1 Corinthians 12

Romani Ursari (E Devleso Lafi ko Gurbetsko Dijalekt)

← Chapter 11 Jump to: Chapter 13 →

1A baše duxovna darura, phralalen thaj phejalen, ni mangav te aven ano bidžanglipe.

2Džanen kaj, dok ni pindžarden e Devle, sena nesar xoxade thaj inđarde ko bango drom premale lalore idolura.

3Golese mangav te džanen kaj nijekh savo si inđardo e Devlese Duxosa našti phenol: “Harami e Isusese!” Thaj khoni našti vaćarol: “O Isus si o Gospod!”, sem kova savo si inđardo e Svetone Duxosa.

4Isi različita duxovna darura, al o Duxo si jekh.

5Isi i različito služipe, al o Gospod si jekh.

6Isi različita načinura sar o Dol ćerol pi bući ano manuš, al o Dol si jekh, savo sa ćerol ane savorende.

7A dži jekhese dol pe te sikadol o Duxo maškar leste, te avol savorenđe ko šukaripe.

8Golese kaj, jekhese o Duxo dol lafi taro gođaveripe thaj averese gova isto Duxo dol lafi taro džanglipe,

9thaj averese gova isto Duxo dol pačajipe thaj averese gova jekh isto Duxo dol darura te sastarol,

10thaj averese te ćerol čudesura thaj averese te prorokujil, averese te razlikuil e duxuren thaj averese te vaćarol avere čhibencar thaj averese te tumačil gola čhiba.

11Al sa kava ćerol jekh isto Duxo, savo dži jekhese dol pojedinačno sar manđol.

12Golese, sar so si jekh telo thaj isi le but kotora, sa e kotora, iako si pherdo, si jekh telo. Gija si i e Hristesa.

13Golese, savore sama krstime ano jekh Duxo te bi avasa jekh telo, bizo obzir dal sam Jevreja, il abandžije, il robura, il slobodna manuša. Savore piljam tare jekh Duxo.

14Golese kaj, o telo naj samo jekh kotor, nego but kotora.

15Te vaćarda o pingro: “Me naj sem va thaj golese naj sem kotor taro telo”, dal golese naj kotor taro telo?

16Il te vaćarda o kan: “Naj sem jakh thaj golese naj sem kotor taro telo”, dal golese naj kotor taro telo?

17Kana bi sa o telo avola samo jakh, sar bi šajine te šuna? A kana bi sa o telo avola samo kan, sar bi šajine te miriši?

18Al o Dol čhuta sa e kotora ano telo sar vov so manglja.

19Kana bi sa e kotora avena jekh kotor, kaj bi avola o telo?

20Gija isi but kotora, al si jekh telo.

21Našti i jakh te vaćarol e vastese: “Ni trubu man!”, ni o šoro e pingrenđe: “Ni trubun manđe!”

22Naprotiv, kola kotora e telose save dičhen pe kaj si slaba – von si potrebna.

23Thaj kola kotora e telose baše save da gođi kaj si em ladžutne, da len pobaro čast. Posebno učhara e kotora e telose save ni trubun te dičhen pe,

24dok e kotorencar e telose save dičhen pe, gova ni trubul. Al o Dol sastavisada o telo gija so dija pobaro čast kole kotorenđe saven naj čast,

25te ma avol čingara ano telo, nego e kotora e telose jednako te dičhen jekh avere.

26Te jekh kotor e teloso patil, sa avera kotora e telose, lesa patin. Te jekhe kotorese taro telo dol pe čast, sa avera kotora e telose si radosna.

27Tumen sen o telo e Hristeso thaj dži jekh tumendar si leso kotor.

28Thaj o Dol čhuta ani khanđiri angleder e apostoluren, dujtonen e prorokuren, a tritonen e učiteljuren. Tegani čhuta kolen so ćeren čudura, pa kolen so isi len darura te sastaren, te pomožin, pa kolen so šaj te aven vođe thaj kolen so isi len daro te vaćaren avere čhibencar.

29Savore li si apostolura? Savore li si prorokura? Savore li si učiteljura? Savore li ćeren čudura?

30Savoren li isi daro te sastaren? Savore li vaćaren avere čhibencar? Savore li tumačin e čhiba?

31Manđen but te avol tumen pobare darura. A me ka sikavav tumenđe vadži pošukar drom.

← Chapter 11 Jump to: Chapter 13 →