bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Shekhawati
/
Shekhawati
/
2 Corinthians 1
2 Corinthians 1
Shekhawati
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 2 →
1
आ चिठी परमेसर की इंछ्याऊँ म, मसी ईसु को भेजेड़ो चेलो पोलुस अर आपणो बिस्वासी भाई तिमूतियूस परमेसर की कुरन्थी नगरी की बिस्वासी मंडळी का मिनखानै अर अखाया का सगळा परमेसर का मिनखानै मांडां हां।
2
आपणा परम-पिता परमेसर अर परबु ईसु मसी की दया अर सुक-स्यांती थारै सगळा प बणी रेह्वै।
3
परमेसर जखो आपणा परबु ईसु मसी को परम-पिता ह, दया करबाळो अर अराम देबाळो परमेसर धने ह।
4
अर जद आपणा प कळेस आवै ह जणा बे आपानै हिमत बंधावै ह। जिऊँ आपा बी परमेसर की बि हिमत की बजेऊँ बा मिनखानै जखा कळेस म पड़्या हीं हिमत बंधा सकां।
5
क्युं क जंय्यां मसी जखी पिड़ा भोगी बिनै म्हें बी भोगां हां जिऊँ आपा मसी की बजेऊँ परमेसर की बि म्हान मददनै बी भोगां।
6
ज म्हें सताया जावां हां जणा बो थानै हिमत बंधाबा अर थारा छुटकारा ताँई होवै ह। थे राजी हो जणा म्हें बी राजी हां। अर थारो राजी रेह्बोई थानै हिमत क सागै बा कळेसानै भोगबा की ताकत देवै ह जखा कळेस म्हें भोगां हां।
7
म्हानै थार प पक्की आस ह क्युं क म्हें जाणा हां क जंय्यां थे म्हारा कळेस म म्हारा साती हो बंय्यांई बि अराम म बी साती हो जखो म्हानै मिलै ह।
8
क्युं क मेरा लाडला बिस्वास्यो, म्हें आ चावां हां क जखी पिड़ा म्हें एसिया म भोगी बिकै बारां म थे जाणो। बठै म्हें म्हारी सेवाऊँ बी बेत्ती पिड़ा भोगी। अठै ताँई क मरबा की बी नोबत आगी ही।
9
अर म्हें हिया म आ बी सोचली ही क म्हानै मोत की सजा होगी ह। जिऊँ म्हें खुद प भरोसो नइ कर परमेसर प भरोसो कर सकां जखो मरेड़ानै बी ओज्यु जीवावै ह।
10
अर बोई म्हानै बि दरदनाक मोतऊँ बचायो। अर इ टेम बी बोई म्हानै बचावै ह। क्युं क म्हें बिपैई आस लगा राखी ह इ ताँई आगै बी बोई म्हानै बचासी।
11
थे म्हारै ताँई अरदास कर म्हारी मदद करो हो। ओ बिकोई नतिजो ह क म्हानै खतराऊँ बचायो जावै ह। अर बोळानै परमेसर जखो म्हारै ताँई कर्यो ह बिकै बजेऊँ परमेसरनै धनेवाद देबा को मोको मिलै ह।
12
म्हानै गुमान ह क म्हें साप अन्तर-आत्माऊँ आ खे सकां हां, क म्हें इ दुनिया का मिनखा क सागै अर खासकर थारै सागै परमेसर की खराई अर ईमानदारीऊँ रिह्या हां। अंय्यां म्हें परमेसरऊँ मिलबाळी दयाऊँ कर्या हां, दुनियादारीऊँ मिलबाळी बुदीऊँ नइ।
13
म्हें थानै अंय्यां की कोई बात कोनी मांडर्या जखी नइ बाच सको अर नइ समज सको। म आस करूं हूँ क थे इ चिठी की सगळी बातानै सूल समज ज्यास्यो।
14
जंय्यां क थे म्हानै हाल क्युंक हदताई समजो हो। पण जद परबु ईसु क ओज्यु आबा का दिन थे सगळा म्हारै प गुमान करस्यो जंय्यां म्हें थार प करां हां।
15
अर इ भरोसा की बजेऊँई म थारै कनै दो बर आबा की मन म करी जिऊँ थानै दो बर आसिरबाद पाबा को मोको मिल सकै।
16
अर म सोचूँ हूँ क मकीदुनिया जाती टेम थारूँ मिलर जाऊँ अर मकीदुनियाऊँ ओटो आती टेम थारै कनै होतो आऊँ जिऊँ थे यहूदिआ नगरी का मेरा सफर ताँई मेरै सागै जुर्त की चिजा बांदो।
17
इ ताँई ज म आ बाता की इंछ्या करी ही जणा के म उपला मनऊँ करी ही? क म इ दुनिया का मिनखा की जंय्यां हूँ जखा एक टेम हाँ-हाँ अर नइ-नइ करीं हीं?
18
पण परमेसर बिस्वास जोगो ह, इ ताँई जखा बोल म्हें थानै बोल्या हा बे सचा हीं।
19
क्युं क परमेसर का बेटा ईसु मसी जिको परचार तिमूतियूस, सिलवानुस अर म कर्या हा बो हाँ-हाँ अर नइ-नइ म कोनी हो। पण ईसु मसी म बो हाँ म हो।
20
क्युं क ईसु मसी म परमेसर का सगळा करार, हाँ म हीं अर आपा बी इ बजेऊँ खेवां हां क अंय्यांई होवै अर ओ परमेसर की मेमा ताँई होवै ह।
21
बो परमेसरई ह जखो ईसु मसी की बजेऊँ थानै म्हानै सागै जो'ड़र पक्को कर्यो अर आपणो अभिसेक कर्यो ह।
22
बो आपकी छाप आपणा प लगाई ह, बो आपणा हिया म पबितर आत्मा दिनी ह। आ इ बात की जामनी ह क बो बे सगळा आसिरबाद आपानै देसी जानै देबा ताँई बो करार कर्यो ह।
23
परमेसर मेरो गुवा ह क म ओज्यु कुरन्थी नगरी म इ ताँई कोनी आयो क्युं क म थानै दिन घालबो कोनी चातो हो।
24
अर इको ओ मतबल कोनी क म्हें थारा मालिक हां जखा थानै खेवां क थारो बिस्वास कंय्यां को होवै। पण म्हें तो थारी खुसी ताँई थारै सागै काम करां हां, क्युं क थे बिस्वास म मजबूत हो।
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 2 →
All chapters:
1
2
3
4
5
6
7
8
9
10
11
12
13