bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sotho
/
Sotho 1951 (BIBELE)
/
Psalms 119
Psalms 119
Sotho 1951 (BIBELE)
← Chapter 118
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 67
Chapter 68
Chapter 69
Chapter 70
Chapter 71
Chapter 72
Chapter 73
Chapter 74
Chapter 75
Chapter 76
Chapter 77
Chapter 78
Chapter 79
Chapter 80
Chapter 81
Chapter 82
Chapter 83
Chapter 84
Chapter 85
Chapter 86
Chapter 87
Chapter 88
Chapter 89
Chapter 90
Chapter 91
Chapter 92
Chapter 93
Chapter 94
Chapter 95
Chapter 96
Chapter 97
Chapter 98
Chapter 99
Chapter 100
Chapter 101
Chapter 102
Chapter 103
Chapter 104
Chapter 105
Chapter 106
Chapter 107
Chapter 108
Chapter 109
Chapter 110
Chapter 111
Chapter 112
Chapter 113
Chapter 114
Chapter 115
Chapter 116
Chapter 117
Chapter 118
Chapter 119
Chapter 120
Chapter 121
Chapter 122
Chapter 123
Chapter 124
Chapter 125
Chapter 126
Chapter 127
Chapter 128
Chapter 129
Chapter 130
Chapter 131
Chapter 132
Chapter 133
Chapter 134
Chapter 135
Chapter 136
Chapter 137
Chapter 138
Chapter 139
Chapter 140
Chapter 141
Chapter 142
Chapter 143
Chapter 144
Chapter 145
Chapter 146
Chapter 147
Chapter 148
Chapter 149
Chapter 150
Chapter 120 →
1
Ba lehlogonolo ke balokakatsela, ba swere melao ya Morena.
2
Ba lehlogonolo ke balota mabohlatse a agwe, ba a nyaka ka pelo ka moka.
3
Ke bao ba go ila bobe, ba tšea ka tsela ya gagwe.
4
O laetše gore ditaelo tšago di lotolwe sa ruri.
5
A ditsela tša ka di ke di loke ka go latela melao ya gago.
6
Ge nka hlokomela ditaelo tša gago ka moka, gona nka se lewe ke dihlong.
7
Ke tla ba ka go leboga ka pelothereši, ge ke ithuta mekgwa ya gago ya go loka.
8
Ke lota ditayo tša gago; a ke o se ntlogelele ruri.
9
Lesogana le ka thakga bjang tshepelo ya lona? Ka ge le lota lentšu la gago.
10
Ke go nyaka ka pelo ka moka; a nke ke se arogane le ditaelo tša gago.
11
Pelong ya ka ke boloka thuto ya gago, gore ke se dire se o se semago sebe.
12
A go retwe wena Morena; nthute melao ya gago.
13
Melomo ya ka a e be ya go bolela malaeledi a molomo wa gago.
14
Tsela ya mabohlatse ago ke e thabela go fetiša mahumo ka moka.
15
Ditaelo tša gago ke di eleletša ke lebeletše mmila wa gago.
16
Ke tlo ipshina ka mekgwa ya gago, mme mantšu a gago nka se a lebale.
17
Šetša nna molata wago, ke tle ke phele, ke hlokomele lentšu la gago.
18
O mpudule mahlo, ke bone mehlolo melaong ya gago.
19
Ke mofaladi lefaseng, se nkutele ditaelo tša gago.
20
Moya wa ka o goletšwe ke go hlologelwa moahlolelo wago mehla yohle.
21
O kgalema baipoti, ba dilalogi, ba go lahla ditaelo tša gago.
22
Nke o nthole bokgopo le nyatšego, gobane nna ke gomaretše mabohlatse ago.
23
Le ge magoši a ka dula a ntakana, nna molata wa gago ke eleletša ditaelo tša gago.
24
Mabohlatse a gago ke ona a nthabišago, ke baeletši ba ka.
25
Moya wa ka o gomaretše leroleng; mphediše ka lentšu la gago.
26
Ditsela tša ka ke a di bolela; nkwe O nthute melao ya gago.
27
O ntemoše tsela ya ditaelo tšago, ke hlathe mehlolo ya gago.
28
Moya wa ka ge o hlokofetše ka go ja pelo, o ntsoše ka lentšu la gago.
29
Nkefoše tsela ya maaka, o nthšetše ka melao yago.
30
Ke kgethile tsela ya therešo, ke itebanye le moahlolelo wago.
31
Morena, ke gomaretše mabohlatse a gago, a nke ke se lewe ke dihlong.
32
A nke ke sware ka tsela ya ditaelo tša gago, gobane o mphile pelo ya mafolofolo.
33
Morena, nthute tsela ya ditaelo tša gago, ke e sware e be e nkgoroše.
34
O nthlalefiše, ke latele melao ya gago, ke e hlokomele ka pelo ka moka.
35
O nthsepediše ka mohlala wa ditaelo tša gago, ka gobane di a nkgahla.
36
Ruta pelo ya ka go rata mabohlatse ago, e idiše dikganyogo.
37
Lahliša mahlo a ka go bogela tša lefela, o mphediše ka ditsela tša gago.
38
Go nna mohlanka wago phetha lentšu le o le neilego ba ba go boifago.
39
Siroša kgobogo ye ke e šiago; gobane se sebotse ke mekgwa ya gago.
40
Ruri, nna ke hlologetšwe ditaelo tšago; hle mphediše ka go loka ga gago.
41
Morena, a nke ke tlelwe ke botho bja gago; phološo ya gago e ntlele ka mo o boletšego;
42
ke tsebe go fetola monkgoboši, ka gobane ke botile lentšu la gago.
43
Lentšu la therešo a le se ke la ba la hlokega ganong ga ka, gobane ke leta kahlolo ya gago.
44
A nke ke lote melao ya gago ka mehla le mehla.
45
A nke ke sepele molaleng, gobane ke nyaka ditaelo tša gago.
46
Mabohlatse ago ke a bolela pele ga dikgoši, ga ke itšimeletše.
47
Malaeledi a gago ke a a thabela, ke ona a ke a ratago.
48
Malaeledi a gago ke a amogela ka diatla tša ka, ke ona a ke a ratago; ke gopola ditaelo tšago.
49
Tseba lentšu le o le boditšego nna molata wago, wa re ke holofele lona.
50
Ke lona le le nkhomotšago ge ke hlaka, gobane tše o di boletšego di a mphediša.
51
Baipoti ba nkwerile ka gogolo, mme nna ke se fapoge molao wa gago.
52
Morena, ke elelwa kahlolo tša gago tša kgale, ya ba go ikhomotša.
53
Ba babe ge ba lahla molao wa gago, ke tuka bogale.
54
Ditaelo tša gago ke sefela sa ka ge ke sa le mo ngwakong wa bodiiledi bja ka.
55
Morena, ke lala ke gopola leina la gago, mme melao ya gago ke a e boloka.
56
A nke ke tlwaele go lota ditaelo tšago.
57
Nna lehumo la ka ke Morena; ke realo ke lotola lentšu la gago.
58
Ke hlologetšwe sefahlego sa gago ka pelo ka moka; nkgaugele ka mo o boletšego.
59
Ke gopola ditsela tša ka, mme ke sokollela dinao tša ka mabohlatseng a gago.
60
Ke a akgofa, mme ga ke kgokgone go lotola ditaelo tšago.
61
Melao ya gago nka se e lebale, le ge ke theilwe ke mereo ya ba babe.
62
Le bošegogare ke a tsoga, ka go leboga dikahlolo tša gago tša toko.
63
Ke kwane le bohle ba go boifago, ba go hlokomela ditaelo tša gago.
64
Morena, botho bja gago bo tletše lefase; nthute melao ya gago.
65
Morena nna molata wago, o ntira tše botse ka mo o boletšego.
66
Nthute temogo e botse le tsebo, ka gobane ke dumetše ditaelo tšago.
67
Mola ke sešo ka boetšwa, ke be ke timela; mme bjalo ke bušwa ke thuto ya gago.
68
O yo botse le modirabotse; hle nthute ditaelo tša gago.
69
Baikgogomoši ba mpharile ka maaka; gomme nna ke gomarela ditaelo tša gago ka pelo ka moka.
70
Dipelo tša bona di reteletše wa makhura; ge e le nna ke thabela melao ya gago.
71
Nna ke kwa ke seditšwe ka go kokobetšwa, ya ba gona ke ithutilego ditaelo tšago.
72
Melao ya molomo wago e nkhola go fetiša gauta le disilifera tše dikete.
73
Diatla tša gago di ntirile di mpopile; hle mphe le tlhaologanyo, ke ithute ditaelo tšago.
74
Bao ba go boifago ba mpona ba thaba ka ge ke holofetše lentšu la gago.
75
Morena, ke tseba gobane dikahlolo tšago ke tša toko; mme o nkokobetša ka ge o mpotegetše.
76
A nke ke bewe pelo ke botho bja gago, ka mo o nthutilego, nna molata wago.
77
A nke ke tlelwe ke dikgaugelo tšago, ke phele ke tsefelwa ke molao wago.
78
Baipoti a ba lewe ke dihlong, ka gobane ba nkgobotla ka maaka; mme nna ke eleletša ditaelo tšago.
79
Gonna a go boele bao ba go boifago, ba tle ba tsebe mabohlatse ago.
80
Pelo ya ka a e loke ka ditaelo tša gago, gore ke se tlo lewa ke dihlong.
81
Moya wa ka o llela go phološwa ke wena; o hlologetšwe lentšu la gago.
82
Mahlo aka a lapetše thuto ya gago; ke re o tlo nkhomotša neng?
83
Le ge nka ka legapa mušing, nka se lebale melao ya gago.
84
Matšatši a molata wago a sa tlo ba makae? Bao ba ntlhakišago o tlo ba sekiša neng?
85
Baikgogomiši ba fata mereo ya go ntanya; ke bao ba se nago molao wa gago.
86
Malaeledi ohle a gago ke therešo; bona ba ntlhohla ka maaka; A ke o nkemele hle.
87
Ba nyakile go ntshenyetša ruri mo nageng; mme nna ditaelo tša gago ga nka ka di tlogela.
88
A ke o mphediše ka botho bja gago, ke tsebo diša bohlatse bja molomo wa gago.
89
Morena, lentšu la gago ke la neng le neng; le thekgilwe kua magodimong.
90
Potego ya gago ke ya meloko le melokoloko; lefase o le thekgile mme la ema.
91
Le lehono di sa eme ka mo o laetšego, gobane tšohle di a go hlankela.
92
Ge nkabe ke se bewe pelo ke molao wago, nkabe ke feletše tšhegong ya ka.
93
A nke ke se lebale ditaelo tšago neng le neng; ka gobane o mphediša ka tšona.
94
Nna ke wa gago; a ke o mphološe, ka gobane nna ke llela ditaelo tšago.
95
Ba babe ba lebeletše ge nka loba; mme nna ke tseba mabohlatse a gago.
96
Ke bona bofelo bja tšohle tše di phethegilego; se se se nago magomo ke ditaelo tša gago.
97
Melao ya gago ke e rata gakakang! Ke eleletša yona mehla yohle.
98
Ditaelo tša gago di nthuta bohlale ka phala manaba a ka, ka gobane di na le nna ka mehla.
99
Ka temogo nna ke phala ba ba nthutilego bohle, ka gobane keleletšo ya ka ke mabohlatse a gago.
100
Ke phala batala ka tlhaloganyo, ka gobane ke lotola ditaelo tša gago.
101
Dinao tša ka ke di ilela tselakgopo, gore ke ele lentšu la gago tlhoko.
102
Mekgwa ya gago ga ke arogane nayo gobane ke rutwa ke wena.
103
Thuto ya gago ga se ka go natefa, e phala dinose ganong ga ka.
104
Mo ditaelong tša gago ke tšea temogo e ntlhoišago ditsela tšohle tša maaka.
105
Lentšu la gago ke lebone la dinao tša ka, ke seetša tseleng ya ka.
106
Ke enne, mme ke tla ema fao, ka hlokomela mekgwa yago e mekgethwa.
107
Ke nyamile ka gogolo; Morena, mphediše ka lentšu la gago.
108
Morena, nke o kgahlwe ke dibego tša molomo wa ka, o nthute mekgwa ya gago.
109
Ke hlwe ke adibetša moya wa ka ka diatla, mme ga ke lebale molao wa gago.
110
Ba babe ba ntheile ka molaba; mme nna ga ke fapane le ditaelo tša gago.
111
Nna ruo la ka la go se fele ke mabohlatse a gago, gobane ke lona lethabo la pelo ya ka.
112
Ke tlwaetša pelo ya ka go phetha ditaelo tša gago; mme e tlo ba go boelwa ke tše di se nago go fela.
113
Ke hloile bahlokamaemo; ke rata molao wa gago.
114
Sephemo sa ka, kotse ya ka ke wena; ke holofetše lentšu la gago.
115
Bakgopo ntlogeleng! Nna ke gomarela ditaelo tša Modimo wa ka.
116
Nthekge hle ke eme ka thuto ya gago, ke tle ke phele, ke se tlo lewa ke dihlong ke senyegetšwe ke lehutšo.
117
Ntshware hle, ke phologe, ke dule ke thabela ditaelo tšago.
118
O nyatša bohle ba ba arogago ditaelo tša gago, gobane go fora ga bona ke maaka.
119
Ba babe bohle mo lefaseng o tlo ba okola bjalo ka mahulo; ke ka lebaka leo ke ratago mabohlatse ago.
120
Mmele wa ka ka moka o roromela ka go tšhoga wena, ge ke tšhoga moahlolelo wa gago.
121
Nna ke dirile ka molao le go loka; a ke o se nkgafele diatleng tša ba ba ntlhakišago.
122
Nnamolele nna molata wago, o nkiše go tše botse; gore baikgogomoši ba se ntlhakiše.
123
Mahlo a ka a lapetše go phološwa ke wena, a lebeletše thuto yago ya go loka.
124
Mohlanka wa gago mo dire ka botho, o nthute ditaelo tša gago.
125
Ke mohlanka wago, mphe temogo le go tseba mabohlatse a gago.
126
Lebaka la gore go dire wena Morena ke lona le; gobane ba senya molao wa gago.
127
Ke ka lebaka leo ke ratago ditaelo tša gago go fetiša digauta, le digauta tše di tšwago meubeng.
128
Ke ka lebaka leo ke emago le ditaelo tša gago, ka hloya ditsela tšohle tša maaka.
129
Mabohlatse a gago ke dimakatšo; ke ka lebaka leo moya wa ka o di lotolago.
130
Lentšu la gago ge le bulwa le a bonegela, le hlalefiša ba hlokago tsebo.
131
Ke ahlama molomo ke kgalegile, ke hlologetšwe ditaelo tša gago.
132
Retologela go nna o nkgaugele, ka mokgwa o lebanego barati ba leina la gago.
133
Mešitso ya ka a e tie ka thuto ya gago, go se be le bokgopo bjo bo kago mpuša.
134
Nnamolele ge batho ba ntlhakiša, ke kgone go lotola ditaelo tša gago.
135
A sefahlego sa gago se bonegele nna molata wa gago, o nthute melao ya gago.
136
Mahlo a ka a ela nokana tša meetse, ka gobane ba sa šetše melao ya gago.
137
Moloki ke wene Morena, le moahlolelo wa gago ga o na bosodi.
138
Go loka ga mabohlatse ago go laetšwe ke wena, ke therešo ruri.
139
Ke feroga dibete ka ge ba ba mpekago ba lebetše mantšu a gago.
140
Thuto ya gago e sekile ruri, mme nna molata wago ke e ratile.
141
Nna ke mmotlana monyatšegi, fela ditaelo tša gago ga ke di lebale.
142
Go loka ga gago ke go loka go ya go ile, mme molao wa gago ke therešo.
143
Le ge ke hweditšwe ke mehlako le dikgakanego, lethabo la ka ke ditaelo tša gago.
144
Go loka ga mabohlatse ago ke ga neng le neng; hle ntemoše tšona gore ke phele.
145
Ke rapela ka pelo ka moka; hle nkwe, Morena! Ke gomaretše ditaelo tšago.
146
Ke bitša wena gore o mphološe, ke lote mabohlatse a gago.
147
Ke raka mahube pele ke goelela, ke letela lentšu la gago.
148
Mahlo a ka a raka tišo tša bošego pele, gore ke akanye dithuto tša gago.
149
Morena, o kwe lentšu la ka ka botho, o mphediše ka mokgwa wa gago.
150
Ke batamelwa ke ba nkgobotlago ka tše mpe; ke ba ba lego kgole le molao wa gago.
151
Morena, o kgauswi; gomme ditaelo tša gago ka moka ke therešo.
152
Ke kgale ke tseba mabohlatse ago, gobane o a theetše mehla e sa felego.
153
Lebelela tšhego ya ka o mphološe, gobane melao ya gago ga ke e lebale.
154
Nkahlolele ditaba tša ka, o nkhumele, o mphediše ka thuto ya gago.
155
Phološo e kgole le babe, gobane ga ba latiše melao ya gago.
156
Morena, dikgaugelo tšago ke tše ntši; hle mphediše ka mokgwa wa gago.
157
Ba ba ntlhakišago le ba ba mpekago ba atile; mme nna ga ke fapoge mabohlatse a gago.
158
Bahlanogi ke ba bona ka ba hlaswa; ke bao ba go se lote dithuto tša gago.
159
Morena, a ke o mpone ka mo ke ratago ditaelo tšago, o mphediše ka botho bja gago.
160
Se segolo sa lentšu la gago ke ge e le therešo, mme mekgwa ya gago ya go loka e le ya mehla ya neng le neng.
161
Ba ba ntlhakišago ka lefela ke ba bagolo; fela, se pelo ya ka e se boifago ke lentšu la gago.
162
Thuto ya gago ke e thabela bjalo ka ba ba boago ba rebotše kudu.
163
Maaka ke a hloile, ke hwetša e le makgapha; se ke se ratago ke molao wa gago.
164
Ke go reta gašupa ka letšatši ka lebaka la moahlolelo wa gago wa go loka.
165
Molaomogolo o na le bao ba ratago melao ya gago; ga ba na se ba kgopišago.
166
Morena, ke letetše phološo ya gago, mme ke dira ka ditaelo tša gago.
167
Moya wa ka o lotola mabohlatse ago, ke a rata gagolo.
168
Ke lotola ditaelo tšago le mabohlatse ago, ka gobane ditsela tša ka tšohle di pele ga gago.
169
Morena, sello sa ka a se fihle pele ga gago; a ke o nthute ka lentšu la gago.
170
Thapelo ya ka a e ke e go fihlele, mme o mphološe ka mo o boletšego.
171
A melomo ya ka e tšhologe ditheto, ge o nthuta ditaelo tša gago.
172
Leleme la ka le tlo tlotla dithuto tša gago, gobane ditaelo tša gago ka moka ke tšaago loka.
173
Seatla sa gago a se ke se nthuše, gobane ke ikgethetše ditaelo tšago.
174
Morena, ke hlologetšwe go phološwa ke wena, mme molao wago ke lethabo la ka.
175
A moya wa ka o phele o go rete, mme moahlolelo waago o ntlhakodiše.
176
Ge nka hlahlatha boka nku e timetšego, o nnyake nna molata wago, gobane ditaelo tša gago ga ke di lebale.
← Chapter 118
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 67
Chapter 68
Chapter 69
Chapter 70
Chapter 71
Chapter 72
Chapter 73
Chapter 74
Chapter 75
Chapter 76
Chapter 77
Chapter 78
Chapter 79
Chapter 80
Chapter 81
Chapter 82
Chapter 83
Chapter 84
Chapter 85
Chapter 86
Chapter 87
Chapter 88
Chapter 89
Chapter 90
Chapter 91
Chapter 92
Chapter 93
Chapter 94
Chapter 95
Chapter 96
Chapter 97
Chapter 98
Chapter 99
Chapter 100
Chapter 101
Chapter 102
Chapter 103
Chapter 104
Chapter 105
Chapter 106
Chapter 107
Chapter 108
Chapter 109
Chapter 110
Chapter 111
Chapter 112
Chapter 113
Chapter 114
Chapter 115
Chapter 116
Chapter 117
Chapter 118
Chapter 119
Chapter 120
Chapter 121
Chapter 122
Chapter 123
Chapter 124
Chapter 125
Chapter 126
Chapter 127
Chapter 128
Chapter 129
Chapter 130
Chapter 131
Chapter 132
Chapter 133
Chapter 134
Chapter 135
Chapter 136
Chapter 137
Chapter 138
Chapter 139
Chapter 140
Chapter 141
Chapter 142
Chapter 143
Chapter 144
Chapter 145
Chapter 146
Chapter 147
Chapter 148
Chapter 149
Chapter 150
Chapter 120 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
67
68
69
70
71
72
73
74
75
76
77
78
79
80
81
82
83
84
85
86
87
88
89
90
91
92
93
94
95
96
97
98
99
100
101
102
103
104
105
106
107
108
109
110
111
112
113
114
115
116
117
118
119
120
121
122
123
124
125
126
127
128
129
130
131
132
133
134
135
136
137
138
139
140
141
142
143
144
145
146
147
148
149
150