachi viasta te sai zivin prema o duo; kana pe gava sueto krisisarde len e manusa.

7Akana si pase o son. Goleke arakhen tumen ta molintumen but e Devleke.

8Te avel maskar tumende volipe, soke o volipe prostil but bilachipe.

9Te aven tumen pachivale iek averea ande tumare chera, ta na den bilachi orba lendar.

10O Del dia saurren iek buchi te radin, goleke radin averenge.

11Kana fiko ka del orba, te avel gaia orba sargo e Devleki. Kana ka radin, radisaren sa e zoriaia kai o Del del tumen. Sogo ka cheren, cheren le te avel blagosime o Del pala o Jesukristo, kai leko si ostade o baripe ta e zor.

12Phlalalen na chudin tumen, soke o zumadipe kai tumen nakhen inai iek ezgoda nevi.

13Veselin tumen kai nakhen e patnia kai o Kristo nakhlo, te aven vesele kana ka avel o Kristo pale o duito ande po baripe ta ande pi zor.

14Blago tumenge kana ka kusen tumen pala o Kristo, soke o Duo e Devleko ka avel suako llive tumenchar.

15Inai sukar te nakhel patnia vareko tumendar soke chorda o mundarda o soke amisailo ande averengi buchi.

16A te nakhel patnia soke vou pachal ando Kristo, inai soke te jal lallao. Vou morabi te blagosil e Devle soke pachal ando Kristo.

17A akana si o vreme kana o Del ka chinel e kris saurrenge, ta mai anglal ka krisil pe foro. A te si gia, kai amen kai sam leko foro nakha patnia ¿sar ka avel golenge kai ni kanden e viasta e Devleki?

18A te si gia, kai e lachenge si trudno te aven braduime, ¿so ka avel e bilachenge?

19Goleke, sa gola kai nakhen patnia pala e volia e Devleki, morabi te cheren o lachipe suako llive, ta te thoven pi vera ando Del kai dia len o zivoto soke vou si chachuno.

← Chapter 3 Jump to: Chapter 5 →