3 John 1

Romani Ursari 2018 (Biblia Ande Chib Romani)

Jump to:

1O phuro katar e khanlliri bichalel salami e Gaioke kai me voliv le chachimaia.

2Phlala, mangav e Devletar, te llal chuke sukar ande suako ezgoda, te ave sasto, ta te llal chuke sukar ande cho pachape.

3But veselisailem kana avile mande nesave phlal, ta phende mange kai san ando chachipe ta kai phire ando chachipe.

4Mi mai bari veselia si kana asunav kai me chaurre ando pachape llan po drom o chacho.

5Phlala, tu chere but sukar kana pomozi amare phlalen ta i kana pomozi avere phlalen kai aven duratar.

6Von die chi orba ande khanlliri ta phende katar cho volipe. Sukar avela te pomozin len ande so trubul len, soke von si te llan e dromea, gia sar si drago e Devleke.

7Soke von likiste te phenen e lachi viasta e Jesukristoki, ta ni lie niso katar e llene kai inai judiura.

8Goleke amen morabi te ava lenchar pachivale, te sai phenen saurrenge e lachi viasta.

9Me pisisardem iek lil e khanllirake, a o Diotrefes kai drago leke te gazdaril, ni kamel te thovel mange sama.

10Goleke kana ka llau tumende me ka dav pe lete, soke phenel alava kojamne amendar. Ta na samo gua, inai pachivalo e phlalenchar kai aven duratar, ta ogola kai mangen te aven pachivale lenchar, vou ni mukel len ta trade len katar e khanlliri.

11Phlala Gaio, na cher sargo gola kai cheren o bilachipe, cher o lachipe. Soke gola kai cheren o lachipe si e Devleke, a gola kai cheren o bilachipe ni pinllaren e Devle.

12A katar o Demetrio sa den orba lachi. Ta i o chachipe del orba sukar letar, ta i amen da orbe lache letar, ta tu llane kai so phena amen si o chachipe.

13Man sea but ezgode te phenav chuke, ta ni kamam te pisiv len chuke,

14soke mangav te llav tute oma te dav tuia orba.

15E pas te avel tuia. E amale bichalen chuke salami. Bichal i tu salami suakone amaleke.

Jump to: