Micah 5

Shan

← Chapter 4 Jump to: Chapter 6 →

1မိူဝ်ႈလဵဝ်ၼႆႉၸမ်ႉ၊ လုၵ်ႈယိင်းဢၼ် ပဵၼ်မုၵ်ႉပဵၼ်ၸိူဝ်းဝႆႉ ၼႆႉဢိူၺ်း၊ ၸူႉၵၼ်တုမ်ၵၼ် ပဵၼ်မုၵ်ႉပဵၼ်ၸိူဝ်းယူႇတႃႉ။ ပိူၼ်ႈလွမ်ႉလဵပ်ႈႁွပ်ႈႁဝ်းဝႆႉယဝ်ႉ။ ၶဝ်ဢဝ်ၶွၼ်ႉဝၢႆ ပေႃႉယႅၼ်ႉသႂ်ႇၵႅမ်ႈၶုၼ် ဢီႉသရေႇလႃႉ ယဝ်ႉလူင်ပႄႇ။

2ဝဵင်း ပႅတ်ႉလႁႅမ်ႇဢေႇၽရတ်ႉ ဢိူၺ်း၊ ပိၵ်ႉသမ်ႉ မႂ်းၼႆႉပဵၼ်ဝဵင်းလဵၵ်ႉဝဵင်းၼွႆႉ ၼႂ်းဢၼ်ပဵၼ်ယေႈႁဵင်ဝႆႉၼႂ်းမိူင်း ယူႉတႃႉ သေၵေႃႈ ၸဝ်ႈဢၼ် တၵ်းလႆႈဢုပ်ႉပိူင်ႇမဵဝ်း ဢီႉသရေႇလႃႉ ၼၼ်ႉ တၵ်းပေႃႇမႃး ၵႃႈၼႂ်းမႂ်းပုၼ်ႈၵဝ်ဢေႃႈ။ ၸဝ်ႈၼၼ်ႉ ပဵၼ်ၸဝ်ႈဢၼ်ပေႃႇမႃး ၸႃႉၸဵမ်ၵၢပ်ႈၵမ်ႇၽႃႇ မိူဝ်ႈမိုၼ်ႉၸိုၼ်ႉသိုၼ်းၼၼ်ႉဢေႃႈ။-

3ပိူဝ်ႈဢၼ်ပဵၼ်ၼင်ႇၼႆလႄႈ ၸဝ်ႈၼၼ်ႉ တၵ်းၸုၼ်ႉပႅတ်ႈၶဝ် တေႃႇထိုင်ႁွတ်ႈ ၶိင်ႇမိူဝ်ႈဢၼ် မႄႈယိင်း ဢၼ်ၶၢမ်ႇဝူၺ်ႇတၼႃႇ တၢင်းဢၼ်ၵိူတ်ႇလဵင်ႉလုၵ်ႈၼၼ်ႉ ထၼ်ႈပေႃးၵိူတ်ႇလဵင်ႉယဝ်ႉ ၼၼ်ႉလႄႈ ပီႈမၼ်းၼွင်ႉမၼ်း ဢၼ်ယင်းၵိုတ်းယင်းၵျၢၼ်ႇ ၸိူဝ်းၼၼ်ႉ ထၼ်ႈပေႃးၶိုၼ်းမႃးၸူး ၵႃႈတီႈၵူၼ်းမဵဝ်း ဢီႉသရေႇလႃႉ တင်းလၢႆၼၼ်ႉဢေႃႈ။-

4ၸဝ်ႈၼၼ်ႉ တၵ်းၸုၵ်းယူႇလႄႈ ဢိင်တၢင်းၵတ်ႉတၢင်းၶၼ် ထႃႇဝရႃႉၽြႃး ဢိၵ်ႇတင်း တၼ်းၶူဝ်း ဢႃႇၼူႉၽေႃႇ ၼႃႇမႃႉၸိုဝ်ႈသဵင် ထႃႇဝရႃႉၽြႃး ၽြႃးပဵၼ်ၸဝ်ႈ မၼ်းၼၼ်ႉသေလႄႈ လဵင်ႉလူၽုင်သူဝ်းမၼ်း တင်းလၢႆဢေႃႈ။ ၶဝ်ၵေႃႈတၵ်းတႄႇယူႇဢေႃႈ။ လွင်ႈမၼ်းၸမ်ႉ ၸဝ်ႈၼၼ်ႉတၵ်းဢုပ်ႉပိူင်ႇ တေႃႇထိုင်ႁွတ်ႈ တီႈသုတ်းလိၼ်မိူင်းဢေႃႈ။-

5ၸဝ်ႈၼၼ်ႉ တၵ်းပဵၼ်လွင်ႈဢၼ် ရၢၼ်ႇတၢင်းၽိတ်း ယဵၼ်ဢေႃႈ။ မိူဝ်ႈဢၼ်ၵူၼ်း ဢႃႇသူႉရီႉ ၶီႇမႃးၵႃႈတီႈမိူင်းႁဝ်းလႄႈ ယဵပ်ႇယမ်ႈ ၽုင်ႇပိၵ်ႈမၢၼ်ႇႁဝ်းၸိူဝ်းၼၼ်ႉၸိုင်၊ ႁဝ်းတၵ်းႁႂ်ႈၵူၼ်း ဢၼ်လဵင်ႉသူဝ်းထိင်းသူဝ်း ၸဵတ်းပႃး ဢိၵ်ႇတင်း ၵူၼ်းဢၼ်ပဵၼ်ငဝ်ႈပဵၼ်ႁူဝ် ပႅတ်ႇပႃး ပေႃႇဢွၵ်ႇမႃးယူႇၽၢႆႇၼိုင်ႈ တင်းမၼ်းဢေႃႈ။-

6ၶဝ်ၼၼ်ႉ တၵ်းပႄႇၽဵဝ်ႈမိူင်း ဢႃႇသူႉရီႉ ဢိၵ်ႇတင်းမိူင်း ၼိမ်ႇရေႃးတႃႉ ၵႃႈၼႂ်းႁူး ၽၵ်းတူဝဵင်းၶဝ်ၼၼ်ႉပႅတ်ႈ လူၺ်ႈလၢပ်ႇလူၺ်ႈလႅဝ်းလႄႈ ၸဝ်ႈၼၼ်ႉ တၵ်းၵႄႇသႄႇဢဝ်ႁဝ်းလွတ်ႈ သေၵႃႈၼႂ်းမိုဝ်းၵူၼ်း ဢႃႇသူႉရီႉ ၼႂ်းမိူဝ်ႈဢၼ်မၼ်းၶီႇမႃး ၵႃႈၼႂ်းမိူင်းႁဝ်းလႄႈ ယဵပ်ႇယမ်ႈၵႃႈၼႂ်းၶွပ်ႇၼမ်ႉလႅၼ်လိၼ်ႁဝ်းၼၼ်ႉဢေႃႈ။-

7ၵူၼ်းမဵဝ်း ယႃႇၵုပ်ႈ ဢၼ်ၵိုတ်းဝႆႉၵျၢၼ်ႇဝႆႉၸိူဝ်းၼၼ်ႉ တၵ်းယူႇၵႃႈၼႂ်းၵၢင်ၵူၼ်း တၢင်ႇၸိူဝ်ႉတၢင်ႇမဵဝ်း ၼမ်ၼႃႇလႄႈ ပဵၼ်ၸိူဝ်ႉၼင်ႇ ၼမ်ႉၼၢႆးဢၼ် ထႃႇဝရႃႉၽြႃးပၼ် ဢိၵ်ႇတင်း ၸိူဝ်ႉၼင်ႇႁႃႇၽူၼ် ဢၼ်ဢမ်ႇပႂ်ႉထႃႈၵူၼ်း၊ ဢမ်ႇၸွမ်းဢလူဝ်ႇၵူၼ်းသေလႄႈ တူၵ်းၵႃႈၼိူဝ် တူၼ်ႈယိူဝ်ႈတူၼ်ႈယႃႈ ၼၼ်ႉဢေႃႈ။-

8ၵူၼ်းမဵဝ်း ယႃႇၵုပ်ႈ ဢၼ်ၵိုတ်းဝႆႉၵျၢၼ်ႇဝႆႉ ၸိူဝ်းၼၼ်ႉ တၵ်းလႆႈယူႇၵႃႈၼႂ်းၵူၼ်း တၢင်ႇၸိူဝ်ႉတၢင်ႇၶိူဝ်း တင်းလၢႆ၊ ၵႃႈၼႂ်းၵၢင်မဵဝ်းၵူၼ်း ၼမ်ၼႃႇလႄႈ ပဵၼ်ၸိူဝ်ႉၼင်ႇ သၢင်ႇသီႈ ၵႃႈၼႂ်းတူဝ်ထိူၼ်ႇႁၢႆႉ တင်းလၢႆ ဢိၵ်ႇတင်းသၢင်ႇသီႈ တူဝ်ၼုမ်ႇ ၵႃႈၼႂ်းၽုင်သူဝ်း ၸိူဝ်းၼၼ်ႉဢေႃႈ။ ပေႃးမၼ်းၶဝ်ႈမႃးၸိုင်၊ မၼ်းၸၢင်ႈယဵပ်ႇ သေလႄႈ ၶူပ်းၵိၼ်သိၵ်ႇယႃႉ ထၼ်ႈပေႃး ၽူႈလႂ်ဢမ်ႇၵႄႇသႄႇ ၼုၵ်ႈဢဝ်လႆႈဢေႃႈ။-

9မႂ်းတၵ်းဢဝ်မိုဝ်းမႂ်း ယုၵ်ႉယွင်ႈယူႇၽၢႆႇၼိုင်ႈ တင်းၶဝ်ၸိူဝ်းဢၼ် ႁဵတ်းၶတ်းၵၼ်တင်းမႂ်း ၼၼ်ႉလႄႈ ရၢၼ်ႇသူႇမႂ်း တင်းသဵင်ႈတင်းလူင် တၵ်းဢွၼ်ၵၼ် သုမ်းၸွမ်းဢေႃႈ။-

10ထႃႇဝရႃႉၽြႃး မီးဢမိင်ႉၸမ်ႉ၊ ၼႂ်းမိုဝ်ႉဝၼ်းၼၼ်ႉ ၵဝ်တၵ်းပႄႇၽဵဝ်ႈမႃႉမႂ်းတင်းလၢႆပႅတ်ႈသေ ၵႃႈၼႂ်းမႂ်းလႄႈ ယႃႉၽဵဝ်ႈလေႃႉရထႃးမႂ်း တင်းလၢႆ ပႅတ်ႈဢေႃႈ။-

11ၵဝ်တၵ်းပႄႇၽဵဝ်ႈ ဝဵင်းၼႂ်းမိူင်းမႂ်း တင်းလၢႆပႅတ်ႈလႄႈ ၵိူၼ်ႇယႃႉတိူၵ်ႈ တီႈတိုၵ်းသိုၵ်းမႂ်း ၵႃႈမီးပႅတ်ႈဢေႃႈ။-

12ၵဝ်တၵ်းပႄႇၽဵဝ်ႈၶဝ်ၸိူဝ်းဢၼ် ႁဵတ်းၽိူဝ်ႉၼၼ်ႉ ပႅတ်ႈသေၵႃႈတီႈ ၼႂ်းမိုဝ်းမႂ်းလႄႈ မႂ်းတၵ်းဢမ်ႇလႆႈမီးၵေႃႉဢၼ် ႁေႃးလၢတ်ႈပေႇတၢင်ႇၼၼ်ႉ သေၵေႃႉသေၵူၼ်း။-

13ၵဝ်တၵ်းပႄႇၽဵဝ်ႈ ရုၵ်ႈထူႉသၢင်းထူႉမႂ်း ဢၼ်တွင်ႈႁဵတ်း ၶၵ်းႁဵတ်းၸိူဝ်းၼၼ်ႉ ဢိၵ်ႇတင်း သဝ်တီႈၵူဝ်းၵႂၢႆႇမႂ်း တင်းလၢႆ ပႅတ်ႈသေၵႃႈၼႂ်း ၵၢင်မႂ်းလႄႈ ၵမ်းလိုၼ်းမႂ်း ဢမ်ႇလႆႈၵူဝ်းၵႂၢႆႇ လွင်ႈတၢင်းဢၼ်မႂ်းဢဝ် မိုဝ်းမႂ်းႁဵတ်းၼၼ်ႉ။-

14တူၼ်ႈ ဢႃႇသရႃႉ မႂ်းတင်းလၢႆၵေႃႈ ၵဝ်တၵ်းထွတ်ႇထူၺ်ႈ ဢွၵ်ႇသေၵႃႈၼႂ်း ၵၢင်မႂ်းလႄႈ ယႃႉၽဵဝ်ႈဝဵင်းမႂ်း တင်းလၢႆ ပႅတ်ႈဢေႃႈ။-

15ၵဝ်တၵ်းပႃးတၢင်း ၶႆႈၸႃႉၶႆႈၸဵတ်ႈ ဢိၵ်ႇတင်း ဢၢႆႁႅင်းတေႃးသႃႉ တၢင်းၸႂ်မႆႈၶႆႈၸႃႉၵဝ်သေလႄႈ ၸီႇယၢင်ႇတၢမ်ႇဢပႅတ်ႈ တီႈၵူၼ်းတၢင်ႇၸိူဝ်ႉတၢင်ႇၶိူဝ်း ဢၼ်ဢမ်ႇထွမ်ႇဢမ်ႇဢဝ် ၵႂၢမ်းၵဝ်ၸိူဝ်းၼၼ်ႉဢေႃႈ။

← Chapter 4 Jump to: Chapter 6 →