bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Ursari 2018 (Biblia Ande Chib Romani)
/
Galatians 1
Galatians 1
Romani Ursari 2018 (Biblia Ande Chib Romani)
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 2 →
1
Me o Pablo ni sem bichaldo e manusendar ta ni sem thodo lendar te cherav gaia buchi, isto o Jesukristo bichalda man, ta o Del o Dad kai cherda e Jesuse te ustel katar o meripe,
2
me ta sa e phlal katar e khanlliri kai si manchar bichala salami sa e llenenge katar e khanllira kai si ande Galasia.
3
O Del amaro Dad ta o Gazda o Jesukristo, te del tumen katar po volipe ta katar pi pas.
4
O Jesukristo diape kurbano cheres amaro bilachipe, te braduil amen katar o bilachipe kai si akana ande gava sueto bilacho, soke gia mangla amaro Del ta Dad.
5
¡Blagosime te avel o Del ostade! Gia te avelpe.
6
Me chudisailem but tumendar soke durilen gia oma katar o Del kai ikharda tumen ta sikada po volipe e Kristoia, a tumen akana pachaien ande aver viasta.
7
O chachipe si kai inai aver lachi viasta. So llalpe kote si kai aver llene thoven aver mislura maskar tumende ta mangen te pharruven e lachi viasta e Jesukristoki.
8
A vareko te inllarela maskar tumende aver viasta kai inai sargo gaia kai amen phendam tumenge, proketo te avel e Devletar, i te avava isto me o iek suecho katar o miloso.
9
Pale ka phenaule tumenge: Vareko te phenela tumenge aver viasta kai inai sargo goia kai lien, proketo te avel e Devletar.
10
Me ni rodau te avav drago e llenenge, me rodau te avav drago e Devleke. Ni rodau te achav lacho e manusenchar. ¡Te rodiema te achav lacho e manusenchar, ni avilema iek esluga e Kristoko!
11
Phlalalen, mangav te llanen iek ezgoda: E lachi viasta kai me phenav tumenge ni cherdala nisavo manus.
12
Ni liemla ta ni sikilemla katar ni iek manus, isto o Jesukristo sikadala mange.
13
Tumen asunden so cherava omanglal kana pachava sargo e judiura ta sar llava silnomaia te marav e llenen kai sea katar e khanlliri e Devleki ta sar mangava te zatriv la.
14
Cherava sa so cherena e judiura ta i mai but neko e llene kai sea ande me burs, soke kandava sa e zakonura amare puranenge.
15
A o Del volisarda man pe gachin kai esvirisarda man kana me ni sema ni biando ta ikharda man soke o Del si but lacho,
16
ta sikada mange ko saia leko Chavo te inllarav leki viasta maskar e llene kai inai judiura.
17
Ta ni llelem ando Jerusalem kai e llene kai sea apostolura mai anglal neko me. Me sigardem te avav ande Arabia ta mapalal irisailem ando Damasko.
18
Nakhle trin burs ta mapalal llelem ando Jerusalem te pinllarav e Pedro ta achilem lea desupanch llive.
19
A ni dikhlem ni iekhe katar ogola apostolura samo e Santiago o phlal e Gazdako.
20
Angla o Del phenav kai so pisiv tumenge si o chachipe.
21
Mapalal llelem karing e phuv katar e Siria ta e Silisia.
22
A e llene kai sea katar e khanlliri e Kristoki ande Judea ni dikhlea man nikada.
23
Von samo asundea kai omanglal rodava te mundarav len, a akana isto me phenav goia lachi viasta kai omanglal mangava te zatriv.
24
Ta blagosina e Devle pala so cherda o Del manchar.
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 2 →
All chapters:
1
2
3
4
5
6