3 John 1

Sidamo

Jump to:

1Ani geerchu halaalunni baxeemmohura Gayiyoosira soyemmo sokka.

2Jaala'ya! Heeshsho qiniitannohe gede, gogikki fayyo ikkanno gedenna lubbokki harshammi yitanno gede huucceemmohe.

3Halaaleho ammanamakkinna halaalunni hee'rakki roduuwu dagge kulteennae macciishshe, lowo geeshsha hagiidhoommo.

4Ooso'ya halaalaancho heeshsho heedhannota macciishshatenni roorino hagiirri dinoe.

5Jaala'ya! Egennoottokkire ikkiturono, roduuwa ammanamatenni towatoottonsa.

6Insano baxillunni assoottonsare mannaho hasaabbino; xaano Maganu hagiidhanno garinni doogonsara kaa'littonsaro danchaho.

7Dagatewiinni mittoreno adhitukkinni su'misira yite fultino.

8Xaate halaalu loosira gutammeemmo gede hattoo manna kaa'la hasiissannonke.

9Beetekiristaanete sokka borreessoommo; ikkollana albiidiha ikka hasi'rannohu Diyoxiraafiisi haa'ra giwinonke.

10Kunnira ki'newa dayemmo woyite, xonanninkenna shollishanninke loosanno looso baala baalunkura kuleemmo. Hakkonne calla ikkikkinni roduuwano dihaa'ranno; haadhannoreno hoole insano beetekiristaanetenni fushshe shorranno.

11Jaala'ya! Dancha ikkinnina busha labbooti; danchare assannohu Maganunniho; bushare assannohu kayinni Magano diafino.

12Dimexiroosire mannu baalu farci'ranno; halaalunku farci'rannosi. Isire ninkeno farci'neemmo; farci'neemmo coyino halaale ikkinota afatto.

13Borreesseemmohehu lowo coyi nooe; ikkollana borreesse soyammohera dibaxoommo.

14Muli yanna giddo xaandeemmo gede hexxo nooe; hakka woyite gamba yine hasaambeemmo.

15Keeru ledokki hee'ro. Jaallanke keere dhaantinohe. Jaallanke mittu mittunkura keere iillishie.

Jump to: