Ecclesiastes 11

Romani Ursari 2018 (Biblia Ande Chib Romani)

← Chapter 10 Jump to: Chapter 12 →

1Chude cho marrno ando pai, soke ka nakhen but llivesa ta ka malave le.

2Fulav efta ta i ojto llenenchar, soke ni llane so ka avelpe pe phuv.

3Te si e oblakura pherde pai ka delpeke upral pe phuv, a te perel o kas karing o sur, o karing o norte, kote kai ka perel kote ka achel.

4Ko dikhel pe balav ni thovel a simicha, ta ko dikhel pe oblakura ni chidel.

5Gia sar ni llane kai llal e balav, o sar bariol o minono ande pe dako lli, isto gia ni llane sar radil o Del kai cherel sa e ezgode.

6Thiarinako thov ande phuv chi simicha ta i pasa e riat, soke ni llane savi katar e dui ka likel mai lachi, o e dui ka liken lache.

7Sukar si te dikhe o villelo e khameko,

8a i te zivila o manus but burs, ta i te avel le but dragostia ande gola bursa, de tut golli kai ka aven but llivesa ando truniariko, ta kai sogo ka avel mai angle ni mol le niso.

9Veselisao ternea ande cho ternipe, ta te avel tut dragostia kana ka bario, cher so phenel chuke cho lio ta so dikhen che akha, a de tut golli kai pe sa gala ezgode ka krisil tut o Del.

10Goleke chude tutar e joli kai si ande cho lio ta duriar katar chi esnaga o bilachipe. Soke i o ternipe ni mol le niso.

← Chapter 10 Jump to: Chapter 12 →