Galatians 3

Shan

← Chapter 2 Jump to: Chapter 4 →

1ၵူၼ်း ၵလႃႇတီႉ ဢၼ်ဢမ်ႇမီးပိင်ႇၺႃႇၶဝ်ဢိူၺ်း၊ ယေႇသူႉၶရိၸ်ႈ ဢၼ်ၶၢမ်ႇတၢင်းတၢႆၵႃႈတီႈသဝ်လၵ်းဝႃးၵၢပ်ႈၼၼ်ႉ လႆႈၶၢမ်ႇတၢင်းဢၼ်ၼႄပျႃးထၢင်ႇထၢင်ႇသႃးသႃး သိုဝ်ႈၼႃႈတႂ်ႈတႃသူယဝ်ႉလႄႈ ၽူႈလႂ်ၸေႃးသူႁဵတ်းသူ ႁႂ်ႈသူဢမ်ႇလႆႈထွမ်ႇဢဝ်သမ်ႇမႃႇတြႃး။-

2သူလႆႈၶၢမ်ႇဝီႉၺိၺ်ႇၸဝ်ႈၵွပ်ႈပိူဝ်ႈတၢင်းၵမ်တၢင်းၵျၢင်ႉပိင်းၺၢပ်ႈတြႃးႁိုဝ်။ ဢမ်ႇၼၼ် သူလႆႈၶၢမ်ႇၵွပ်ႈပိူဝ်ႈတၢင်းဢၼ်လႆႈထွမ်ႇလႆႈငိၼ်း တြႃးတၢင်းဢၼ်ယုမ်ႇမၢတ်ႈႁိုဝ် ဝႃႈၼႆၵဝ်ၶႂ်ႈႁူႉလွင်ႈၼႆႉၵူၺ်းတီႈသူဢေႃႈ။-

3သူဢမ်ႇမီးပိင်ႇၺႃႇထၢၼ်ႇၼႆႉႁိုဝ်။ သူဢိင်ဝီႉၺိၺ်ႇၸဝ်ႈသေလႄႈ ၸႃႉႁဵတ်းသေယဝ်ႉ၊ တေႃႈလဵဝ်ၼႆႉ သူတၵ်းဢိင်ၸႃႇတီႉသေလႄႈ ႁႂ်ႈယဝ်ႉႁႂ်ႈတူဝ်ႈႁိုဝ်။-

4သူၶၢမ်ႇတၢင်းၽၢၼ်ထၢၼ်ႇၼႆႉ လၢႆလၢႆလွၵ်ႇလွၵ်ႇယဝ်ႉႁိုဝ်။ တၵ်းလႆႈပဵၼ်ဢၼ်လၢႆလၢႆလွၵ်ႇလွၵ်ႇႁိုဝ်။-

5လိူဝ်သေၼၼ်ႉ၊ ၵေႃႉဢၼ်ပၼ်ဝီႉၺိၺ်ႇၸဝ်ႈ တီႈသူလႄႈ ၼႄပျႃးတၼ်းၶူဝ်းၼမ်ၼႃႇၼႂ်းသူၼၼ်ႉ ၼႄပျႃးၵွပ်ႈပိူဝ်ႈတၢင်းၵမ်တၢင်းၵျၢင်ႉပိင်းၺၢပ်ႈတြႃးႁိုဝ်။ ၼႄပျႃးၵွပ်ႈပိူဝ်ႈတၢင်းဢၼ်ထွမ်ႇငိၼ်းတြႃးတၢင်းဢၼ်ယုမ်ႇမၢတ်ႈႁိုဝ်။-

6မိူၼ်ၼင်ႇၼႆ၊ ဢႃႇပြႃႇႁၢမ်ႇ ယုမ်ႇမၢတ်ႈၽြႃးပဵၼ်ၸဝ်ႈလႄႈ မၼ်းၸဝ်ႈမၢတ်ႈတၢင်းယုမ်ႇမၢတ်ႈမၼ်းၼၼ်ႉ ပဵၼ်ၸိူဝ်ႉၼင်ႇတၢင်းဢၼ်သိုဝ်ႈတေႃႇဢေႃႈ။-

7ၶဝ်ၸိူဝ်းဢၼ်မီးတၢင်းယုမ်ႇမၢတ်ႈၼၼ်ႉ ပဵၼ်လုၵ်ႈ ဢႃႇပြႃႇႁၢမ်ႇ ဝႃႈၼႆႁူႉတႃႉ။-

8ၵျၢမ်းလိၵ်ႈမုင်ႈထႃႈမွင်းထႃႈ လွင်ႈဢၼ်ၽြႃးပဵၼ်ၸဝ်ႈ တၵ်းထွၵ်ႈလူၺ်ႈတၢင်းဢၼ်ယုမ်ႇမၢတ်ႈသေလႄႈ ႁႂ်ႈၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆ တႄႇယူႇၼႂ်းတၢင်းဢၼ်သိုဝ်ႈတေႃႇၼၼ်ႉယူႇသေလႄႈ မွၵ်ႇလၢတ်ႈတြႃးသတၢင်းသိူဝ်းပျေႃႇတီႈ ဢႃႇပြႃႇႁၢမ်ႇ မိူဝ်ႈဢွၼ်ၼႆႉၼၼ်ႉလႄႈဝႃႈ၊ ၵူၼ်းမဵဝ်းတင်းသဵင်ႈတင်းလူင် တၵ်းလႆႈၶၢမ်ႇတၢင်းလီမင်ႇၵလႃႇ ၵႃႈၼႂ်းမႂ်းၼႆႉဢေႃႈ။ ဝႃႈၼင်ႇၼႆဢေႃႈ။-

9ပေႃးပဵၼ်ၸိူဝ်ႉၼင်ႇၼႆၸိုင် ၶဝ်ၸိူဝ်းဢၼ်မီးတၢင်းယုမ်ႇမၢတ်ႈၼၼ်ႉ တၵ်းလႆႈၶၢမ်ႇတၢင်းလီမင်ႇၵလႃႇလူၺ်ႈၵၼ်တင်း ဢႃႇပြႃႇႁၢမ်ႇ ဢၼ်ယုမ်ႇမၢတ်ႈၼၼ်ႉဢေႃႈ။

10ၶဝ်ၸိူဝ်းဢၼ်ဢိင်တၢင်းၵမ်တၢင်းၵျၢင်ႉ ပိင်းၺၢပ်ႈတြႃးၵႃႈမီးတင်းသဵင်ႈတင်းလူင်ၼၼ်ႉ ၸၢပ်ႈသႅင်ႇၵၼ်တင်း တၢင်းဢၼ်ၵိၼ်ႇဝႃႈဢေႃႈ။ လွင်ႈမၼ်းၸမ်ႉ ၵျၢမ်းလိၵ်ႈမႃးလႄႈဝႃႈ၊ ႁႂ်ႈၶဝ်ၸိူဝ်းဢၼ်ဢမ်ႇၵမ်ၵျၢင်ႉယူႇသေႇသေႇ ၸွမ်းၼင်ႇၵႂၢမ်းၵႃႈဢၼ်ပႃးၼႂ်း ၵျၢမ်းပိင်းၺၢပ်ႈတီႉၼၼ်ႉၵူႈၵေႃႉၵူႈၵူၼ်း ၶၢမ်ႇတၢင်းဢၼ်မၼ်းၸဝ်ႈၵိၼ်ႇဝႃႈသေၵမ်းလူၺ်ႈ၊ ဝႃႈၼင်ႇၼႆဢေႃႈ။-

11လိူဝ်သေၼၼ်ႉ လွင်ႈဢၼ်ၽူႈလႂ်ဢမ်ႇႁွတ်ႈထိုင်တၢင်းဢၼ်သိုဝ်ႈတေႃႇ ၵႃႈတီႈၽၢႆႇၼႃႈၽြႃးပဵၼ်ၸဝ်ႈ ၵွပ်ႈပိူဝ်ႈပိင်းၺၢပ်ႈ တြႃးလႆႈၼၼ်ႉၸိုင် ထၢင်ႇသႃးယူႇဢေႃႈ။ လွင်ႈမၼ်းၸမ်ႉ ၵေႃႉဢၼ်သိုဝ်ႈတေႃႇၼၼ်ႉ ဢသၢၵ်ႈတၵ်းလိပ်းၵွပ်ႈပိူဝ်ႈတၢင်းဢၼ်ယုမ်ႇမၢတ်ႈဢေႃႈ။-

12ပိင်းၺၢပ်ႈတြႃးၸမ်ႉ၊ ဢမ်ႇၸၢပ်ႈသႅင်ႇၵၼ်တင်း တၢင်းဢၼ်ယုမ်ႇမၢတ်ႈ။ ၵေႃႉဢၼ်ၵမ်ၵျၢင်ႉတၢင်းၵမ်တၢင်းၵျၢင်ႉၼၼ်ႉ၊ဢသၢၵ်ႈတၵ်းလိပ်းၵွပ်ႈပိူဝ်ႈတၢင်းၵမ်တၢင်းၵျၢင်ႉၼၼ်ႉဢေႃႈ။-

13မႅၼ်ႈၼင်ႇဢၼ်မႃးၼႂ်းၵျၢမ်းလိၵ်ႈလႄႈဝႃႈ၊ ၵေႃႉဢၼ်လႆႈၶၢမ်ႇတၢင်းဢၼ်ဢဝ်ႁွႆႈဢဝ်ၽႅၼ် ၵႃႈတီႈသဝ်မႆႉသဝ်လၵ်းၵူႈၵေႃႉၵူႈၵူၼ်းၼၼ်ႉ ပဵၼ်ၵေႃႉဢၼ်လႆႈၶၢမ်ႇတၢင်းဢၼ်ၵိၼ်ႇဢၼ်ဝႃႈဢေႃႈ၊ ဝႃႈၼင်ႇၼႆၼၼ်ႉ၊ ၸဝ်ႈၶရိၸ်ႈၼၼ်ႉလႆႈၶၢမ်ႇတၢင်းဢၼ်ၵိၼ်ႇဢၼ်ဝႃႈပုၼ်ႈႁဝ်းလႄႈ ထုတ်ႇဢဝ်ႁဝ်းၵႃႈၼႂ်းတၢင်းဢၼ်ၵိၼ်ႇဢၼ်ဝႃႈပိင်းၺၢပ်ႈတြႃးယဝ်ႉ။-

14လွင်ႈမၼ်းၸမ်ႉ လွင်ႈၼင်ႇႁိုဝ်တၢင်းလီမင်ႇၵလႃႇဢၼ် ဢႃႇပြႃႇႁၢမ်ႇ လႆႈၶၢမ်ႇဢဝ်ၼၼ်ႉ တၵ်းလႆႈႁွတ်ႈမႃးတီႈၵူၼ်းတၢင်ႇၸိူဝ်ႉတၢင်ႇၶိူဝ်း ၵွပ်ႈပိူဝ်ႈ ယေႇသူႉၶရိၸ်ႈ ၼၼ်ႉ ဢိၵ်ႇတင်းလွင်ႈၼင်ႇႁိုဝ်ႁဝ်း တၵ်းလႆႈၶၢမ်ႇဢဝ်ဝီႉၺိၺ်ႇၸဝ်ႈ ဢၼ်ၸၢပ်ႈသႅင်ႇၵၼ်တင်းၵတီႉၸဝ်ႈ ၵွပ်ႈပိူဝ်ႈတၢင်းဢၼ်ယုမ်ႇမၢတ်ႈၼၼ်ႉၸိုင် ၸင်ႇပဵၼ်ဢေႃႈ။

15ပီႈၼွင်ႉၶဝ်ဢိူၺ်း၊ ၵဝ်တၵ်းလၢတ်ႈၸွမ်းၼင်ႇဝေႃးႁႃႇရႃႉၵူၼ်းလူးၵွၼ်ႇဢေႃႈ။ ပဵၼ်ၵူၼ်းသေၵေႃႈ၊ ပေႃးၶျုၵ်ႈလိၵ်ႈဢၼ်ႁပ်ႉတုင်းဢဝ်ယဝ်ႉၸိုင်၊ ၽူႈလႂ်သေဢမ်ႇဝႃႈ ဢမ်ႇလႆႈပႄႇလႆႈပႅတ်ႈ၊ ဢမ်ႇလႆႈသမ်ႉၶိုၼ်းထၢပ်ႈလႄႈသႂ်ႇၵႂၢမ်းထႅင်ႈ။-

16ၵတီႉတင်းလၢႆၸိုင်မၼ်းၸဝ်ႈဝႆႉတီႈ ဢႃႇပြႃႇႁၢမ်ႇ ဢိၵ်ႇတင်းၸိူဝ်ႉၶိူဝ်းမၼ်းဢေႃႈ။ ၸိူဝ်ႉၶိူဝ်းတင်းလၢႆဝႃႈၼႆ မၼ်းၸဝ်ႈၶႂ်ႈဝႃႈ လွင်ႈၵူၼ်းၼမ်ၼႃႇဢမ်ႇၸႂ်ႈ။ ၸိူဝ်ႉၶိူဝ်းမႂ်းဝႃႈၼႆ၊မၼ်းၸဝ်ႈၶႂ်ႈဝႃႈလွင်ႈၵေႃႉလဵဝ်ၵူၺ်းဢေႃႈ။ ၵေႃႉလဵဝ်ၵူၺ်းၼၼ်ႉၸမ်ႉ၊ပဵၼ်ၸဝ်ႈၶရိၸ်ႈဢေႃႈ။-

17ၵဝ်ဝႃႈၸမ်ႉ၊ ပတီႉၺိၺ်ႇတြႃးဢၼ်ၽြႃးပဵၼ်ၸဝ်ႈ ႁႂ်ႈတႄႇဝႆႉယဝ်ႉမိူဝ်ႈဢွၼ်တၢင်းၼၼ်ႉၸိုင် ပိင်းၺၢပ်ႈတြႃးဢၼ်ပဵၼ်မႃးလိုၼ်းသေၼၼ်ႉ ပီႊမိူင်းသီႇပၢၵ်ႇပၢႆသၢမ်သိပ်းပီႊၼၼ်ႉ ဢမ်ႇပႄႇပႅတ်ႈလႆႈ။ ဢမ်ႇႁႂ်ႈၵတီႉၸဝ်ႈၼၼ်ႉပဵၼ်ဢၼ်လၢႆလၢႆလွၵ်ႇလွၵ်ႇ။-

18လိူဝ်သေၼၼ်ႉ၊ ပေႃးဢမူၺ်ႇၸဝ်ႈၸၢပ်ႈသႅင်ႇၵၼ်တင်းပိင်းၺၢပ်ႈတြႃးၸိုင်၊ ဢမ်ႇၸၢပ်ႈသႅင်ႇၵၼ်တင်းၵတီႉၸဝ်ႈ။ ၽြႃးပဵၼ်ၸဝ်ႈၸွမ်းၼင်ႇၵတီႉၸဝ်ႈလႄႈ ဢဵတ်းလူပၼ်ဢမူၺ်ႇၸဝ်ႈၼၼ်ႉ တီႈ ဢႃႇပြႃႇႁၢမ်ႇ ဢေႃႈ။

19ပေႃးပဵၼ်ၸိူဝ်ႉၼင်ႇၼႆၸိုင်၊ ပိင်းၺၢပ်ႈတြႃးမီးဢၵျူဝ်းၸိူဝ်ႉၼင်ႇႁိုဝ်ဝႃႈၼႆၸမ်ႉ၊ ၸူဝ်ႈဢၼ်ၸိူဝ်ႉၶိူဝ်းဢၼ်ၶၢမ်ႇဢဝ်ၵတီႉၸဝ်ႈၼၼ်ႉ ဢမ်ႇပႆႇပဵၼ်ၼၼ်ႉၸိုင်၊ မၼ်းၸဝ်ႈထၢပ်ႈပၼ်တြႃးၼၼ်ႉထႅင်ႈ ၵွပ်ႈပိူဝ်ႈတူႉၸရိူၵ်ႈဢပႅတ်ႈဢေႃႈ။ မၼ်းၸဝ်ႈဢဝ်တမၢၼ်ႇၵၢင်ႁၢဝ်တင်းလၢႆသေလႄႈ ဝႆႉတြႃးၼၼ်ႉၼႂ်းမိုဝ်းၵူၼ်းဝူင်ႈၵၢင်ဢေႃႈ။-

20ၵူၼ်းဝူင်ႈၵၢင်ၸမ်ႉ၊ ၸၢပ်ႈသႅင်ႇၵၼ်တင်းၽၢႆႇလဵဝ်ၵူၺ်းဢမ်ႇၸႂ်ႈ ၽြႃးပဵၼ်ၸဝ်ႈၸမ်ႉ၊ပဵၼ်ၽၢႆႇၼိုင်ႈဢေႃႈ။

21ပေႃးပဵၼ်ၸိူဝ်ႉၼင်ႇၼႆၸိုင်၊ ပိင်းၺၢပ်ႈတြႃးပဵၼ်ဢၼ်ၶတ်းၵၼ်တင်း ၵတီႉၽြႃးပဵၼ်ၸဝ်ႈႁိုဝ်။ ဢမ်ႇပဵၼ်ၸိူဝ်ႉၼင်ႇၼၼ်။ ပေႃးမၼ်းၸဝ်ႈပၼ်ပိင်းၺၢပ်ႈတြႃးဢၼ်ႁႂ်ႈဢသၢၵ်ႈလိပ်းၸိုင် တၵ်းလႆႈတၢင်းဢၼ်သိုဝ်ႈတေႃႇ ၵွပ်ႈပိူဝ်ႈတြႃးၼၼ်ႉဢမၢၼ်ႇၶၼ်ပဵၼ်ဢေႃႈ။-

22ၵူၺ်းၵႃႈၼင်ႇႁိုဝ်ၶဝ်ၸိူဝ်းဢၼ်ယုမ်ႇမၢတ်ႈၼၼ်ႉ တၵ်းလႆႈၵတီႉၸဝ်ႈ ဢၼ်ၸၢပ်ႈသႅင်ႇၵၼ်တင်း တၢင်းဢၼ်ယုမ်ႇမၢတ်ႈ ယေႇသူႉၶရိၸ်ႈ ၸိုင် ၵျၢမ်းလိၵ်ႈၶျုၵ်ႈၵူၼ်းတင်းသဵင်ႈတင်းလူင်ဝႆႉ ၵႃႈၼႂ်းဢပႅတ်ႈဢေႃႈ။

23ၸူဝ်ႈဢၼ်တြႃးတၢင်းဢၼ်ယုမ်ႇမၢတ်ႈ ဢမ်ႇပႆႇႁွတ်ႈထိုင်ၼၼ်ႉၸိုင်၊ ပိင်းၺၢပ်ႈတြႃးပႂ်ႉထိင်းႁဝ်းယူႇလႄႈ မိူဝ်ႈၼၼ်ႉ ႁဝ်းမုင်ႈထႃႈမွင်းထႃႈတြႃးတၢင်းဢၼ်ယုမ်ႇမၢတ်ႈ ဢၼ်တၵ်းပေႃႇမႃးၵမ်းလိုၼ်းၼၼ်ႉသေလႄႈ ၶၢမ်ႇတၢင်းဢၼ်ၶျုၵ်ႈဝႆႉဢေႃႈ။-

24ပိူဝ်ႈၼႆလႄႈ ၼင်ႇႁိုဝ်ႁဝ်းတၵ်းႁွတ်ႈထိုင်တၢင်းဢၼ်သိုဝ်ႈတေႃႇ ၵွပ်ႈပိူဝ်ႈတၢင်းဢၼ်ယုမ်ႇမၢတ်ႈၸိုင် ပိင်းၺၢပ်ႈတြႃးပဵၼ် ၵူၼ်းပႂ်ႉၵူၼ်းထိင်းႁဝ်းလႄႈ ဢဝ်ႁဝ်းၵႂႃႇၸူးၵႃႈတီႈၸဝ်ႈၶရိၸ်ႈဢေႃႈ။-

25ပိူဝ်ႈဢၼ်တြႃးတၢင်းဢၼ်ယုမ်ႇမၢတ်ႈႁွတ်ႈမႃးယဝ်ႉလႄႈ ႁဝ်းလွတ်ႈသေၵႃႈၼႂ်းမိုဝ်း ၵူၼ်းပႂ်ႉၵူၼ်းထိင်းၼၼ်ႉဢေႃႈ။-

26ပဵၼ်ၸိူဝ်ႉၼင်ႇႁိုဝ်ဝႃႈၼႆၸမ်ႉ၊ သူၵႃႈမီးတင်းသဵင်ႈတင်းလူင် ပဵၼ်လုၵ်ႈၽြႃးပဵၼ်ၸဝ်ႈ ၵွပ်ႈပိူဝ်ႈဢၼ်ယုမ်ႇမၢတ်ႈ ယေႇသူႉ ၶရိၸ်ႈ ဢေႃႈ။-

27သူၸိူဝ်းဢၼ်ၶၢမ်ႇ ပပ်ႉတီႉၸမ်ႇ ၼႂ်းၸဝ်ႈၶရိၸ်ႈၵႃႈမီးတင်းသဵင်ႈတင်းလူင်ၼၼ်ႉ ပဵၼ်ၵေႃႉဢၼ်ဢဝ်ၸဝ်ႈၶရိၸ်ႈၼုင်ႈမႆဢေႃႈ။-

28ၵႃႈၼႂ်းၸဝ်ႈၶရိၸ်ႈၸိုင်၊ ဢမ်ႇမီးၵူၼ်း ယူႉတႃႉ ၊ ဢမ်ႇမီးၵူၼ်း ႁေႇလသႃႉ ၊ ဢမ်ႇမီးၶႃႈ၊ ဢမ်ႇမီးၵူၼ်းလွတ်ႈ၊ ဢမ်ႇမီးၵူၼ်းၸၢႆး၊ ဢမ်ႇမီးၵူၼ်းယိင်း။ ၵႃႈၼႂ်းၸဝ်ႈၶရိၸ်ႈၼၼ်ႉ သူၵႃႈမီးတင်းသဵင်ႈတင်းလူင် ပဵၼ်ဢၼ်လဵဝ်ၵၼ်ယဝ်ႉ။-

29ပေႃးသူၸၢပ်ႈသႅင်ႇၵၼ်တင်း ၸဝ်ႈၶရိၸ်ႈၸိုင်၊ သူပဵၼ်ၸိူဝ်ႉၶိူဝ်း ဢႃႇပြႃႇႁၢမ်ႇ လႄႈ တႄႇယူႇၼႂ်းတၢင်းဢၼ်ၶၢမ်ႇဢမူၺ်ႇၸွမ်းၼင်ႇၵတီႉၸဝ်ႈဢေႃႈ။

← Chapter 2 Jump to: Chapter 4 →