bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Ursari 2018 (Biblia Ande Chib Romani)
/
2 Chronicles 20
2 Chronicles 20
Romani Ursari 2018 (Biblia Ande Chib Romani)
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 21 →
1
Mapalal e moabitura, e amonitura ta e meunitura, die po Josafat.
2
Ondaka llele te phenen leke: ¡Katar o Edom, katar ogoia rig katar e Mora Londi, aven but boñikura te marenpe tuia! ¡Von si ando Jazezon Tamar, kai si sargo te phena En Gadi!
3
Ta o Josafat darailo ta mangla e Devletar te braduil le. Goleke phenda te cheren alluno ande sa o Juda,
4
ta sa e llene katar o Juda chidinaile te mangen e Devletar te pomozil len. Katar sa e forura e Judaeke avile llene.
5
O Josafat thodape pe porrne maskar e llene kai avilea ando Jerusalem, angla e nevi bar katar o cher e Devleko,
6
ta urkisarda: Devla, Del amare puranengo, ¡tu san o Del ando miloso, ta gazdari pe sa e phuvia! ¡Ande che va si e zor ta o gazdaripe: Niko nasti marelpe tuia!
7
Devla, tu tradian angla cho foro o Israel e llenen katar gaia phuv ta dian le ostade e porodoke katar o Abraam, cho pharnavo.
8
Kana thodepe te zivin ande gaia phuv, vazdie iek cher chuke, ta phende:
9
Te avela pe amende iek ezgoda bilachi, o maripe kai patil amen te pati amen, o iek bari muka, o e bok, amen ka ava angla gava cher ta ka manga tutar te pomozi amen, ta ka asune amen ta ka bradui amen.
10
Soke akana aven e amonitura, e moabitura ta gola katar e burdura katar o Seir, kai tu ni manglan te den ande lengi phuv e israelitura kana avena katar o Ejipto, a te durion lendar te na zatrin len.
11
Ta akana von den pe amende te traden amen katar e phuv kai tu dian amen.
12
Devla, ¿ni ka krisi len? Soke inai amen e zor kai trubulpe te dobi gachine boñikonen. ¡Ni llana so morabi te chera, goleke thova amare akha pe tu!
13
Sa o Juda saia pe porrne angla o Del, ta i e diskinie ta lenge chaurre, ta i lenge chaurre mai minone.
14
Ta sea kote o Iajaziel chavo katar o Zakarias ta unuko katar o Benaias, chavo katar o Jeiel, chavo katar o Matanias iek levita katar e chave e Asafeke, avilo pe lete o duo e Devleko,
15
ta phenda: Asunen sa e llene katar o Juda, ta tumen kai zivin ando Jerusalem, ta tu charo Josafat. Gia phenel o Del: Na daran lendar, soke gava maripe inai tumaro, e Devleko si.
16
Thiara llan te den pe lende. Von aven po drom kai llal upre ta ikharen le Sis, ta ka malaven len po paiorro kai si angla o pusto o Jeruel.
17
Ni ka avel soke te maren tumen. Achen, na cheren niso tumen, ta ka dikhen sar o Del ka braduil tumen. ¡Sa e llene katar o Juda ta o Jerusalem, na daran. Llan thiara te den pe lende, soke o Del si tumenchar!
18
Ondaka o Josafat dia changenchar e chikatea pe phuv, ta e llene katar o Juda ta o Jerusalem die changenchar angla o Del te blagosin le.
19
Ta e levitura katar o porodo e Keateko ta o porodo katar o Kore, thodepe te blagosin e Devle bare avazea, o Del e Israeleko.
20
Thiarinako rano ustile te llan po drom kai llal po pusto katar o Tekoa. Ta kana llanatar, o Josafat thodape pe porrne te phenel lenge: Asunen man e llene katar o Jerusalem ta o Juda: uzdin tumen ando Del, ta niso bilacho ni ka nakhel tumenge. Uzdin tumen ande so phenen e poraukura ta ka llal tumenge sukar.
21
Mapalal puchla e foro, ta thoda nesaven te llilaben, te sai blagosin e Devle, furiade ande patave sante, ande llili: Den fala e Devleke, soke leko volipe si ostade.
22
Ta kana thodepe te llilaben e llilia e Devleke, o Del cherda bari burkania maskar e amonitura, e moabitura ta gola katar e burdura o Seir kai avilea te den po Juda, ta mundardepe maskar pe.
23
Soke e amonitura ta e moabitura die pe gola katar e burdura o Seir ta zatrisarde saurren, ta mapalal mundardepe maskar pe.
24
Kana e murusa katar o Juda avile po than kai dikhol o pusto ta dikhle pe dusmanonen, saurre sea mule pe phuv. ¡Niko ni nasloa!
25
Ondaka avilo o Josafat ta leke llene te len e ezgode kai muklea e dusmanura, ta malade but guruva, ezgode marimake, patave, ezgode sunakune, ta lie sa. Sea gachin ezgode kai nasti inllarena len sa. Goleke ande trin llivesa lie e ezgode kai muklea lenge dusmanura.
26
Ando starto llive chidinaile ande bari umal katar o Beraka ta kote blagosisarde e Devle. Goleke ikharde goia bari umal Beraka, ta gia ikharen la llik akana.
27
Mapalal sa e murusa katar o Juda ta o Jerusalem, irisaile ando Jerusalem, ta o Josafat llala angla lende. Sa sea but vesele soke o Del braduisardaia len katar lenge dusmanura.
28
Kana avile ando Jerusalem, llele ando cher e Devleko ta basalena ande salteriura, arpe, ta tuturuge.
29
Kana sa e phuvia asunde kai o Del mardape e dusmanonenchar katar o Israel, daraile but.
30
Ta e charoina katar o Josafat achili ande pas, soke o Del dia la e pas e phuvienchar kai sea pasa la.
31
O Josafat saia o charo pe sa o Juda. Tranda ta panch burs sea leke kana thodape te charoil. Bis ta panch burs charoisarda ando Jerusalem. Leki dei saia e Azuba chei katar o Silji.
32
O Josafat saia orta sargo leko dad o Asa, ta cherda o lachipe angla e akha e Devleke.
33
A e thana vazdine ni ikande len, soke o foro ni kamela te llal sa pe liea po drom e Devleko, o Del lenge purane.
34
Sa e ezgode kai cherda o Josafat si pisime ando lil katar o Jeu chavo katar o Janani, ta i si pisime ando lil katar e chave katar o Israel.
35
Mapalal o Josafat, charo e Judaeko, cherdilo pharnavo e charoia katar o Israel, o Okozias, kai saia bilacho.
36
Ta cherde llimie ando Ezion Geber te llan ando Tarsis.
37
Ondaka o Eliezer katar o Maresa chavo katar o Dodavav poraukisarda po Josafat gaia poroka bilachi: O Del ka pharravel pe kotora so cherdan, soke cherdilan pharnavo katar o Okozias. Ta e llimie phagile ta nasti llele ando Tarsis.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36