bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Sinte 2024 (O Debleskro Lab 2024 (Sinte-Manouche))
/
Isaiah 40
Isaiah 40
Romani Sinte 2024 (O Debleskro Lab 2024 (Sinte-Manouche))
← Chapter 39
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 41 →
1
“Rakrenn lačes mire menshentsa, oun khossenn lengre sva”, penell t'maro Devel.
2
“Rakrenn i menshenge an Yerusalem an o dji, oun penenn lenge: Ko tsiro hi trouyel, kay hounte boudran tel douka oun dava. T'mari tseli doosh hi playsedo. O baro Devel das t'men i phagi, hoy his yaake baro, har te lans douy kope i phagi t'maro tselo čilačepaske.”
3
Shounenn! Koy dell yek gole: “Krenn o baro Debleske o drom an o moulo tato them, te nay vell lo pash i menshende! Lenn halauter krik, hoy maro Debleske an o drom čiddo hi!
4
Krenn, te vell haki berga tikneder! Oun hadenn ko them, hoy mank i berge čiddo hi! O bango drom te vell bouder gar bango! Oun o djoungelo drom te vell mishto kerdo.
5
O baro Debleskro raylepen vell diklo. Oun i tsele menshe dikenn les. Kova penas o baro Devel.”
6
Oun shounom, har yek penas: “Rake tire menshentsa!” Oun me poučom: “Hoy dap gole?” “I tsele menshe hi har khass, oun har divye bloume djivenn le kek rah tsiro.
7
Te phourdell o baro Devel pral lende, vell o khass djelto, oun i blouma perell tele. Čačepah, i menshe hi har khass!
8
Oun o khass vell djelto oun i blouma perell tele, – o rakepen o baro Deblestar kova ačell hako tsireske.”
9
Tou, koy berga Sion, hal har i čay, kay anell i lačo lab. Tou, o foro Yerusalem, hal bičedo te aness barht. Dja pre ap i bari berga! De zoryah gole, oun ma dare! Dja pre ap i bari berga! Pen ap i forya an o them Youda: “Ake, t'maro Devel!”
10
Dikenn, o baro Devel, maro ray, vell bari zoryah. Oun yob hi o ray pral halauter. Kolen, kay yob vin las dran o pandepen, hi pash leste. Ava, kolen, kay yob peske ginas, djan leske glan vin.
11
Yob dell yak ap lende har i bakrengro dell yak ap peskre bakre oun dell len te rhal, oun lell i terne bakren an peskre moussya, oun hidjrell len an peskri baya. Oun kolla, kay len terne hi, lenge djal lo lačes trouyel.
12
Koon hi yaake baro, te nay lell lo i tsele panya an peskro vast? Koon nay čivell peskro vast ap o bolepen oun penell, har bourhlo kova hi? Koon nay čivell i tseli čik i phoubyatar an i baro čaro, te dikell lo har boud kova hi? Oun koon nay penell, har pharo i berge hi, oun nay čivell len ap i vaga? Kek mensho nay krell kova!
13
Kek nay penell o baro Debleske, hoy te krell lo. Kek nay sikrell les, har te krell yob čomone.
14
Kekestar poučas yob gosvepen, te hayvell lo, hoy mishto hi. Kek sikras les, har te krell lo o čačepen vin. Kek sikras les, har te djinell lo kava tselo koova, oun hayvell lauter mishto.
15
Dik, i menshe dran vavar themma hi leske gar boudeder moldo har o pani, hoy ap o khoro tele nashell, oun har i stauba, hoy ap i vaga čiddo ačas. Dik, i tikne themma an o baro pani hidjrell lo pre, har te vans le i vast pherdo čik.
16
Oun o tselo kasht ap i berga Libanon hi gar doha, te vell kolestar o Debleske i yag kerdo. Oun i tsele vesheskre firhe kote hi gar doha, te venn le leske maredo oun rhačedo.
17
I tsele themma hi har či glan leste, oun hi leske či moldo yaake har te vans le gar.
18
Koon hi har o Devel? Hi čomone yaake har yob?
19
I figura, nay vell li har o Devel? I boudepaskro krell lat dran saster, oun i vavar čivell sonakay troul late, oun krell roupene verklia oun pandell len ap late pre.
20
Yek, kay hi čorvelo, rodell peske i kasht, hoy zorelo ačell, oun anell les pash i morsheste, kay hayvell mishto o kashteha te boudrell, te krell lo leske i figura, hoy gar trouyel perell.
21
Hayvan t'mer gar? Shounenn t'mer gar? Vas kova t'menge gar penlo glan rah tsiro? Djinenn t'mer gar, har i phoub kerdo vas?
22
Yob hi kova, kay hi o ray pral i tseli phoub. Oun kolla, kay ap i phoub djivenn, hi glan leste har stepangre. Yob hi kova, kay čivas o bolepen pral i phoub har i bourhli plarhta, har te krell yek i plarhteno kheer, te nay djivell lo dren.
23
Yob krell, te vell i pralstunen bouder či penepaske, oun i rayenge pral i phoub lell lo lengri zoor krik.
24
Yon hi har djoba, hoy an i phoub vitsedo hi. Yaake sik har i drab lendar vin djal, phourdell i dourho pral lende, te venn le trouk. Oun i baro phourdepen phourdell len krik har phouss.
25
“Koon hi yaake har me”, poučell o čačo Devel, te nay penenn t'mer: “O baro Devel hi yaake har kova?”
26
Hadenn t'mare yaka pre, oun dikenn: Koon kras kova? Yob anell kol tsele bolepangre momlia ap lengro drom, oun djinell kitse yon hi, oun dell hakeni pash peskro lab gole. Oun kek hi koy, hoy palle gar vell. Yaake baro oun zorelo hi lo.
27
Hoske penenn t'mer Israelitarya, t'mer, kay venna pal o Yakob: “O baro Devel prindjrell men bouder gar. Maro Devel dikell gar koy pre, te vell men maro čačepen.”
28
Hayvan t'mer gar? Shounan t'mer gar? O baro Devel hi i Devel kay ačell hako tsireske. Yob kras i tseli phoub. Khino vell lo gar, oun lestar djal i zoor gar krik. Leskro gosvepen hi yaake baro, te nay hatsell les kek vin.
29
Yob dell kolen, kay khino van, nevi zoor. Oun an kolende, kay kek zoor bouder hi, dell lo nevo djipen.
30
Ninna terne menshe venn khino oun nashrenn pengri i zoor, oun terne kourepangre perenn, te hi len kek zoor bouder.
31
Kolla, kay ap o baro Debleste dikenn, lenn nevi zoor. Yon hadenn pen har bare čirkle hadenn pen pengre moussyentsa. Yon nashenn oun lengri zoor djal gar krik. Yon djan trouyel oun venn gar khino.
← Chapter 39
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 41 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66