bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Santali
/
Santali Bible (সান্তালী বাইবেল)
/
Daniel 12
Daniel 12
Santali Bible (সান্তালী বাইবেল)
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
1
“Ona jokhecʼ amren hoṛkoren rurukhiyạyicʼ maraṅ serma goḍet Mikayel doe ape sejokʼa. Ar nonkan mitʼṭecʼ kosṭo okte seṭerokʼa one ona do am jạtrenko khon ehopʼkate ona okte hạbicʼ tishõ baṅ hoyakan. Menkhan ona okte do amren hoṛko modren okoekoakʼ ńutum do puthire ol tahen onko do bańcaoko ńama.
2
Ar unre dhạrti reakʼ otreko jạpitʼ akatʼ alekha hoṛ doko ebhenokʼa; ar adomko do jaejug jiwetʼ tahen lạgitʼko beretʼa, arhõ adomko doko beretʼa lajao ar jaejug hirkhạwanko hoyokʼ lạgitʼ.
3
Okoeyakʼ bujhạu reakʼ daṛe menakʼtako, metakʼme okoe do ḍher hoṛko dhorom reakʼ horteko ạguakatʼko onko do sermaren marsal ar jolokʼkan ipil leka jaejug jol akanko tahena.
4
Menkhan am, Daniel do, mucạtʼ okte ạuri hijukʼ hạbicʼ noa nạbi katha reakʼ puthi bondkate ona reakʼ kathako chapkate dohokakʼme. Onako dinre ḍherkoge hanḍe nanḍeko calakʼa ar ạkil do baṛhaokʼtakoa.
5
Unre iń Daniel doń beṅgetʼketʼ khan eṭakʼ bar hoṛ iń samaṅre teṅgo akaniń ńelketʼkinạ. Unkin modren mitʼ hoṛ do gaḍa niạsare ar eṭakʼ armitʼ hoṛ do gaḍa hanasareye tahẽkana.
6
Ar mĩhĩ musnạ kicricʼ horokʼ akatʼ okoe do gaḍa dakʼ cetanreye tahẽkan uni do unkin bar hoṛ modren mitʼhoṛe metadea, “Noako hahaṛawakʼ mucạdokʼ do ar tinạkʼ din lagaokʼa?”
7
Unre iń doń ańjomkeda, gaḍa dakʼ cetanreye tahẽkan mĩhĩ musnạ kicricʼ horokʼ akatʼ uni hoṛ do acʼakʼ banar ti serma secʼ rakapʼkate okoe do jaejug jiwetʼ menae uni ńutumte kiriạkateye menkeda, “Pe bochor tala okte do lagaokʼa. Ar mucạtʼre Isorren hoṛkoakʼ daṛe do tinre rạputʼ utạrokʼa unre noako katha do purạukʼa.”
8
Iń doń ańjomketʼgea menkhan cetʼge bạń bujhạu daṛeada. Ona iạte iń doń kuliyana, “E ińren kisạ̃ṛ, noako reakʼ mucạtʼ jo do cetʼ hoyokʼa? ”
9
Uniye menkeda, “E Daniel, noako reaṅ do alom cintạkʼa, ente mucạtʼ okte ạuri hijukʼ hạbicʼ noako katha do bondkate chap dohoakana.
10
Ḍherkoge, sapha, niphuṭ arko khạṭi ocokʼa, menkhan dusṭạmi hoṛ do bedhorom iditegeko tahena. Dusṭạmiko do celege bako bujhạu daṛeakoa, menkhan ạkilanko doko bujhạu daṛeakogea.
11
Ar din hilokʼ reakʼ samaṅokʼakʼ do enhilokʼ khon bond ocokʼa ar ujạṛ utạrakʼ jinisko bạisạu dohokʼa ar enhilokʼ khon mitʼ hajar barsae aregel din do purạukʼa.
12
Uni hoṛ doe bhạgangea okoe doe ńel hohorkan ar mitʼ hajar pe sae turuigel mõṛẽ din reakʼ mucạtʼ hạbicʼ ṭikạu akane tahenkan.
13
“Menkhan am nonḍe cetʼleka gujukʼ hạbicʼ menam onkage tahenme. Ona tayom am do jirạuem ńama ar mucạtʼ dinre kuṛại ńam lạgitʼem jiwetʼ ruạṛokʼa. ”
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
All chapters:
1
2
3
4
5
6
7
8
9
10
11
12