Jonah 2

Sotho 1951 (BIBELE)

← Chapter 1 Jump to: Chapter 3 →

1Jona, a le kmpeng ya hlapi, a rapela Morena Modimo wa gagwe, a re:

2Ka bitša Morena ke le tlalelong, mme a nkaraba. Ka hlaba mokgoši ke le teng ga felobahu, a kwa lentšu la ka.

3O be o ntahletše bodibeng gare ga mawatle, ka farafarwa ke mafula, ka ribegetšwa ke maphoto ago le mahulo ago.

4Nna ka re ke lahlilwe, mme ga o sa mpona. Ka re: A nke ke buše ke iše mahlo kua Ntlongkgethwa yago.

5Ke ge meetse a ntlaletše wa go mpeta, ke sobeletše bodibeng, ke tatilwe hlogo ke malele a lewatle,

6ke theogetše kua tlasetlase go lego medu ya dithaba, ke tswaleletšwe ke meswiko ya lefase ya go ya go ile. Mme wena Morena Modimo wa ka wa ntšha phelo bjaka sekoting.

7E itše ge moya wa ka o felela, ka iša mogopolo go Morena, thapelo ya ka ya fihla go wena kua Ntlongkgethwa yago.

8Ba ba ikekago le mafela a forago, Mogaugedi wa bona ba mo lahlile.

9Ge e le nna, a nke ke ipege mo go wena ka sedimo ke hlaboša lentšu la malebo; ke phethe se ke se ennego. Go phološa go na le Morena.

10Ge e le hlapi yela, Morena o e laetše, ya hlatša Jona mo go bego go le leši.

← Chapter 1 Jump to: Chapter 3 →