Numbers 2

Shan NCL

← Chapter 1 Jump to: Chapter 3 →

1ထႃႇဝရႃႉၽြႃး၊ သမ်ႉမီးဢမိင်ႉတီႈ မူဝ်းသေႇ၊ တင်း ဢႃႇရုၼ်ႇ၊ လႄႈဝႃႈၸမ်ႉ၊-

2မိူဝ်ႈဢၼ်ၵူၼ်းမဵဝ်း ဢိသရေး၊ တင်းလၢႆၶျႃးပၢင်တပ်ႉၶဝ်ၼၼ်ႉၵူၼ်းၵေႃႉလႂ်ၵေႃႉၼၼ်ႉတၵ်းလႆႈၶျႃးတီႈယူႇႁင်းၽႂ်ႁင်းမၼ်းၵႃႈႁိမ်းလၢမ်ႇတပ်ႉဢၼ်ၸၢပ်ႈသႅင်ႇၵၼ်တင်းမုၵ်ႉၸုမ်းတူဝ်ၸဝ်ႈၵဝ်ႇ၊ၵႃႈႁိမ်းတပ်ႉလၢမ်ႇၶိူဝ်းႁိူၼ်းတူဝ်ၸဝ်ႈၵဝ်ႇႁင်းၽႂ်ႁင်းမၼ်းဢေႃႈ။ တၵ်းလႆႈႁႂ်ႈပၢင်တပ်ႉၶဝ်ဝၢႆႇၼႃႈတေႃႇသုမ်ႉထဵင်ၸဝ်ႈယူႇၵူႈၽၢႆႇၵူႈပႃႈဢေႃႈ။

3ၶဝ်ၸိူဝ်းဢၼ်တၵ်းလႆႈၶျႃးတီႈယူႇၽၢႆႇတၢင်းၼႃႈဝၼ်းဢွၵ်ႇ၊ၵႃႈႁိမ်းလၢမ်ႇတပ်ႉဢၼ်ၸၢပ်ႈသႅင်ႇၵၼ်တင်းတပ်ႉၸုမ်း ယုတႃႉ၊ ၸွမ်းၼင်ႇတပ်ႉၽႄႁင်းၽႂ်ႁင်းမၼ်းၸိူဝ်းၼၼ်ႉၸမ်ႉ၊ လုၵ်ႈၸၢႆး ၸဵတ်းမိုၼ်ႇသီႇႁဵင်ႁူၵ်းပၢၵ်ႇၵေႃႉ၊ လုၵ်ႈၸၢႆး ႁႃႈမိုၼ်ႇသီႇႁဵင်သီႇပၢၵ်ႇၵေႃႉ၊ လုၵ်ႈၸၢႆး ႁႃႈမိုၼ်ႇၸဵတ်းႁဵင်သီႇပၢၵ်ႇၵေႃႉ၊ တၢင်းဢၼ်ၼပ်ႉဢၢၼ်ႇတင်းသဵင်ႈတင်းလူင်မီးသႅၼ်ႇပႅတ်ႇမိုၼ်ႇႁူၵ်းႁဵင်ပၢႆသီႇပၢၵ်ႇဢေႃႈ။ တပ်ႉၸုမ်း ယုတႃႉ၊ ၼႆႉတၵ်းလႆႈဢွၵ်ႇၵႂႃႇဢွၼ်တၢင်းပိူၼ်ႈဢေႃႈ။

4ၶဝ်ၸိူဝ်းဢၼ်တၵ်းလႆႈၶျႃးတီႈယူႇၽၢႆႇတၢင်းၸၢၼ်းၵႃႈႁိမ်းလၢမ်ႇတပ်ႉဢၼ်ၸၢပ်ႈသႅင်ႇၵၼ်တင်းတပ်ႉၸုမ်း ရုပိၼ်ႇ၊ ၸွမ်းၼင်ႇတပ်ႉၽႄႁင်းၽႂ်ႁင်းမၼ်းၸိူဝ်းၼၼ်ႉၸမ်ႉ၊- လုၵ်ႈၸၢႆး သီႇမိုၼ်ႇႁူၵ်းႁဵင်ႁႃႈပၢၵ်ႇၵေႃႉ၊ လုၵ်ႈၸၢႆး ႁႃႈမိုၼ်ႇၵဝ်ႈႁဵင်သၢမ်ပၢၵ်ႇၵေႃႉ၊ လုၵ်ႈၸၢႆး သီႇမိုၼ်ႇႁႃႈႁဵင်ႁူၵ်းပၢၵ်ႇႁႃႈသိပ်းၵေႃႉ၊ ၼပ်ႉဢၢၼ်ႇတင်းသဵင်ႈတင်းလူင်မီးသႅၼ်ႇႁႃႈမိုၼ်ႇၼိုင်ႈႁဵင်သီႇပၢၵ်ႇပၢႆႁႃႈသိပ်းၵေႃႉဢေႃႈ။ တပ်ႉၸုမ်း ရုပိၼ်ႇ၊ ဢၼ်ပဵၼ်တပ်ႉၸုမ်းတီႈသွင်တၵ်းလႆႈၶီႇသိုၵ်းဢွၵ်ႇၸွမ်းၵႂႃႇဢေႃႈ။

5ၼင်ႇၼၼ်လႄႈ၊ၵူၼ်း လေႇဝိ၊ ၸိူဝ်းၼၼ်ႉတၵ်းလႆႈတေႃႉဢဝ်သုမ်ႉထဵင်ၸဝ်ႈလႄႈဢွၵ်ႇၸွမ်းၵႂႃႇယူႇၼႂ်းဝူင်ႈၵၢင်သွင်တပ်ႉပႃႈၼႃႈဢိၵ်ႇတင်းသွင်တပ်ႉပႃႈလင်ဢေႃႈ။ မုၵ်ႉၸုမ်းလႂ်မုၵ်ႉၸုမ်းၼၼ်ႉတၵ်းလႆႈၶပ်ႉၵၼ်ယႆၵၼ်ၵႂႃႇၸိူဝ်ႉၼင်ႇဢၼ်ၶဝ်ၶျႃးတီႈယူႇၵႃႈႁိမ်းလၢမ်ႇၶဝ်ႁင်းၽႂ်ႁင်းမၼ်းဢေႃႈ။

6ၶဝ်ၸိူဝ်းဢၼ်တၵ်းလႆႈၶျႃးတီႈယူႇၽၢႆႇတၢင်းဝၼ်းတူၵ်းၵႃႈႁိမ်းလၢမ်ႇတပ်ႉဢၼ်ၸၢပ်ႈသႅင်ႇၵၼ်တင်းတပ်ႉၸုမ်း ဢေႇၽရိမ်ႇ၊ ၸွမ်းၼင်ႇတပ်ႉၽႄၶဝ်ႁင်းၽႂ်ႁင်းမၼ်းၸိူဝ်းၼၼ်ႉၸမ်ႉ၊- လုၵ်ႈၸၢႆး သီႇမိုၼ်ႇႁႃႈပၢၵ်ႇၵေႃႉ၊ လုၵ်ႈၸၢႆး သၢမ်မိုၼ်ႇသွင်ႁဵင်သွင်ပၢၵ်ႇၵေႃႉ၊ လုၵ်ႈၸၢႆး သၢမ်မိုၼ်ႇႁႃႈႁဵင်သီႇပၢၵ်ႇၵေႃႉ၊ တၢင်းဢၼ်ၼပ်ႉဢၢၼ်ႇတင်းသဵင်ႈတင်းလူင်မီးသႅၼ်ပႅတ်ႇႁဵင်ပၢႆပၢၵ်ႇၼိုင်ႈဢေႃႈ။ တပ်ႉၸုမ်း ဢေႇၽရိမ်ႇ၊ ၼႆႉတၵ်းလႆႈဢွၵ်ႇၸွမ်းၵႂႃႇပဵၼ်ၸုမ်းတီႈသၢမ်ဢေႃႈ။

7ၶဝ်ၸိူဝ်းဢၼ်တၵ်းလႆႈၶျႃးတီႈယူႇၽၢႆႇတၢင်းႁွင်ႇၵႃႈႁိမ်းလၢမ်ႇတပ်ႉဢၼ်ၸၢပ်ႈသႅင်ႇၵၼ်တင်းတပ်ႉၸုမ်း တၢၼ်ႇ၊ ၸွမ်းၼင်ႇတပ်ႉၽႄႁင်းၽႂ်ႁင်းမၼ်းၸိူဝ်းၼၼ်ႉၸမ်ႉ၊- လုၵ်ႈၸၢႆး ႁူၵ်းမိုၼ်ႇသွင်ႁဵင်ၸဵတ်းပၢၵ်ႇၵေႃႉ၊ လုၵ်ႈၸၢႆး သီႇမိုၼ်ႇပၢႆႁဵင်ႁႃႈပၢၵ်ႇၵေႃႉ၊ လုၵ်ႈၸၢႆး ႁႃႈမိုၼ်ႇသၢမ်ႁဵင်ပၢႆသီႇပၢၵ်ႇၵေႃႉ၊ တၢင်းဢၼ်ၼပ်ႉဢၢၼ်ႇတင်းသဵင်ႈတင်းလူင်မီးသႅၼ်ႁႃႈမိုၼ်ႇၸဵတ်းႁဵင်ပၢႆႁူၵ်းပၢၵ်ႇဢေႃႈ။ တပ်ႉၸုမ်း တၢၼ်ႇ၊ ၼႆႉတၵ်းလႆႈဢွၵ်ႇလိုၼ်းလၢင်သုတ်းပိူၼ်ႈဢေႃႈ။-

8ၵူၼ်းမဵဝ်း ဢိသရေး၊ တင်းသဵင်ႈတင်းလူင်ဢၼ်ၼပ်ႉဢၢၼ်ႇၸွမ်းလူၺ်ႈၶိူဝ်းႁိူၼ်းၶဝ်ႁင်းၽႂ်ႁင်းမၼ်းၵႃႈၼႂ်းတပ်ႉၸုမ်းတင်းမူတ်းမီးႁူၵ်းသႅၼ်သၢမ်ႁဵင်ႁႃႈပၢၵ်ႇပၢႆႁႃႈသိပ်းၵေႃႉဢေႃႈ။-

9ၵူၺ်းၵႃႈ၊ၸွမ်းၵႃႈၼင်ႇဢၼ် ထႃႇဝရႃႉၽြႃး၊ သင်ႇလၢတ်ႈဝႆႉတီႈ မူဝ်းသေႇ၊ ၼၼ်ႉၵူၼ်းမဵဝ်း လေႇဝိ၊ တင်းလၢႆဢမ်ႇလႆႈၼပ်ႉဢၢၼ်ႇၶဝ်ႈပႃးၼႂ်းၸရၢင်းလူၺ်ႈၵၼ်တင်းၵူၼ်းမဵဝ်း ဢိသရေး၊ တင်းလၢႆၼၼ်ႉ။

10ၼင်ႇၼၼ်လႄႈၵူၼ်းမဵဝ်း ဢိသရေး၊ တင်းလၢႆဢွၼ်ၵၼ်ႁဵတ်းၸွမ်းၵႃႈၼင်ႇဢၼ် ထႃႇဝရႃႉၽြႃး၊ သင်ႇလၢတ်ႈဝႆႉတီႈ မူဝ်းသေႇ၊ ၼၼ်ႉဢေႃႈ။ ၶဝ်ဢွၼ်ၵၼ်ၶျႃးတီႈယူႇၶဝ်ၵႃႈႁိမ်းလၢမ်ႇၶဝ်ၽႂ်ၽႂ်မၼ်းမၼ်းလႄႈသမ်ႉဢွၼ်ၵၼ်ၵႂႃႇၸွမ်းလူၺ်ႈၶိူဝ်းႁိူၼ်းၶဝ်ႁင်းၽႂ်ႁင်းမၼ်းဢေႃႈ။

← Chapter 1 Jump to: Chapter 3 →