Psalms 19

Sundanese Bible (Sunda) - KITAB SUCI (LAISUN) 1991

← Chapter 18 Jump to: Chapter 20 →

1Pikeun pamingpin biduan. Jabur Daud.

2Ku bengras langit ngebrehkeun kamulyaan Allah! Ku cekas eta teh nembongkeun karya Mantenna!

3Poe nu ieu nepikeun hal eta ka poe isuk, peuting nu ayeuna nyaritakeun hal eta ka peuting nu engke.

4Taya ucap taya kecap nu dipake, taya sora nu kadenge;

5tapi amanahna parat ka saampar jagat, aweuhanana kadenge tepi ka tungtung bumi. Allah ngimahan panonpoe di langit,

6nu medal isuk-isuk lir panganten lalaki lugay ti kamar, pertentang jeg pahlawan seja miang.

7Ngagandeuang ti tungtung langit nu ieu, ngambah jalan muru ka tungtung langit nu itu, kabeh taya nu luput tina panasna.

8Hukum PANGERAN sampurna, matak seger kana jiwa. Parentah PANGERAN beunang dipercaya, mere hikmah ka anu tuna harti.

9Papakon PANGERAN saestu, matak bagja nu mituhu. Parentah PANGERAN teh adil, matak lantip budi akal.

10Bakti ka PANGERAN kacida hadena, bakal lumangsung salalawasna. Putusan PANGERAN adil kabeh lempeng sarta jujur.

11Leuwih pikabitaeun ti batan emas nu pangalusna, leuwih amis ti batan madu asli.

12Tina eta abdi kenging pangarti, tigin ka eta kenging ganjaran.

13Taya jalma nu ngarasa kana kasalahan dirina; bebaskeun abdi tina kalepatan nu teu kaciri!

14Sareng luputkeun tina dosa anu dihaja, sing ulah kacangking ku lampah kitu. Sangkan jadi jalma sampurna, bebas leupas tina dosa nu matak cilaka.

15Sakur ucap abdi katut usiking sanubari, sing matak kamanah ku Gusti nun PANGERAN, panyaluuhan sareng panebus abdi!

← Chapter 18 Jump to: Chapter 20 →

Recommended Reading

Commentary Psalms Commentaries → Devotional Psalms Devotional Guide → Get This Bible Sunda Study Bible →