bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sylheti
/
Sylheti
/
Hebrews 8
Hebrews 8
Sylheti
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 9 →
1
আমরার বয়ানর মুল বেয়াপার অইলো, আমরার অউলা একজন পরধান ইমাম আছইন, যেইন বেহেস্তো আরশে-আজিমো আল্লার ডাইনর তখতো তশরিফ রাখছইন।
2
তাইন হউ আসল পাক জাগা, মানি বেহেস্তি এবাদত খানাত এবাদতি কররা, ই এবাদত খানা তো কুনু মানষর আতর বানাইল নায়, খালি মাবুদে নিজে বানাইছইন।
3
পশু কুরবানি আর লিল্লা-ছদগা আদায় করা অইলো পরতেক পরধান ইমামর দায়িত্ব, এরলাগি অউ পরধান ইমামর গেছেও কুরবানির জিনিস থাকতে অইবো।
4
তাইন যুদি অখন দুনিয়াত থাকতা তে ইমামতি করতা পারলা না অনে, কারন শরিয়তর হুকুম মাফিক কুরবানি দিবার ইমাম তো আছইনউ।
5
হি ইমাম অকলর কাম অইলো বেহেস্তি কামর নমুনা বা ছায়া, যেলা মুছায় হি এবাদত খানা বানানির সময় আল্লায় মুছারে হুশিয়ার করি কইলা, “দেখিও, অউ পাড়র উপরে তুমারে যেলা নকশা দেখাইলাম, এক্কেরে অউ লাখান করি হকলতা বানাইও।”
6
অইলে অখন আমরা দেখরাম, ইছায় ইমামতির যে দায়িত্ব পাইছইন, ইটা হি ইমাম অকল থাকি বউত ভালা, যেলা আল্লার লগে মানষর মিলনর আরো ভালা এক উছিলার লাগি তাইন জিম্মাদার অইছইন। ই উছিলা আগর উছিলা থাকি বউত ভালা; ই উছিলা তো বউত ভালা ভালা ওয়াদার উপরে কাইম অইছে।
7
আল্লার লগে আমরার মিলনর পয়লা উছিলা যুদি নিখুত অইতো, তে দুছরা উছিলা কাইমর কুনু জরুর আছিল না।
8
অইলে আল্লায় তারার দুষ দেখাইছইন, যেলা আছমানি কিতাবে কয়, মাবুদে কইরা, হুনো, অলা এক অখত আইবো, যেবলা আমি বনি ইছরাইল আর এহুদা গুষ্টির লাগি, আমার লগে মিলনর এক নয়া উছিলা কাইম করমু।
9
অউ নয়া উছিলা আগর হি উছিলার লাখান নায়, মিসর দেশ থাকি তারার ময়-মুরব্বি অকলরে, আজাদ করি আনার বালা যে উছিলা করছলাম। কারন তারা আমার উছিলার উপরে ঠিক রইছে না, এরলাগি আমিও তারার লগ ছাড়ি দিছি, ইখান মাবুদে কইরাম।
10
অইলে আমি মাবুদে এওখানও কইরাম, ই জমানার বাদে আমি বনি ইছরাইলর লগে, আমার নয়া অউ উছিলা কাইম করমু, আমার শরিয়ত তারার দিলর মাজে দিমু, তারার অন্তরর মাজে আমি লেখিয়া দিমু, আমি তারার আল্লা অইমু, তারা অইবা আমার প্রজা।
11
তারা হকলেউ তারার আরি-ফরিরে, যারযির ভাই-বিরাদররে ইলা তালিম দেওয়া লাগতো নায় বুলে, তুমরা আল্লারে চিনো। তারা হুরু-বড় হক্কলে এমনেউ তো আমারে চিনবা,
12
কারন আমি তারার হক্কল নাফরমানি মাফ করমু, তারার গুনারে আর কুনুদিনউ মনো রাখতাম নায়।
13
তে বুজা যায়, “নয়া উছিলা” কথা কইয়া তাইন পয়লা উছিলারে পুরান বানাইছইন, আর যেতা অচল-পুরান অইযায়, ইতা তো জলদি করি আরাইযায়।
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 9 →
All chapters:
1
2
3
4
5
6
7
8
9
10
11
12
13