bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Santali
/
Santali Bible (সান্তালী বাইবেল)
/
Numbers 8
Numbers 8
Santali Bible (সান্তালী বাইবেল)
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 9 →
1
Probhu Isor do Moseye galmaraoadea,
2
“Aron metaeme, diuhe dohowakʼ reakʼ eae goṭecʼ diuhe do nonka dohoy hoyokʼa jemon onko reakʼ marsal do diuhe dohowakʼ samaṅ secʼ marsalokʼ.”
3
Aron do onkageye dohokeda. Moseye emocoakan Probhu Isorakʼ hukum lekage diuhe dohowakʼ samaṅ secʼ marsalokʼ lạgitʼ ona reakʼ mạlikoe jeretʼkeda.
4
Diuhe dohowakʼ do nonka leka benao hoylena ona reakʼ ganḍo khon bahako hạbicʼ jotoge sona reakʼ koṭecʼ benaoakʼ tahẽkana. Probhu Isor do Mose cetʼleka nạmunae udukʼade tahẽkan ṭhik onkage diuhe dohowakʼ do benao hoyena.
5
Probhu Isor do Mose galmaraoadeteye metadea,
6
“Am do Israel hoponko tala khon Liwikom begarkoa arem saphakoa.
7
Onko do nonka lekam saphakoa: onko cetanre saphakʼ reakʼ dakʼem irciyakoa. Ar ona tayom do holatʼte goṭa hoṛmoko hoyo saphakʼa ar kicricʼko saphaetakoa.
8
Ona tayom onko do mitʼṭen ḍaṅgra ar uni sãote jomakʼ samaṅokʼakʼ lạgitʼ sunumre sipiyakʼ holoṅko ạguiya. Ar am do kại ńutumte samaṅokʼakʼ lạgitʼ armitʼṭen ḍaṅgram hataoea.
9
Inạ tayom do ńapamokʼ tạmbu samaṅre Liwikom ạgukoa ar sanam Israel hoponko mitʼ ṭhenem jarwakoa.
10
Probhu Isor samaṅre Liwikom ạgukoa ar Israel hoponko do onko cetanre akoakʼ tiko capoea.
11
Ar Aron do Probhu Isor samaṅre Israel hoponko ṭhen dolek samaṅokʼakʼ lekate Liwikoe samaṅkoa jemon Probhu Isorakʼ sapʼdapʼ kạmi lạgitʼko hoyokʼ.
12
Ona tayom Liwiko do unkin ḍaṅgra cetanre tiko capoetakoa ar am do Probhu Isor ńutumtem samaṅkinạ, mitʼṭen do kại ńutumten dãṛẽ mente ar eṭakʼicʼte do Liwikoakʼ puruchun lạgitʼ jeredokʼ samaṅokʼakʼ ńutumte.
13
Am do Aron ar uniren hoponko samaṅre Liwikom teṅgo ocokoa ar Probhu Isor ṭhen dolek samaṅokʼakʼ lekate onkom samaṅkoa.
14
Nonkate Israelko khon Liwikom begarkoa, ar onate onko do ińrenko hoyokʼa.
15
“Ar Liwiko sapha baṛakate dolek samaṅokʼakʼ lekate onko do ńapamokʼ tạmbu reakʼ kạmi lạgitʼko hoyokʼa.
16
Sanam Israelko tala khon nokoge purạte ińrenko hoyokʼa, ar okoeren hõko baṅkana. Mimitʼ Israel maejiukoren pạhil koṛa hoponko bodolte iń do Liwikogeń hatao akawana.
17
Pạhil janam akan nonkan mitʼke mitʼ Israel hopon do ińren kanako manwakorenge cetʼ ar mĩhũ-meromkorenge cetʼ. Misrikoren pạhil hopon gocʼko jokhecʼ iń do Israelren pạhil koṛa hoponko iń lạgitʼ iń begar dohoakatʼkoa.
18
Pạhilreko janam akan onko sanam Israel hoponko bodolte ńitokʼ iń do Liwikoń ataṅ akatʼkoa.
19
Israelko talare noko do Aron ar uniren hoponkoń dan akawatʼkoa, jemon onko do Israelko secʼ khon ńapamokʼ tạmbure onkoakʼ kại ńutumte puruchun reakʼko kạmi. Ar jemon Israelko sonot ṭhạ̃i ṭhenko senlenre hõ jãhãn muskil alo hoyokʼtako.”
20
Probhu Isor do Liwiko reaṅ Mose cetʼlekae hukumade tahẽkan Mose, Aron ar eṭakʼ sanam Israelko do onkage Liwiko hoteteko kạmi ocokeda.
21
Liwiko do apnarko sapha maṛaṅena ar kicricʼko saphaketʼtakoa. Ar ona tayom Aron do Probhu Isor ńutumte dolek samaṅokʼakʼ lekate onkoe samaṅketʼkoa ar saphako lạgitʼ onkoakʼ kại ńutumteye puruchunkeda.
22
Inạ tayom Liwiko do Aron ar uniren hoponko tabere ńapamokʼ tạmbure kạmiko ehopʼena. Ar Probhu Isor do Mose cetʼlekae hukumade tahẽkan onkage onko do Liwiko hoteteko kạmi ocokeda.
23
Tayomte Probhu Isor do Moseye galmaroadea,
24
“Liwiko reaṅ do noa niạmge tahena, onko modre bargel mõṛẽ se ona khon bạ̃ṛti umerren hoṛ do ńapamokʼ tạmbure kạmi lạgitʼko bolokʼa,
25
menkhan mõṛẽgel bochor umer tayom do kạmi khon jirạuko ńama; ar bako kạmiya.
26
Unre noko hoṛ do ńapamokʼ tạmbure akoren boehako sãote ńeljut kạmireko goṛo daṛeakoa menkhan jãhãn kạmire hat do bako lagao daṛeakʼa. Ar am do noa niạm lekage Liwikom bondobosakoa.”
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 9 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36