Hebrews 8

Sadri

← Chapter 7 Jump to: Chapter 9 →

1अब जे गोइठमन हमरे कहाथी उमन में से सोउब से बाड़ गोइठ इ हेके कि हमरे केर एइसन महापुरोहित अहे, जे स्वरग में महिमा से भरल परमेश्‍वर केर सिंहासन केर भतखाइया आरा बाइठ हे।

2आउर हमर महापुरोहित स्वरग में सोउब से पवितर ठाँव आउर परमेश्‍वर केर सच्चा तंबू में सेवा करेला, जेके केऊ आदमी निहीं, बल्कि प्रभु ठड़ा काइर हे।

3एगो महापुरोहित के, पापमन केर क्षमा लगिन भेंट आउर बलिदान चढ़ाएक ले ठहराल जायला, इकर चलते जरुरी अहे कि महापुरोहित यीशु ठिना हों चढ़ाएक लगिन कोनों होवोक।

4आउर अगर मसीह धरती में होतक तो कहियो पुरोहित नी बनतक, इ लगिन कि इ धरती में मूसा केर नियम केर मोताबिक पुरोहितमन तो अहैं जेमन भेंट चढ़ायना।

5इ धरती केर पुरोहितमन जे काम के करैना उ तो स्वरग केर सिरिफ एगो नकल आउर नमूना हेके, मगर जे स्वरग में अहे उकर नियर नखे, से लगिन जब मूसा परमेश्‍वर केर तंबू के बनाएक ले तेयार रहे, तो परमेश्‍वर उके इ चेतावनी देलक, “देख, जे नमूना तोके पहार उपरे देखाल जाय रहे, उकरे मोताबिक सोउब कुछ के बनाबे।”

6मगर जे महापुरोहित केर काम यीशु मसीह के देवल जाय हे, उ दोसर पुरोहितमन के देवल काम से बाइढ़ के अहे, काले कि उ जे करार के मिलाएक वाला हेके, उ पुरना करार से बेस अहे आउर बेस-बेस करारमन से टिकल अहे।

7काले कि अगर पहिला करार निरदोष होतक तो दोसर करार केर जरुरत नी होतक।

8मगर परमेश्‍वर अपन आदमीमन में गलती पालक तो कहलक, “प्रभु कहेला देखा, उ दिन आवाथे कि मोंय इसराइली आदमीमन से आउर यहूदा केर घराना केर आदमीमन से नवाँ करार करमूँ।

9इ करार उ नियर नी होवी जइसन कि मोंय उ मनक पुरखामन केर संगे उ बेरा काइर रहों, जब मोंय उमन केर हाँथ धाइर के मिसर देस से निकलाय के लानलों। काले कि प्रभु कहेला उमन मोर करार उपरे बनल नी रहलैं, आउर मोंय उमन के छोइड़ देलों।

10फिन प्रभु कहेला कि जे करार मोंय आवेक वाला दिन में इसराइली आदमीमन केर संगे करमूँ, उ इ हेके कि मोंय अपन नियम के उमन केर मन में याइद दिवामूँ, आउर उके उमन केर दिल में लिखमूँ, आउर मोंय उ मनक परमेश्‍वर होमूँ आउर उमन मोर आदमी होबैं।

11आउर हरेक अपन देसवासी के आउर अपन रिश्तेदार के इ शिक्षा नी देवी कि तोके प्रभु के जानेक अहे, काले कि छोट आदमी से लेई के बाड़ आदमी तक सोउब मोके जाइन जबैं कि मोंय परमेश्‍वर हेकों।

12काले कि मोंय उमन केर दुष्ट काम करेक केर बावजूद हों उमन के दया करमूँ, आउर उ मनक पापमन के फिन याइद नी करमूँ।”

13परमेश्‍वर इके नवाँ करार कहलक, से लगिन उ पहिला करार के पुरना कहलक, आउर कोनोवें चीजमन जे पुरना आउर खिहाय जायला उ मिट जायला।

← Chapter 7 Jump to: Chapter 9 →