bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Ursari 2018 (Biblia Ande Chib Romani)
/
Joshua 17
Joshua 17
Romani Ursari 2018 (Biblia Ande Chib Romani)
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 18 →
1
Gaia si e phuv katar o Manases o chavo mai purano katar o Jose. E Makirake kai saia o chavo mai purano katar o Manases ta o dad katar o Galaad die le o Galaad ta o Basan pe rig kai likel o kham katar o Jordan.
2
Ta fulade e phuv maskar aver chave katar e vicha e Manaseki prema e familie. Maskar o Abiezer, o Jelek, o Asriel, o Sikem, o Jefer ta o Semida kai sea e panch chave katar o Manases ta unukura katar o Jose.
3
A o Selofjad kai saia chavo katar o Jefer ta unuko katar o Galaad o chavo katar o Makir ta unuko katar o Manases, ni sea le chave samo panch chorra, e Majla, e Noa, e Jogla, e Milka ta e Tirsa.
4
Gala chorra avile te dikhen e popo o Eleazar ta e Josue chavo katar o Nun ta e mai preche llenen, te phenen lenge: O Del phenda e Moiseke te den amen phuvia maskar amare phlal. Ta vou dia len phuv maskar lenge dadeko phlal, sar phendaia le o Del.
5
Ta e vichake katar o Manases fulade des kotora katar e phuv ta e phuvia katar o Galaad ta o Basan kai si pe rig kai likel o kham katar o Jordan,
6
soke e chorrake katar o Manases die len phuv sargo e murusen. E phuv katar o Galaad fuladelen avere chaven katar o Manases.
7
E phuv katar e vicha e Manaseki saia katar o Aser llik o Mikmetat kai si ando sur katar o Sikem ta llala ando sur llik o bunari katar o Tapuaj.
8
E phuv katar o Tapuaj saia katar o Manases, ta o foro o Tapuaj saia katar e vicha e Efraineki.
9
Ando sur e phuv avela llik o paiorro katar o Kana. Goleke gala dui forura katar o Efrain sea maskar e forura katar o Manases. E phuv e Manaseki si ando norte katar isto gua paiorro ta likel ande mora.
10
E phuv e Efraineki saia ando sur katar o paiorro ta o Manases ando norte pasa e mora ta e phuv e Aseraki ando norte ta e Isakareki ando este.
11
E vicha e Manaseki sea la forura ta forichura ande phuv katar o Isakar ta o Aser, o Bet Sean, o Ibleam, o Dor, o Endor, o Taanak, o Megido ta e trin phuvia.
12
E chave katar o Manases nasti tradie e llenen katar gola forura, ta o kananeo mardepe te sai achen kote.
13
Mapalal kana e israelitura sea mai zurale mangle katar e kananeura te pochinen lenge love ta ni tradie len kotar.
14
E chave katar o Jose phende e Josueke: ¿Soke dian amen samo iek phuv kana amen sam but ta o Del blagosil amen?
15
Ta o Josue phenda lenge: Te si kai tumen sen but ta ni resen ande burdura katar o Efrain, llan ande vostanura katar e ferezeura ta e refaitura ta len len, soke o burdo katar o Efrain si minono tumenge.
16
Ta e chave katar o Jose phende: Ni resel amenge gava burdo. Ta sa e kananeura kai zivin ande bari umal si len bordona sastrune, ta i golen kai zivin ando Bet Sean ta e forichura pase, ta gola kai zivin ande bari umal katar o Jezreel.
17
Ondaka o Josue phenda e chavenge katar o Jose, o Efrain ta o Manases: Tumen sen but ta zurale, goleke ni ka len samo iek kotor katar e phuv,
18
gava burdo uchardo ande vostanura ka avel tumaro ta ka radi ande le. Soke ka traden kotar e kananeonen i te avena zurale ta i te avena len bordona sastrune.
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24