Esther 7

Sidamo

← Chapter 6 Jump to: Chapter 8 →

1Kunni garinni mootenna Haama Asteeri jila layinkimeeshsho marte woyinete xajje agganni heedheenna moote, «Mootitte Asteeri, hasi'rattare xa'mie, eemmohena; gashshooti'ya darate ikkiro nafa aammohera qixxaawaho» yee lede kulise.

3Asteerino, «Moote'ya, baxattoehanna hasi'roommare assattoeha ikkiro, anenna gosa'ya lubbo gatisie.

4Borojjimmate hirammoommoro nafa ate diqarriseemmahe; xa kayinni kuneeti anenna gosa'ya co'o assine gorrine gundaraati!» yitu.

5Hakkunni gedensaanni moote Arxekisiisi, «Togo assate kainohu isi ayeti? Tenne hedino manchi xa hiikko no?» yee mootitte Asteeri xa'mi.

6Asteerino, «Diininkenna reyo malinonkehu bushu manchi konne Haamaati!» yitu. Haamano lowo geeshsha mase, mitte hige mootenniwa, mitte hige mootitte Asteeriwa hige lai.

7Mooteno lowo geeshsha hanqe, jilu aaninni agure fule mootete mini haqqe caalunnitewa ha'ri. Moote kunni coyira busha hedinosita Haama afe, lubbo gatisi'rate mootitte Asteerira eegamara badhe hige gati.

8«Tenne saie» yaara hede mootitte Asteeri noo daallasi aana mare diriiri. Moote caalu haqqe giddonni galagale higanno woyite, tenne ikkito lae, «Kuni manchi mootimma'ya mine ille'ya la'anna mootitte galte'ya seyatara hasi'rino yaate!» yee hiddannaawe coyi'ri. Moote konne coye coyi'ranni hee'reennanni mureeyye dagge Haamara alba dibbu.

9Insa giddonni mittu Harboona yinanni mureessi, «Moote'ya, Haama kawiinnino sae ate reyotenni gatisiha Merdookiyoosino sute shaara qaesira dawe kaase no. Daweno hojja 50 cigileeti» yii. Mooteno, «Hattenne dawera Haama massitine sutte» yee hajaji.

10Kunnira Haama Merdookiyoosi sutara qixxeessino dawera massine sunti. Hakkunni gedensaanni mootete hanqi qiidi.

← Chapter 6 Jump to: Chapter 8 →