bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Ursari 2018 (Biblia Ande Chib Romani)
/
2 Corinthians 6
2 Corinthians 6
Romani Ursari 2018 (Biblia Ande Chib Romani)
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 7 →
1
Amen radi e Devleke ta moli amen tumenge te na len samo gia o volipe e Devleko,
2
soke o Del phenel ando Pisipe: Kana avilo o vreme asundem tut, ando llive kai trubula tut o braduipe, me pomozisardem tut. Ta akana avilo o vreme. ¡Ta akana si o llive katar o braduipe!
3
Ni kamam niko te del orba bilachi katar amaro rado. Goleke, ni chera ni iek ezgoda te peravel averen.
4
Ta pe suako ezgoda sikava kai sam esluge e Devleke, ta terpi esmiro ande sa gaia patnia.
5
Chalade amen e bichoia, thode amen ande rubie, cherde burkania pe amende, ta isto gia radisardam zurale. But droma ni sovaia ta ni jaia niso.
6
Ta sikadam prema sar zivisardam kai cherdam e ezgode chachimaia, soke pinllara o chachipe, ta llana te adurichara ta si amen volipe, soke o Santo Duo si ande amaro zivoto, goleke si amen o volipe chachuno.
7
Pala e zor kai del amen o Del, da e chachi orba tumenge. Kana si amen patnia ni nasa latar, phena ta chera suako drom so si orta.
8
Nesave droma den amen pachiu, a aver droma kusen amen, a nesave droma den orbe lache amendar, a aver droma den orbe bilache. Dikhen amen sargo kojamne, kana amen so phena si o chachipe.
9
Von dikhen amen sargo kana ni pinllaren amen, a von llanen kai amen sam pinllarde. Sam thode po meripe a sam pherde zivoto, maren amen, a ni mundaren amen.
10
Dikhiva sargo kana si amenge zalba, a amen sam vesele, dikhiva chorre, a bute llenen pravara, dikhiva sargo kana inai amen niso, a sa si amen.
11
Phlalalen katar o Korinto, diam orba tumenchar sa amare liea ta sa amare chachimaia.
12
Amen putardam sa amaro lio tumenge, a tumen ni putarden tumaro lio amenge.
13
Goleke, moliv man tumenge sargo iek dad kai molilpe pe chaurrenge, te putaren mange tumaro lio, gia sar cherdem le me tumenchar.
14
Te na avel tumen ni iek posla ande ezgode kai cheren e llene kai ni pachan. Soke ¿sai avel ande iek than o chachipe ta i o bilachipe? ¿O sai avel ande iek than o villelo ta i o truniariko?
15
Nasti avel isto gua mislo e Kristo ta e llavolo, ta isto gia, o lleno kai pachal nasti avel le isto gua mislo e llenea kai ni pachal.
16
Nasti avel ni iek posla maskar o cher e Devleko ta aver dela. Soke amen sam o cher katar o Del o llundo, isto gia sar vou phenda: Ka ziviu lenchar, ta ka phirav maskar lende ta me ka avav lengo Del a von ka aven mo foro.
17
Goleke o Gazda phenel gia: Liken maskar lende ta fuladon lendar Ta na dodin niso pokalime Ondaka me ka lau tumen
18
ta ka avav sargo iek Dad tumenge, a tumen ka aven sargo me chaurre ta me chorra, gava phenel o Gazda kai si le sa e zor.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 7 →
All chapters:
1
2
3
4
5
6
7
8
9
10
11
12
13