Jonah 2

Romani Ursari 2018 (Biblia Ande Chib Romani)

← Chapter 1 Jump to: Chapter 3 →

1Ondaka o Jonas molisailo e Devleke andral katar o macho,

2ta phenda: Ande mi nuzda molisailem chuke Del, ta tu dian anglal. Kana sema ando than e mulengo, tu asundan mo avazi.

3Chudian man chak andre ande mora, ta e mora saia truial mandar sargo iek bari len. E bare valura kai tu bichaldan nakhena upral pe mande.

4Ta misliva kai tu chudian man tutar, misliva kai ni ka dikhav nikada ios cho santo Cher.

5Samo pai saia truial mandar, e bari mora saia upral pe mande, ta e patra e morake ulinape pe mo soro.

6Reslem chak tele katar e phuv, ¡misliva kai nikada ni ka likav kotar! A tu Del, kai san mo Del, braduisardan man katar o meripe.

7Kana acharava kai o zivoto mukela man, mislisailem ande tute, Del, o molipe kai cherdem reslo tute kai cho santo Cher.

8E llene kai pachan ande aver dela muken o lachipe,

9a me, ka blagosiv tut me avazea, ka cherav chuke kurbanura, ka cherav e sovlia kai jalem chuke. ¡Samo tu, Del, sai bradui!

10Ondaka o Del cherda e mache te chadel e Jonase pe phuv.

← Chapter 1 Jump to: Chapter 3 →