Malachi 4

Romani Baltic (Библия - Пэ Балтитко Романи чиб (Романэс) 2019)

← Chapter 3 Jump to:

1Пал-дова́ со, акэ, сыг явэ́ла дывэ́с, саво́ явэ́ла тэ хачкирэл саро́ сы́рбы бов, и сарэ́ пхутькирдэ́ и начачунэ (злыдня) мануша́ явэ́на сыр чхучо́ пхус; и дава́ дывэ́с, со явэ́ла, похачкирэла лэн адя́кэ, – ракирэ́ла янголэ́нгирэ-болыбна́скиро Рай Дэвэ́л, – “Со на ячэ́лапэ ни рукх (корнё), ни рандь (вэтка).

2Нэ ваш тумэ́нгэ, кон дарэ́ла Мирэ́ лавэ́стыр, ґаздэ́лапэ Кхам чачипна́скиро, со явэ́ла тэ састякирэл лучэнца, и тумэ́ джа́на яври́ и тумэ́ явэ́на тэ ухтэн, кхэлындой, сы́рбы тхулэ целянты.

3И тумэ́ явэ́на тэ традэ́н начачунэн (злыднен), пал-дова́ со ёнэ явэ́на сыр пра́ска [пра́хо-р.с.] тэл пирэ́ (подэшвы) тумарэ́ ґэрэнгирэ, дро до дывэ́с, сыр Мэ кэра́ва дава́,” – ракирэ́ла янголэ́нгирэ-болыбна́скиро Рай Дэвэ́л.

4Рипирэн Мойза́скиро Зако́но, Мирэ́ писхарискиро, саво́ Мэ припхэндём лэ́скэ пэ Хориво ваш саро́ Израилё: стату́ты и зако́ны.

5Акэ, Мэ бичхава́ва тумэ́нгэ пророко́с Илияс анги́л, сыр явэ́ла баро́ дывэ́с, и трашано (дарано) Ра́скирэ-Дэвлэ́скиро.

6И ёв рискирэ́ла дадэ́нгиро ило́ кэ чхавэ́, чхавэ́нгиро ило́ кэ дада́, соб (кай) Мэ, сыр ява́ва, тэ на обчхував пхув прокошыбнаса.

← Chapter 3 Jump to: