2 John 1

Shekhawati

Jump to:

1म बिस्वासी मंडळी को मुखियो, आ चिठी बि लूगाईनै अर बिका टाबरानै मांडू हूँ। जिनै परमेसर टाळ्यो हो, अर बिका टाबराऊँ, म बाकै सचाई प चालबा की बजेऊँ परेम करूं हूँ। अर मई थारूँ परेम कोनी करूं पण बे सगळा जखा सचाईनै जाणगा हीं बे बी बाऊँ परेम करीं हीं।

2ओ बि सच की बजेऊँ होयो ह जखो आपणा म बास करै ह अर जखो सदाई आपणै सागै रेह्सी।

3परम-पिता परमेसर अर ईसु मसी की दया, किरपा अर स्यांती सचा परेम क सागै आपणा प होती रेह्‍वै।

4म, इ बातऊँ बोळो राजी हूँ क, थारा क्युंक टाबर सच प चालै ह जंय्यां क परम-पिता आपानै सच प चालबा ताँई हुकम दिओ हो।

5इ ताँई, ए स्याणी इब, म तनै कोई नयो आदेस कोनी मांडर्यो पण बोई हुकम ओडाऊँ हूँ जखो जुगाद म दिओ गयो हो। म चाऊँ हूँ क आपा सगळा बिस्वासी एक दुसराऊँ परेम राखां।

6परेम करबा को मतबल ओ ह क, आपा परमेसर का हुकमा प चालां। अर ओ बोई हुकम ह जखो आपानै जुगाद म दिआ गयो हो क आपानै परेम क सागै जीवन जिबो चाए।

7म आ बात इ ताँई बोलुँ हूँ, क्युं क इ दुनिया म बोळा भटकाबाळा मिनख हीं। अर जखो बी मिनख इ बातनै कोनी मानै क ईसु मसी इ धरती प मिनख काया को रूप लेर आयो, जणा बो छळ करबाळो ह अर मसी को बेरी ह।

8इ ताँई थे खुद समळर रेहज्यो जिऊँ थे बिनै जिकै ताँई म्हें बोळी मेनत कर्या हा गुमा नइ द्‍यो पण पूरो-पूरो इनाम पाओ।

9अर जखो मिनख मसी की सीखऊँ न्यारो चल्यो जावै ह बो परमेसर क कनै कोनी जा सकै। पण जखो मिनख बिकी सीखनै मानै ह बिकन परम-पिता अर बिको बेटो दोन्युई रेह्‍वै ह।

10अर ज कोई थानै मसी की सीख कोनी देवै जणा थे बि मिनखनै थारै घर म मना आबा द्‍यो अर नइ बिकी आवभगत करज्यो।

11क्युं क जखो मिनख बिकी आवभगत करै ह बो बिका बुरा करमा म सामिल होवै ह।

12थानै मांडबा ताँई तो मेरै कनै ओर बी बोळो क्युं ह, पण म बानै कागद प स्याईऊँ मांडबो कोनी चाऊँ। इकै बदलै म आ आस करूं हूँ क म थारै कनै आर आमै-सामै बतळाऊँ जिऊँ क आपा राजी होवां।

13तेरी बिस्वासी भाण का टाबर-टिकर, थानै राजी-खुसी का समचार बोल्या हीं जानै परमेसर टाळ्यो।

Jump to: