bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Ursari 2018 (Biblia Ande Chib Romani)
/
Philemon 1
Philemon 1
Romani Ursari 2018 (Biblia Ande Chib Romani)
Jump to:
Chapter 1
1
Me o Pablo phanglo katar o Kristo Jesus ta o phlal o Timoteo bichala salami chuke Filemon kai pomozi amen ande gaia buchi.
2
Ta e khanllirake kai chidiniaol ande cho cher, ta i e phiorrake e Apiake ta e Arkipoke, amaro phlal ande gava rado.
3
O Del kai si amaro Dad, ta o Gazda o Jesukristo te den tumen po volipe ta pi pas.
4
Suako drom kana moliv man dav man golli tutar Filemon, ta dav fala me Devle cheres tu.
5
Soke phende mange katar o volipe ta o pachape kai si tut pala o Gazda o Jesukristo ta i pala sa e llene kai si katar o foro santo.
6
Ta mangav e Devletar te lla angle che pachamaia ta te pinllare sa o lachipe kai sai chera pala o volipe kai si amen pala o Kristo.
7
Sem but veselo katar cho volipe. Soke tu phlala pherdan volipe o lio e llenengo kai si katar o foro e Devleko.
8
Goleke i te avela man o gazdaripe ando anav e Kristoko te phenav chuke so morabi te chere,
9
si mange mai sukar te mangavle tutar ando anav katar o volipe. Akana me o Plablo kai sem phuro ta sem phanglo cheres o Kristo Jesus,
10
mangav tutar te chere iek sebapi me chaurreke o Onesimo, kai akana sem sargo leko dad soke me phendem leke e lachi viasta kate ande rubie.
11
Omanglal o Onesimo saia chuke iek sluga bilacho, a akana trubul tut ta i man.
12
Bichalav le chuke pale: vou si sargo mo chaurro.
13
Mange avilaia drago vou te achiloia kate manchar, te sai pomozil man po than chiro so me sem phanglo cheres e lachi viasta.
14
A me ni kamam te cherav niso kai inai prema chi volia, ta te sai chere mangav gua sebapi tu tutar ta te na cherele pe zor.
15
Sai avelpe kai o Onesimo durilo tutar nesavo vreme te sai akana avel tuia ta nikada te na llaltar,
16
ta akana te na avel sargo iek sluga, te avel mai but neko iek sluga. Te avel, sargo iek phlal kai voli. Me voliv le but, a tu morabi te voli le ios mai but, na samo sargo iekhe manuse, morabi te voli le i sargo iekhe phlale ando Gazda.
17
Goleke te sem chuke iek phlal ando pachape, le le sargo te le isto man.
18
A Te cherda chuke varesavo bilachipe o Onesimo, o te si chuke vareso unllile, me ka pochinaule.
19
Me o Pablo pisiv gala ezgode me vastea: Me ka pochinav. A saia te na pochinav chuke niso soke tu san mange unllile cho zivoto.
20
Ea phlala, mangav tutar gava sebapi pala o volipe e Gazdako; cher te avel man gaia dragostia ande mo lio sar sam phlal ando Kristo.
21
Pisiu chuke soke llanav kai san iek lleno kai kande, ta llanav kai ka chere ios mai but neko so mangav tutar.
22
Ta lachar mange iek than kai te sovav; soke aduricharav te asunel o Del tumaro molipe kai cheren pala ma, ta te likau katar o phandipe te llau te dikhav tumen.
23
Bichalel chuke salami o Epafras kai si manchar ando phandipe cheres o Kristo Jesus,
24
ta i o Markos bichalel chuke salami, ta i o Aristarko ta o Demas ta o Lukas, von si kai pomozin man ande gaia buchi.
25
O Gazda o Jesukristo te del tumen po volipe.
Jump to:
Chapter 1
All chapters:
1