Nahum 3

Sotho 1951 (BIBELE)

← Chapter 2 Jump to:

1Joo motse wa madi! Wa go tlala maaka le sehlogo, o sa khutšego go hlakola batho!

2Kwa tshelane! Kwaa, go kitisela maotwana, ke mešito ya dipitsi tše di kitimago, makoloi a a kganyelago.

3Go kutuloga banamedi! Magadigadi a ditšhoša! Tšharara ya marumo! Matshwithitshwithi a ba hlabilwego! Ditoto ke mekgobo; ba tšama ba di gata!

4Molato ke mabootswa a magolo a seotswa seo sa bonatla le boleta, molakabaloi, mmapatšaditšhaba ka bootswa bjagwe, mmapatšadilete ka boloi bjagwe!

5Morena wa mašaba o re: Ke nna e, ke lwago nago! Ke tlogo hlobodiša ka go khurumetša sefahlogo ka ditšwaro tšago, ditšhaba tša bona bofela bja gago, dikgoši, tša go bona dihlong.

6Ke tlogo tšhela tšhila wa nyatšega, ka go dira sebogelo.

7Ke mo bohle ba ba go bonago ba tlogo go tšhaba ba re: Motse wa Ninife o thubilwe! O kwelwa bohloko ke mang? Ke tlogo tsomela kae ba go go homotša?

8A o re o phala Noo-Amone, wo o bego o farilwe ke dinoka, o goragoretšwe ke meetse thoko tšohle, wo matla a wona e bego e le lewatle, merako e theilwe bodibeng?

9Maatla a wona e be e le Kushe, le Baegipita ba sa felego; le Baphute le Balube ba be ba o thekgeletša.

10Le ge go le bjalo o thopilwe wa išwa bothopša, bana ba gona ba pšhatlwa mekgobeng mo magahlanong, banna ba dinopodi ba ba tšea ka matengwa, ba bagolo ba tlengwa ka ditshipi.

11Le wena o tlo gakanega, wa se hlwe o tsebja, wa se hlwe o tsebja wa tšhaba lenaba o nyaka setšhabelo.

12Dibo tša gago tšohle ke dienywa tša mogoserake tše di budulego: tše e rego di šišinywa tša wela moji ganong.

13O tsebe gore mo motseng wa gago banna e tlo ba basadi; dikgoro mo nageng ya gago di ahlame, di buletšwe ba manaba; meswiko e tlo swaka mollo.

14Gaa meetse a mohla o tlogo rakelelwa; tiiša merako ya gago. Tsena lerageng o dube; aga sebešo sa makokota.

15Mo o lego gona o tlo swa ka mollo o tlo fela ka lerumo, e ke o llwe ke bojane, le ge o atile bjalo ka bojane, boka tšie, le ge babapatši bago ba atile bjalo ka dinaledi magodimong; bojane bo tlo gara bja fofa.

16Beng ba diala go wena ba etša tšie; balaodi ba dira ba bjalo ka yona, e robalago legoreng mohla go tonya, ye e rego ge letšatši le hlabile e fofe, mme go se tsebje mo e yago.

17Hee kgoši ya Asuri Badiši ba gago ba ile le boroko; bagale ba gago ba itše “tuu”; setšhaba sa gago se phatlalala le dithaba; se hloka wa go se rapa.

18O kutlegile wa go se fole; ntho ya gago ga e alafege; mme bohle ba kwago tša gago ba opa magoswi ba thaba, ka gobane ke ge le le mang a sa kago a tlelwa ke bošula bjo bo bego bo etšwa go wene ka mehla?

← Chapter 2 Jump to: