1 Thessalonians 2

Sukuma 2019

← Chapter 1 Jump to: Chapter 3 →

1Nguno a bing'we badūgū mumanile gīkī ū kwiza kwise ū kū bing'we kūtagelelile kūbiza kwa dalali.

2Mumanile gīkī aho twalī mu Filipi twalī na makoye no, na gīkī twasondagūlagwa kībi no. Alīyo nahene nūūlū īkī twalī mu makoye mingī, twalī na būshisha ng'holò kūfuma kūlī Mulungu wise; h'ī nguno yene tūkamulomeela ū mhayo gokwe.

3Nguno ū būganikīji wise būtī mu nyalemba lembi nūūlū mu būsoso, nūūlū mu nyasala sala.

4Alīyo īkī ū Mulungu akatūbona gīkī twigeleelilwe kwinhwa nīmo gwa kūlomeela Ng'hūlū Jawiza, h'ūmo tūkūhayīlaga. Ītī gītī bayeja ba banhū, alīyo ba kūnyeja Mulungu, ūyo akabonaga mung'holò jise.

5Nguno a bing'we mumanile gete, nīyo nū Mulungu nkaanīji wise, gīkī aho twalī kū bing'we tūtatūmamīlile mihayo ya kūlaalīkīja banhū, nūūlū tūtikūmbilwe shikolo shose shose mu mbisīla.

6Twalī tūtakoobaga ikūjo kūfuma kū banhū, ībize kūfuma kū bing'we nūūlū kū bangī.

7Na ng'hana twalī tūdūgije kūmubuna, nguno tūlī batūng'wa ba ng'wa Kilisito. Alīyo twalī bidohya ū kū bing'we gīt'ūmo neji akadīlīlaga baana bakwe.

8Hūna lūūlū īkī twalī tūmusaatilwe no no no gīko, tūkayega ū kūng'winha, ītī Ng'hūlū Jawiza ja ng'wa Mulungu dūhū, alīyo nū būpanga wise gete, īkī mukabiza batogwa bise.

9Nguno badūgū izūkagwi ūmo twatūmamīlaga, nū mumo twanogelaga; twatūmamaga līīmi na būjikū, gīkī tūtizūmuna nūūlū ūmò wing'we, ū ng'wikanza lya kūmulomeela ī Ng'hūlū Jawiza ja ng'wa Mulungu.

10A bing'we benekīlī mulī bakaanīji, nū Mulungu nkaanīji, gīkī ī shimīzīle yise ū kū bing'we a bazunya yalī ya banhū beela na batūngīlīja, abo batī na shilingo.

11Mumanile gīkī kū būlī ng'wene ū mu bing'we twalī gītī munhū na baana bakwe.

12Twamuganikīlaga na kūmutimbyang'holò na kūmuhūgūla, gīkī mushimīze gītī banhū abo bigeleelilwe koolecha ikūjo lya ng'wa Mulungu, ūyo wang'witana kwingīla ng'wikūjo na mu būtemi bokwe.

13Hūna lūūlū a bise nise tūtaalī ū koya ū kūnkumīlīja ū Mulungu. Nguno aho mukagwanukūla ū mhayo go ng'wa Mulungu ūyo mukagwigwa kūfuma kū bise, mutagwanukūlile gītī mhayo gwa banhū, alīyo mukagwanukūla gīt'ūmo gūlī ng'hana, mhayo go ng'wa Mulungu. Ū mhayo gwenūyo h'ūyo gūkūtūmamaga ū mu bing'we abo mulī bazunya.

14Nguno a bing'we badūgū yang'wilongelile īyo īkūbilongelaga ba mu kanisa ja ng'wa Mulungu, ījo jilī mulī Kilisito Yesu, ī ja mu sī ya Būyudaya. Nguno na a bing'we mukaluhiwa na banhū b'ihanga ling'we, mu mihayo gītī īyo bakūluhiagwa nabo ū ng'wihanga lya Bayudaya;

15abo bakamūlaga Seeba Yesu na bahangi, nīyo na a bise bakūjaga būtwayīga būlī kwene. Batī na gwa kūnyeja Mulungu, na hangī batī na būsangī na banhū bose.

16Batatogilwe tūje tūkūbalomeelaga a banhū ba mahanga, nguno batatogilwe bapījiwe. Bakūshishikīlījaga gwa ī shibi shabo; gwike nose ū būpelanu bo ng'wa Mulungu wabidīkīlile.

17Alīyo badūgū, a bise aho twalekanyiwa ning'we ikanza ido ū mu mīlī, ītī mu ng'holò, tūkabiza na ng'hūmbū ningī no ja kūmubona ū būshū wing'we.

18H'ī nguno yene tūkakooba no no no kwiza ūko mulī; nīyo ū nene Paulo ng'wenekīlī nakashisha ng'hangala ja kūshika ibīlī gīko nalīgema, alīyo ū Shetani akatūhangīja.

19Ū gīsī ūlū ītī bing'we, numho ū kwisagīlwa kwise kūkūfuma he hangī, nū būyegi wise nī ngikili ya kūyegela ū kū būtongi bo ng'wa Seeba wise Yesu ūlū ūshoka?

20Nguno a bing'we hū mul'ikūjo lise, na būyegi wise.

← Chapter 1 Jump to: Chapter 3 →