2 John 1

Shan

Jump to:

1ၵေႃႉဢၼ်ဢသၢၵ်ႈယႂ်ႇၼႆႉတႅမ်ႈပၼ်ငိၼ်းၵႂႃႇတီႈၸဝ်ႈၼၢင်းဢၼ်မျၢတ်ႈၼႃႇဢိၵ်ႇတင်းလုၵ်ႈလၢင်းတင်းလၢႆ ဢၼ်ၵဝ် ဢိၵ်ႇတင်းၶဝ်ၸိူဝ်းဢၼ်ႁူႉသမ်ႇမႃႇတြႃးၵႃႈမီးတင်းသဵင်ႈတင်းလူင် ႁၵ်ႉပႅင်းဢမၢၼ်ႇၶၼ်ပဵၼ်၊-

2ၵွပ်ႈပိူဝ်ႈသမ်ႇမႃႇတြႃးဢၼ်တႄႇယူႇၼႂ်းႁဝ်းလႄႈ တၵ်းမီးယူႇတီႈႁဝ်းသေႇသေႇၼၼ်ႉၶႃႈဢေႃႈ။-

3ႁႂ်ႈၵျေးၸူးဢိၵ်ႇတင်းၵရူႉၼႃႇတင်းတၢင်းၼိမ်ၼႂ်းသမ်ႇမႃႇတြႃးတင်းမႅတ်ႈတႃႇတြႃး ဢၼ်ပဵၼ်မႃးၵႃႈတီႈပေႃႈၸဝ်ႈၽြႃးပဵၼ်ၸဝ်ႈ ဢိၵ်ႇတင်းၵႃႈတီႈ ယေႇသူႉၶရိၸ်ႈ လုၵ်ႈပေႃႈၸဝ်ႈၼၼ်ႉ မီးၼိူဝ်သူသေၵမ်းလူၺ်ႈ။

4မိူဝ်ႈဢၼ်ၵဝ်ထူပ်းႁၼ် လုၵ်ႈလၢင်းၸဝ်ႈၼၢင်းၵမ်ႈၽွင်ႈ ၵႂႃႇၵႂႃႇမႃးမႃးယူႇၼႂ်းသမ်ႇမႃႇတြႃးၸွမ်းၼင်ႇ ဢၼ်ႁဝ်းလႆႈၶၢမ်ႇဢဝ် ပိင်းၺၢပ်ႈၸဝ်ႈ ၵႃႈတီႈပေႃႈၸဝ်ႈၼၼ်ႉၸိုင်၊ ၵဝ်မီးတၢင်းဢၼ်သိူဝ်းပျေႃႇ ၼႃႇလူင်လၢင်ဢေႃႈ။-

5တေႃႈလဵဝ်ၼႆႉၸဝ်ႈၼၢင်းဢိူၺ်း၊ ၵဝ်ယင်းဢမ်ႇတႅမ်ႈပိင်းၺၢပ်ႈၸဝ်ႈဢၼ်မႂ်ႇလႄႈ၊ တႅမ်ႈဝႆႉပိင်းၺၢပ်ႈၸဝ်ႈဢၼ်မီးယူႇတီႈႁဝ်း ၸႃႉၸဵမ်မိူဝ်ႈၵေႃႇၸႃႉဢွၼ်ၼႆႉၼၼ်ႉလႄႈ တွင်းပၢၼ်ႇႁႂ်ႈႁဝ်းၼင်ႇၵၼ်ၵၼ် လႆႈမီးတၢင်းႁၵ်ႉမႅတ်ႈတႃႇတီႈၵၼ်ဢေႃႈ။-

6တၢင်းဢၼ်ပႂ်ႉၵမ်ပႂ်ႉၸွမ်းၵႃႈၼင်ႇ ပိင်းၺၢပ်ႈမၼ်းၸဝ်ႈတင်းလၢႆၼၼ်ႉ ႁွတ်ႈထိုင်တၢင်းဢၼ်ႁၵ်ႉဢေႃႈ။ မႅၼ်ႈၵႃႈၼင်ႇဢၼ်သူလႆႈငိၼ်း ၸႃႉၸဵမ်မိူဝ်ႈၵေႃႇၸႃႉဢွၼ်ၼႆႉၼၼ်ႉ၊ ပိင်းၺၢပ်ႈၸဝ်ႈမီးသၽေႃး ၶႂ်ႈႁႂ်ႈသူၵမ်ၵျၢင်ႉၸွမ်းၼင်ႇ ပိင်းၺၢပ်ႈၸဝ်ႈၸိူဝ်ႉၼင်ႇၼၼ်ၼၼ်ႉဢေႃႈ။

7ၶဝ်ၸိူဝ်းဢၼ်ထဵင် လွင်ႈဢၼ် ယေႇသူႉၶရိၸ်ႈ ဢဝ်တင်းၸႃႇတီႉၵူၼ်းမႃးၼၼ်ႉ ပႅတ်ႈသေလႄႈ ပႅတ်ႉလႅၼ်ၼၼ်ႉလႆႈ ၵႂႃႇၸူးၵႃႈတီႈၼႂ်းလေႃးၵႃႉၼႆႉၼမ်ၼႃႇယဝ်ႉ။ ၵေႃႉၸိူဝ်ႉၼင်ႇၼၼ်ၼၼ်ႉ ပဵၼ်ၵေႃႉဢၼ်ပႅတ်ႉလႅၼ်ဢေႃႈ။ ဢၼ်ႇတီႉၶရိၸ်ႈ ၵေႃႈပဵၼ်ဢေႃႈ။-

8လွင်ႈၼင်ႇႁိုဝ် လွင်ႈတၢင်းဢၼ်ႁဝ်းပွင်ႁဵတ်းၼႆႉ တၵ်းဢမ်ႇလူႉဢမ်ႇႁၢႆ၊ တၵ်းလႆႈဢၵျူဝ်း ဢၼ်ၸေးၸုမ်ႇၸိုင်၊ သူဢွၼ်ၵၼ်ႁဵတ်းသတီႉလွင်ႈ တူဝ်ၸဝ်ႈၵဝ်ႇသေလႄႈပႂ်ႉယူႇတႃႉ။-

9ၵေႃႉဢၼ်ဢမ်ႇတႄႇယူႇၼႂ်း တေႇသၼႃႇၸဝ်ႈၶရိၸ်ႈလႄႈ ပူၼ်ႉလိူဝ်ၼၼ်ႉၸမ်ႉ၊ ဢမ်ႇႁူႉၸၵ်းၽြႃးပဵၼ်ၸဝ်ႈ၊ ၵေႃႉဢၼ်တႄႇယူႇၼႂ်း တေႇသၼႃႇၸဝ်ႈၶရိၸ်ႈၼၼ်ႉ ႁူႉၸၵ်းပေႃႈၸဝ်ႈဢိၵ်ႇတင်းလုၵ်ႈၸဝ်ႈဢေႃႈ။-

10ပေႃးၵေႃႉဢၼ်ဢမ်ႇပႃးတေႇသၼႃႇၼၼ်ႉ မႃးၵႃႈတီႈသူၸိုင် သူယႃႇပေႁပ်ႉတုင်းဢဝ်မၼ်းဝႆႉ ၵႃႈၼႂ်းႁိူၼ်းသူ။ ယႃႇပေတၵ်ႉလၢတ်ႈမၼ်းလႄႈဝႃႈ ႁႂ်ႈမီးမင်ႇၵလႃႇသေၵမ်းလူၺ်ႈ၊ ဝႃႈၼင်ႇၼႆ။-

11ပေႃးတၵ်ႉလၢတ်ႈၵေႃႉၼၼ်ႉလႄႈဝႃႈ ႁႂ်ႈမီးမင်ႇၵလႃႇသေၵမ်းလူၺ်ႈ၊ ဝႃႈၼင်ႇၼႆၸိုင်၊ ပဵၼ်တၢင်းဢၼ်သိူၵ်ႈသမ်ႇၵၼ်တင်းတၢင်းၵမ်တၢင်းၵျၢင်ႉ ဢၼ်ႁၢႆႉမိူၵ်ႈမၼ်းတင်းလၢႆၼၼ်ႉဢေႃႈ။

12ပိၵ်ႉသမ်ႉၵဝ်မီးလွင်ႈဢၼ် လီတႅမ်ႈပၼ်ၵႂႃႇတီႈသူၼမ်ၼႃႇသေၵေႃႈ၊ ၵဝ်ဢမ်ႇမီးဢလူဝ်ႇ ၶႂ်ႈဢဝ်တင်းၼမ်ႉမိုၵ်ႉတႅမ်ႈသႂ်ႇၵႃႈၼိူဝ်ၸေႈ။ လွင်ႈၼင်ႇႁိုဝ်တၢင်းဢၼ်ႁဝ်းၼင်ႇၵၼ်ၵၼ် သိူဝ်းပျေႃႇတီႈၵၼ်ၼၼ်ႉတၵ်းၸေးၸုမ်ႇၸိုင် ၵဝ်မုင်ႈထႃႈမွင်းထႃႈလွင်ႈဢၼ်ၵဝ် တၵ်းမႃးတီႈသူသေလႄႈ လၢတ်ႈၵႂၢမ်းတေႃႇၵၼ်တင်းသူၼၼ်ႉယူႇဢေႃႈ။-

13လုၵ်ႈလၢင်းၼွင်ႉယိင်းၸဝ်ႈၼၢင်း ဢၼ်မျၢတ်ႈၸိူဝ်းၼႆႉ တၵ်ႉၼၢႆမႂ်းၼၢင်းဢေႃႈ။ လိၵ်ႈဢေႃးဝႃႇတႃႉယူဝ်းႁၢၼ်ႇၽိုၼ်တူႉတီႉယႃႉယဝ်ႉယဝ်ႉဢေႃႈ။

Jump to:

Recommended Reading

Commentary 2 John Commentaries → Devotional 2 John Devotional Guide → Get This Bible Shan Study Bible →