bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
1 Corinthians 1
1 Corinthians 1
Sukuma 2019
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 2 →
1
Nene Paulo, ūyo nakitanwa kūbiza ntūng'wa wa ng'wa Kilisito Yesu, kūlwa būtogwa bo ng'wa Mulungu; na ndūgū wise Sostene.
2
Kū kanisa ya ng'wa Mulungu īyo īlī Kolinto, banhū abo beejiwa mulī Kilisito Yesu, bitanwa kūbiza beela; na a bose abo bakūlitanaga lina lya ng'wa Seeba wise Yesu Kilisito, ūyo alī Seeba wabo na wise.
3
Shigongo na mhola shibize hamò ning'we kūfuma kūlī Mulungu Sīswe, na kūlī Seeba wise Yesu Kilisito.
4
Nakūnūmbaga ū Mulungu wane gwa gwa gwa kūlwa nguno ying'we, kūlwa shigongo īsho wang'winha mulī Kilisito Yesu.
5
Nguno ū mulī we mulī na būsabi būtaale, ū mu kalūngalūngīle nū mu witegeleja bose,
6
gīt'ūmo būkaanīji bo ng'wa Kilisito bomalile koolechiwa mu bing'we.
7
Nguno mutī na būgehelwa mu shakwinhwa shose shose aho mutaalī mulīlindīīlile ī likanza lya koolechiwa kwa ng'wa Seeba wise Yesu Kilisito.
8
Nīyo h'ūyo akūmuhandatīja kūshisha kū būkalīkījo, mubize mutī na shilingo ū mu lūshikū lo ng'wa Seeba wise Yesu Kilisito.
9
Ū Mulungu ng'wene nsanyiwa, ūyo wang'witana a bing'we kwingīla mu būsangī wa Ng'wana wakwe Yesu Kilisito Seeba wise.
10
Bing'we badūgū bane, nalīng'wikūmbīlīja mu lina lya ng'wa Seeba wise Yesu Kilisito, gīkī mubize na widomanīja ū mu kalūngalūngīle. Yaya ū kūbiza na būgabanīki ū mu bing'we! Ni ībizage ho gwīnda ū mu maganiko ging'we nū mu kalomanīle king'we.
11
Nguno badūgū bane, ū nene naamanyiwe na banhū ba ha ng'wa Kuloe gīkī, būlīho wilemeelwa ū mu bing'we.
12
Ūyo nalīgūhaya gūlī gīkī, būlī ng'wene ū mu bing'we akūhayaga, ūyū gīkī, “Ū nene nalī o ng'wa Paulo,” na ūngī, “Ū nene nalī o ng'wa Apolo,” na ūngī hangī, “Nalī o ng'wa Kefa,” hama na ūngī hangī gīkī, “Ū nene nalī o ng'wa Kilisito!”
13
Bing'we, ū Kilisito wagabanīkile? Ū Paulo akakong'wa ha nsalaba kūlwa nguno ying'we? Nūūlū mukabatīījiwa mu lina lya ng'wa Paulo?
14
Nalī na būyegi nguno natamatīīgije nūūlū ūmò wing'we, ūlū atī Kilisipo na Gayo dūhū.
15
Hūna lūūlū munhū ose ose atīko kūhaya gīkī mukabatīījiwa mu lina lyane.
16
Na bangī abo nakababatīīja baalī ba mu kaya ya ng'wa Stefana; natamanile ūlū balīho na bangī ba kūkīla a ha benabo abo nababatīīja.
17
Nguno ū Kilisito atanitūmile ū nene kūja nūbatīīja, alīyo kūja nūlomeela Ng'hūlū Jawiza; nīyo hangī ītī mu mihayo ya masala sala, gūtizūsūūkīlījiwa ū nsalaba go ng'wa Kilisito.
18
Īkī ū mhayo gwa nsalaba gūlī gwa būchilū chilū ū kū banhū abo bajile mu kūyagala, alīyo ū kū bise abo tūlī bapījiwa, būlī būdūla bo ng'wa Mulungu.
19
Nguno yandīkilwe gīkī, “Nakūgakenaagūla a masala ga ba masala, nū witegeleja wa bitegeleja.”
20
Ali lūūlū, alī halī ū wa masala? Alī halī ū nangi? Alī halī ū ng'halalī ū mu shikū īji? Angū, ū Mulungu atagagalūkije a masala ga mu sī kūbiza būchilū chilū?
21
Nguno a ba mu sī balemeelilwe ū kūng'witegeleja na masala gabo ū Mulungu ū mu masala gakwe, īkī ū wei ū Mulungu gūkanyeja gwa kūbūtūmamīla ū būchilū chilū ūbo būkūlomeelagwa kūbapīja abo bakūzunyaga.
22
Alīyo a Bayudaya bagongile shimanīkījo, a Bayunani bachooji ba masala.
23
Gwike a bise tūkūnomeelaga Kilisito ūyo akakong'wa ha nsalaba, mhayo ūyo gūkūbipamyaga a Bayudaya, hama ū kū banhū ba mahanga gūlī gwa būchilū chilū.
24
Alīyo ū kū basolwa, ni babizage Bayudaya nūūlū Bayunani, ū Kilisito alī būdūla bo ng'wa Mulungu na masala ga ng'wa Mulungu.
25
Nguno ū būchilū chilū bo ng'wa Mulungu, būlī na masala kūtinda a masala ga banhū, nū būgokolo bo ng'wa Mulungu nabo būlī na nguzu kūtinda ī nguzu ja banhū.
26
A bing'we badūgū bane mumanile gīkī, aho mulitanwa baalī batī bingī ū mu bing'we a ba masala ga mu mīlī, na a ba būdūla baalī batī bingī, pye na a babo bigelile kūkūjiwa nabo baalī batī bingī.
27
Alīyo ū Mulungu abasolile a bachilū chilū ba mu sī, gīkī abadimye minala a ba masala, nī shikolo ī shigokolo ū mu sī nasho shilī shisolwa shakwe, gīkī ashidimye minala ī sha nguzu.
28
Na hangī ū Mulungu ashisolile ī shikolo sha mu sī ī shigokolo, nī shisho shidalahilwe, īsho shitīho; gīkī ashidimye minala īsho shilīho.
29
Ū mu gīko atūdūla kwilonga ose ose wa kwikumīlīja a ū kūlī Mulungu.
30
Hūna lūūlū a bing'we mulī bakwe ū mulī Kilisito Yesu, ūyo kūlwa nguno yise wītwa kūbiza masala ga kūfuma kūlī Mulungu, hamò na būtūngīlīja na wela na būkomooji;
31
Ībize gīt'ūmo gwandīkilwe gīkī, “Ū ng'wikumīlīja, ni ikumīlījage mulī Seeba.”
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 2 →
All chapters:
1
2
3
4
5
6
7
8
9
10
11
12
13
14
15
16