bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Santali
/
Santali Bible (সান্তালী বাইবেল)
/
Leviticus 27
Leviticus 27
Santali Bible (সান্তালী বাইবেল)
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
1
Inạ tayom Probhu Isor do Mose galmaraoadeteye metadea, “Israelkom metakoa, jãhãege apnarakʼ bises manot akatʼakʼ purun lạgitʼ Probhu Isor ṭhen samaṅokʼakʼe samaṅ, enḍekhan ona samaṅokʼakʼ bodolte okaṭakʼ dam emokʼ hoyokʼ ona do nonka leka: bargel khon turuigel umerren herel hoṛko lạgitʼ do dhorom reakʼ tulạ lekate adha keji rupạ;
4
ar ona umerren maejiuko lạgitʼ do pesae gram rupạ;
5
mõṛẽ bochor khon bargel umerren koṛa hoponko lạgitʼ do barsae gram rupạ; ar ona umerren kuṛi hoponko lạgitʼ do mitʼsae gram rupạ;
6
mitʼ cando khon mõṛẽ bochor umerren koṛa gidrạko lạgitʼ do mõṛẽgel gram rupạ; ar ona umạrren kuṛi gidrạko lạgitʼ do pegel gram rupạ,
7
turuigel bochor se ona cetanren herel hoṛko lạgitʼ do mitʼsae tala gram rupạ, ar ona umerren maejiuko lạgitʼ do mitʼsae gram rupạ emokʼ hoyokʼa.
8
“Ar manotakʼe samaṅetʼ kạnicʼ doe reṅgecʼ hoṛkan khan ar niṭ akatʼ reakʼ dam emokʼ reakʼ daṛe bạnukʼtae khan uni do naeke ṭhen idiye hoyokʼa. Ar naeke do unre uniyakʼ daṛe leka ona reakʼ dame ṭhikaea.
9
“Uni do Probhu Isor ṭhen samaṅokʼakʼ lạgitʼ jãhãn janware emokʼ reakʼe manot akatʼ khan enḍekhan Probhu Isor ṭhen samaṅede janwar do sonot mente bujhạue hoyokʼa.
10
Uni janwar bodolte eṭakʼ janwar do ohoe em daṛelea. Uni do bhage bodolte bạṛicʼicʼ se bạṛicʼicʼ bodolte mońjicʼ emokʼ hõ baṅ ganokʼtaea. Uni do mitʼṭen janwar bodolte eṭakʼ armitʼṭen janware emokʼ enḍekhan banarge sonot mente bujhạukin hoyokʼa.
11
Probhu Isor ṭhen baṅ ataṅokʼicʼ nonkan jãhãn besapha janwar jãhãe manotakʼ lạgitʼe emokʼ enḍekhan uni janwar do naeke ṭhen idiye hoyokʼa.
12
Ar naeke do uni janwar ńelkate uniyakʼ oka dame ṭhik onage uniyakʼ dam do hoyokʼa.
13
Ar manote dohoyetʼkạnicʼ jodi uni chaḍaoe menjoṅ enḍekhan uni janwarakʼ dam sãote uni do arhõ mõṛẽ hĩs reakʼ mitʼ hĩs dam ḍher emokʼ hoyokʼtaea.
14
“Jãhãe hoṛ Probhu ńutumte sonot menkate acʼakʼ oṛakʼe sonot akatʼ khan naeke do oṛakʼ ńelkate ona reakʼ oka dame ṭhik onage ona reakʼ dam do hoyokʼa.
15
Ar acʼakʼ sonot akatʼakʼ oṛakʼ chaḍao ruạṛe men enḍekhan uni do ona oṛakʼ reakʼ dam sãote arhõ mõṛẽ hĩs reakʼ mitʼ hĩs dam ḍher emokʼ hoyokʼtaea. Ar ona tayom do arhõ acʼakʼ oṛakʼ hoe ruạṛokʼtaea.
16
“Jãhãe hoṛ acʼakʼ gharońj reakʼ sompotti reakʼ mitʼ hĩs Probhu Isor ńutumteye sonot khan enḍekhan ona jumire tinạkʼ itạ rohoeyokʼ ona lekate ona reakʼ dam do sab hoyokʼa. Mimitʼ mitʼsae irạlgel keji jao reakʼ itạ lạgitʼ adha keji rupạ reakʼ dam hõ sab hoyokʼa.
17
Ar hulạsokʼ bochorre acʼakʼ jumi Probhu Isor ńutumteye sonot khan enḍekhan naeke oka dame ṭhikae onage jumi reakʼ dam do hoyokʼa.
18
Menkhan hulạsokʼ bochor tayom acʼakʼ jumiye sonot ocoe khan enḍekhan naeke do hulạsokʼ bochor hisạbte ona reakʼ dame ṭhik dohoya. Onate naeke okaṭakʼe ṭhik dohoakatʼ purạ dam khon niạ dam do komaokʼa.
19
Jãhãe hoṛ jumi samaṅ tayom arhõe chaḍao ruạṛ khan ona jumi reakʼ ṭhik akatʼ dam sãote uni do arhõ mõṛẽ hĩs reakʼ mitʼ hĩs dam ḍher emokʼ hoyokʼtaea. Ar ona tayom jumi do uniyakʼ hoyokʼtaea.
20
Jumi bae chaḍao ruạṛtae se eṭakʼ jãhãeko ṭhene ạkhriń enḍekhan ona do ar bae chaḍao daṛeakʼa.
21
Hulạsokʼ bochorre tinre jumi khalasokʼa unre Probhu Isor ńutumte jarkharokʼ reakʼ sarapakʼ tabere tahen jumi lekage ona do Probhu Isor ńutumte sonotge tahena. Ar ona do unre naekeakʼ sompotti hoyokʼa.
22
Apnarakʼ gharońj reakʼ jumi reaṅ jãhãn hĩs baṅkan nonkan jãhãn kirińakʼ jumi jãhãe Probhu Isor ńutumteye sonot khan,
23
enḍekhan naeke do ruạṛ ńam bochor hạbicʼ hisạbkate ona reakʼ dame ṭhik dohoya. Ar enhilokʼge jumi reakʼ dam do Probhu Isor ńutumte sonot jinis lekate emkakʼ hoyokʼtaea.
24
Ar ona jumi okoe ṭhen khone kiriń ona do hulạsokʼ bochor arhõ uni ṭhen, metakʼme lahaten jumiren mạlik ṭhen ruạṛokʼa.
25
Jotowakʼ dam do sonot ṭhạ̃i reakʼ Sekel leka hoyokʼa. Ar dhorom reakʼ mitʼ Sekel do gel gram soman ojon kana.
26
“Jãhãege mĩhũ-meromren pạhil ạnḍiạ hopon do Probhu Isor ńutumte alope sonotkoa, ente joto mĩhũ-meromren pạhil ạnḍiạ hopon do Probhu Isorren kanako. Baṅ doe ḍaṅgrakan ar baṅ doe bheḍakan jotoge Probhu Isorren kanako.
27
Menkhan jãhãn besapha janwarren pạhil hoponkan khane enḍekhan naekeye ṭhik dohoakatʼ dam sãote arhõ mõṛẽ hĩs reakʼ mitʼ hĩs dam bạ̃ṛti emkate uniye chaḍao daṛeaea. Ar bae chaḍaoe khan uni do ona ṭhik dohoakatʼ damtege ạkhrińe hoyokʼa.
28
“Jãhãe hoṛ acʼren jãhãnicʼge Probhu Isor ńutumte marao reakʼe sarapae enḍekhan uni do ar bae ạkhriń daṛeaea se bae chaḍao daṛeaea. Baṅ do gharońj reakʼ jumige cetʼ ar manwa se mĩhũ-meromge cetʼ. Nonkanakʼ jãhãnakʼge maraoakʼ reakʼ sarapakʼ tabere sodorokʼ ona jotoge Probhu Isor ńutumte sonotakʼ jinis kana.
29
Jãhãe hoṛ Probhu Isor ńutumte sarapakʼ tabereye sodorokʼ enḍekhan uni do baṅ chaḍaoe hoyokʼa, uni do gocʼ giḍikae hoyokʼa.
30
“Jumi khon oka ńamokʼ ona reakʼ gel hĩs reakʼ mitʼ hĩs do Probhu Isorakʼ kana- ona do jumi reakʼ phosolge cetʼ ar dare reakʼ joge cetʼ. Ona do Probhu Isor ńutumte begar dohokakʼ hoyokʼa.
31
Jãhãege ona gel hĩs reakʼ mitʼ hĩs chaḍaoe menjoṅ enḍekhan ona reakʼ dam sãote arhõ mõṛẽ hĩs reakʼ mitʼ hĩs bạ̃ṛti emokʼ hoyokʼtaea.
32
Gại ḍaṅgra ar bhiḍi meromko mod khon gel hạṭińre mitʼ hạṭiń, metakʼme gupikoakʼ ṭheṅga latarteko parom akan sanam gelko khon mitʼṭen do Probhu Isor ńutumte begar doho akanko kanako.
33
Noko gelko modre bhageko se bạṛicʼko ona do baṅ ńel hoyokʼa se mitʼṭen bodolte eṭagicʼ emokʼhõ baṅ ganokʼa. Ar jãhãe hoṛe onkae khan enḍekhan uni gelicʼ ar uni bodolte okoeṭakʼe emokʼ uni hõ Probhu Isor ńutumteye sonot ocokʼa ar uni do bae chaḍao daṛeaea.”
34
Probhu Isor do sinại burure Mose hotete noako hukumge Israelko lạgitʼe emlena.
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27