Malachi 4

Santali Bible (সান্তালী বাইবেল)

← Chapter 3 Jump to:

1Phạdkoren Probhu Isore meneda, “Ńelme, ona din hijukʼkana, ona do culhạ reakʼ seṅgel leka jolokʼa. Enhilokʼ sanam bạḍại hoṛko ar sasantaoko do lanḍha busupʼ lekako hoyokʼa arko lo torojokʼa. Mitʼṭecʼ rehetʼ se mitʼṭecʼ ḍạr hõ sarecʼ do baṅ tahena.

2Menkhan ape okoe do ińpe botorạń kan ape cetanre iń do dhoromren siń candoń rakapʼ ocoyea uniyakʼ marsalre do phạphạriạwakʼge tahena. Ar ape do goṛa khon oḍok ạgukede mĩhũ lekape piḍgạu baṛaea.

3Ona tayom do dusṭạmikope lebetʼ gańjaokoa, ente oka hilokʼ onakoń kạmiya enhilokʼ onko do apeakʼ jaṅga latarre ńur akan torocʼ baraggeń hoyocokoa. Iń phạdkoren Probhu Isorge noa katha doń meneda.

4“Ape do ińren guti Moseyakʼ ạn-ạri reakʼ katha, metakʼme Horeb burure sanam Israelko lạgitʼ okaṭakʼ ạn-ạriń emade tahẽkan ona disạipe.

5“Ńelpe, Probhu Isorakʼ ona maraṅ ar botoranakʼ din ạuri hijukʼrege iń Probhu Isor do ape ṭhen Eliạ nạbiń kolea.

6Uni do apatkoakʼ ontor akoren hoponko ar hoponerako secʼ ar hopon ar hoponerakoakʼ ontor do apatko secʼe ạcur ruạṛtakoa, ar hecʼkate sarap iạte disạm jemon aloń jarkhar.”

← Chapter 3 Jump to: