Obadiah 1

Sidamo

Jump to:

1Mootichu Kaaliiqi Edoomi daafira Abidiyu widoonni qole coyi'rino coyi kunninni aane nooho. Kaaliiqi sokkaanchosi daganniwa soye, «Edoomi qasate fuleemmo daafira, baalunku qixxaabbe!» yitanno sokka ninkeno macciishshinoommo.

2Kaaliiqi Edoomoota, «Kuneeti, dagate mereero ki'ne maa'ne gosa asseemmo'ne; lowo geeshsha mishantinoonnire ikkitinanni.

3Wodani'ne boo'na doggino'ne; ki'ne kaajjadu kinchi aana minnoonni katami giddo heedhinanni; galtinanni minino jajjabbu ilaali aana minaminoho. ‹Hee'neemmo darginni dirrisankera dandaannohu ayeti?› yitine boo'nitinoonni.

4Allamurchu gede iimira higgine buubbiniro nafa, beeddahete mereero teesso assidhinirono, hakkiichinni dirriseemmo'ne.

5«Mooraano woy mulqidhannori hashsha dagguro, ikkannonsa geeshshire calla adhitanno. Woyinete laalo gamba assi'ranno yannara, mannu dargaho xaro gatisanno; ki'ne kayinni diinna'ne co'o assite huntanno'ne.

6Ki'ne Eesawu sircho, kuneeti jiro'ne wo'manti saamantino.

7Jaalla'ne dogge amaddanno'ne; gobba'nenni fushshite shorritanno'ne; hexxitinoonni gosa diinoomunni ka'anno'ne. Ledo'ne ittanni keeshshitinori jaalla'ne woshshaado wortanno'ne; ‹Busullensa baala hiikkitu› yitanni qacifattanno'ne.

8«Hattenne yannara, Edoominni hayyoole'ne huneemmo; egennonsano nookki gede asseemmo.

9Temaani bareeddano waajjite huxidhanno. Edoomi noo manna baalanka shinanni» yii.

10Qeleno, «Yaiqoobi sircho ikkitinore roduuwa'ne, beebbatenni shitinoonni daafira shollitinanni; hegerera ba'ine gattinanni.

11Diinnansa cufannansa cancante, jironsa baala saantu barra, ki'ne qaccete uurritine la'inoonni. Ki'ne Yerusaalamete jajja hixunni beeqqitinoriwiinni horonta diwoyyitinoonni.

12Yihudu gobbara heedhannore roduuwa'ne amadino qarrira, mayira hagiidhitini? Insara bao daggunsa barra mayira hisattini? Shette heedheenna mayira oso'litini?

13Qarrantenna mitii'mite heedheenna, jajjansa saamate manni'ya katami giddora mayira e'ini?

14Xooqqannore amadate, doogo xaaddannowa gaa'litine mayira agartini? Qarrantu barrano diinaho sayissine mayira uyitininsa?» yii.

15Lede, «Ani Kaaliiqi dagate yoo yeemmo barri mule no. Ki'ne Edoomi gosa, woloota assitinoonni beebba, ki'nerano iillitanno; assitinoonniri qole amadanno'ne.

16Manni'ya Qullaawu Ilaali'ya aana, qorichu finiincho cingiishshi'ranno gede assoommo. Qooxeessinsara noo daga kayinni, wo'manka woyite hakkiinni roorinoha, qaraarannoha qorichu finiincho cingiishshidheenna, higguwa hoonganninsa» yii.

17Baotenni gattannori Tsiyooni Ilaali aana heedhanno; Tsiyooni Ilaalino qullaawa ikkanno; Yaiqoobi ilama uminsa iqqa ragidhanno.

18Yaiqoobi ilama giirate gede, Yooseefi ilamano buwanu gede ikkite, Eesawu sircho galawimma giirtanno. Eesawu sirchi mittuno digatanno. Konne coyi'roommohu ani Kaaliiqaati.

19Yihudaho wodiidoonni noo gosa, Edoomi baatto adhitanno. Galchimi ilaallara lekkaalloonni noo baattora heedhanno gosa, Filisxeemete baatto amaddanno. Israeelootu Efireeminna Samaariyu gobba adhitanno; Biiniyaami ilamano Geleaadi baatto ragidhanno.

20Qafadame hee'rannohu aliyye Israeele manni hige, Kana"aani baattora aliyyeenni noo katami Seraphitahu geeshsha noo gobba ragi'ranno. Sefaradiimi heedhannori, Yerusaalametenni qafadantinori, wodiidoonni noota Yihudu katamma adhitanno.

21Ani Kaaliiqi gatiseemmonsa gosa, Tsiyooni Ilaali aana heedhe, Edoomi gashshitanno. Gashshootuno ane Kaaliiqiha ikkanno.

Jump to:

Recommended Reading

Commentary Obadiah Commentaries → Devotional Obadiah Devotional Guide → Get This Bible Sidamo Study Bible →