bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Ursari 2018 (Biblia Ande Chib Romani)
/
Daniel 6
Daniel 6
Romani Ursari 2018 (Biblia Ande Chib Romani)
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 7 →
1
O Dario avila leke sukar te thovel stotina ta bis llenen te gazdarin pe sa leki charoina.
2
Angla gala llene thoda trine llenen te sai dikhen o rado kai cheren gala llene, gia te na murin leki charoina. Iek katar gala trin llene kai gazdarina saia o Daniel,
3
a o Daniel saia mai baro neko ogola llene kai gazdarina soke saia ande lete iek duo mai baro, ta o charo mislisailo te thovel le te gazdaril pe sa leki charoina.
4
Ondaka e llene kai gazdarina pe charoina rodena te dosaren e Daniele pe vareso katar o rado katar e charoina, a sar o Daniel saia chacho ni malade pe so de dosaren le, goleke nasti malade niso bilacho te dosaren le.
5
Ta i kana ni malade niso, pale thode te mislinpe ta phende: Nikada ni ka malava pe so te dosara e Daniele, samo te malavaia vareso te dosara le ando zakono leke Devleko.
6
Kana phende gava, e llene kai gazdarina ta e bizai manus llele angla o charo ta phende leke: ¡Te zivil ostade o charo Dario!
7
Sa e llene kai gazdarin ta e sudura ta e bizai manus ta e birovura katar e charoina achilam pe iek orba: te manga tutar te thove iek zakono te avel thodo tutar charo ta te phenel gia: Kai ande gala tranda llive, niko te na molilpe ni iekhe deleke ta ni manuseke, samo tutar te mangen. Ko ni kandela gava zakono te avel thodo ande iek anadipe ande phuv kote kai thoven e liononen.
8
Akana charo thov cho pisipe pe gava zakono te na pharruven le, gia sar si o zakono katar e Media ta e Persia, kai nasti pharrudol.
9
Ondaka o charo thoda po pisipe po zakono ta pe ezgode kai nasti cheren ande gola llivesa.
10
Kana o Daniel llangla kai o charo thodaia po pisipe pe gua zakono, llelotar kai po cher ta putarda e penllerave katar pi soba kai sovela kai dela karing o Jerusalem, ta dia changa te molilpe ta te blagosil e Devle. Ta gava cherela le po trin droma ando llive.
11
Ondaka gola llene avile kai leko cher ta dikhle e Daniele kai molilape ta blagosila pe Devle.
12
Goleke llele kai o charo te den le golli katar o zakono ta phende leke: Charo, ¿Ni thodan iek zakono kai varesavo lleno ande gala tranda llive te molilape avere deleke o manuseke te na avela chuke charo, te avel thodo ando anadipe ande phuv kote kai si e lionura? O charo phenda: Ea gia si, gia prema o zakono katar e Media ta e Persia kai nasti pharrudol.
13
Ondaka von phende e charoke: ¡O Daniel iek katar e judiura kai avile phangle katar o Juda, ni del tut liubao charo ta ni kandel o zakono kai tu thodan cho pisipe pe lete! ¡Ta trin droma ando llive molilpe pe Devleke!
14
Kana o charo asunda gaia orba, achilo but tristome ta mislisailo te braduil e Daniele ta lligo ni pela kham cherda so sai de braduil le.
15
A gola llene thodepe truial katar o charo ta phende leke: Charo, morabi te llane kai gava zakono si prema o zakono katar e Persia ta katar e Media, ta kana o charo thovel po pisipe pe lete nasti pharrudol.
16
Ondaka o charo phenda te anen e Daniele, ta chudie le ando anadipe ande phuv kote kai si e lionura. A mai anglal te cheren gava zakono, o charo phenda e Danieleke: ¡O Del kake tu radi gia chachimaia, te braduil tut!
17
Ondaka chudie e Daniele ando anadipe ande phuv kote kai si e lionura ta thode iek barr po mui katar o anadipe, ta o charo thoda po sello po barr pe angrustaia ta e angrustenchar katar e llene kai gazdarin, gia te na pharruven pe so achilea, ta gava zakono te cherdol e Danielea.
18
Pala gala ezgode o charo llelotar kai po cher ta thodape tele bi te jal, ta ni mukla te basalen leke, ta leki lindri llelitar letar.
19
Ta thiarinako rano o charo ustilo ta llelo oma kai o anadipe ande phuv kote kai si e lionura.
20
Ta kana saia pase ikharda tristomaia e Daniele, ta phenda: Daniel sluga katar o Del o llundo, cho Del kake tu radi, ¿sai braduisarda tut katar e lionura?
21
Ondaka o Daniel phenda leke: ¡Te zivil o charo ostade!
22
Mo Del bichalda pe suecho ta phangla o mui e liononengo te na cheren mange niso, soke o Del llanel kai me ni sem dosalo ta kai chuke charo ni cherdem ni iek bilachipe.
23
Kana asunda le o charo but veselisailo ta bichalda te ikanen e Daniele katar o anadipe ande phuv, ta kana ikande le dikhle kai e lionura ni cherdea leke niso, soke pachaia ande po Del.
24
Ondaka o charo bichalda te anen e llenen kai dosardea e Daniele ta phenda te chuden len pe chaurrenchar ta pe lluvlienchar ando anadipe e liononengo, ta ni resle te aven llik tele katar o anadipe kana e lionura jutle pe lende ta phagle sa lenge kokala.
25
Mapalal o charo Dario pisisarda gala alava sa e llenenge katar sa e phuvia ta e chibia kai zivina ande phuv: Te bariol tumari pas.
26
Gale alavenchar phenav kai sa e llene ande mi charoina morabi te daran ta te izdran angla o Del e Danieleko, soke vou si o Del o llundo ta achel sa e bursenchar. Leki charoina nikada ni ka avel zatrime, ta leko gazdaripe ka achel llik kai o son.
27
Vou braduil ta mukliarel e phanglen, ta cherel te dikhon bare ezgode devlikane ando miloso ta ande phuv. Vou braduisarda e Daniele katar e muia e liononenge.
28
Ta o Daniel llela leke sukar kana charoisarda o Dario ta i kana charoisarda o Siro o persa.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 7 →
All chapters:
1
2
3
4
5
6
7
8
9
10
11
12