bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Tulu
/
Tulu (ಪೊಸ ಒಡಂಬಡಿಕೆ)
/
2 Peter 1
2 Peter 1
Tulu (ಪೊಸ ಒಡಂಬಡಿಕೆ)
Jump to:
Chapter 1
Chapter 2
Chapter 3
Chapter 2 →
1
ಯೇಸು ಕ್ರಿಸ್ತನ ದಾಸೆಲಾ ಅಪೊಸ್ತಲೆಲಾ ಆದುಪ್ಪು ಸಿಮೆಯೋನು ಪೇತ್ರೆ, ನಮ ದೇವೆರೆನ ಬೊಕ್ಕ ರಕ್ಷಕೆ ಆದುಪ್ಪು ಯೇಸು ಕ್ರಿಸ್ತನ ನೀತಿಡ್ದ್ ನಂಕುಪ್ಪು ದಿಂಜ ಬಿಲೆತ ನಂಬಿಕೆದಾಕುಲೆಗ್ ಬರೆಪಿನಿ ದಾನೆಂದ್ಂಡ, ದೇವೆರೆನವುಲಾ ನಮ ಕರ್ತವೆ ಆದುಪ್ಪು ಯೇಸುನವುಲಾ ಗೇನೊಡ್ದು ನಿಕ್ಲೆಗ್ ದಯಲಾ ಸಮಾಧಾನಲಾ ಹೆಚ್ಚೆಚ್ಚಾದ್ ತಿಕ್ಕಡ್.
3
ತನ ಮೈಮೆಡ್ದ್ಲಾ ಸದ್ಗುಣೊಡ್ದ್ಲಾ ನಮನ್ ಲೆಯ್ದಿನ ದೇವೆರೆನ್ ತೆರಿಯೊಂದಿನಾಕುಲೆಗ್ ತನ ದಿವ್ಯ ಬಲೊಡ್ದು ಭಕ್ತಿದ ಜೀವನ ಮಲ್ಪೆರೆ ಬೋಡಾಪಿನ ಮಾತೆನ್ಲಾ ಒದಗಾದ್ ಕೊರ್ತೆ.
4
ಉಂದತ್ತಂದೆ ದುರಾಶೆಲೆಡ್ದ್ ಲೋಕೊಡು ಉಂಡಾಯಿ ನಾಶನೊಗು ನಮ ತಪ್ಪಾವೊನಾಕುಲಾದ್, ದೇವಸ್ವಭಾವೊಡು ಪಾಲ್ದಾರೆರಾಪಿಲೆಕ್ಕ, ದೇವೆರ್ ನಂಕ್ ವಿಶೇಷವಾಯಿನ ಬೊಕ್ಕ ಬಿಲೆ ಇತ್ತಿನ ವಾಗ್ದಾನೊಲೆನ್ ಕೊರ್ತೆ.
5
ಈ ಕಾರಣೊಡ್ದಾದ್ ದೇವೆರೆ ವಾಗ್ದಾನೊಲೆಗ್ ಸರಿಯಾದ್ ಬದ್ಕ್ಲೆ. ನಿಕ್ಲೆ ನಂಬಿಕೆಗ್ ಸದ್ಗುಣೊನು, ಸದ್ಗುಣೊಗು ಗೇನೊನು,
6
ಗೇನೊಗು ದಮೆನ್, ದಮೆಕ್, ತಾಳ್ಮೆನ್, ತಾಳ್ಮೆಗ್ ದೇವಭಕ್ತಿನ್,
7
ದೇವಭಕ್ತಿಗ್ ಸಹೋದ್ರ-ಪ್ರೀತಿನ್, ಸಹೋದ್ರ-ಪ್ರೀತಿಗ್ ಪೂರ್ತಿ ಪ್ರೀತಿನ್ ತೋಜಾಲೆ.
8
ಇಂಚಿತ್ತಿ ಗುಣೊಕುಲು ನಿಕ್ಲೆಡ ಇತ್ತ್ದ್ ಹೆಚ್ಚಾವೊಂದು ಬತ್ತ್ಂಡ ಎಂಕುಲೆ ಕರ್ತವೆ ಆದುಪ್ಪು ಯೇಸು ಕ್ರಿಸ್ತನ ಗೇನ ನಿಕ್ಲೆನ್ ಉದಾಸೀನದಾಕುಲುಲಾ ಫಲದಾಂತಿನಾಕುಲುಲಾ ಆವಂದಿಲೆಕ್ಕ ಮಲ್ಪುಂಡು.
9
ಏರೆಡ ಈ ಗುಣೊಕುಲು ಇಜ್ಜಾ, ಅಕುಲು ಕುರುಡೆರ್ಲಾ ಮಂದದೃಷ್ಟಿದಾಕುಲುಲಾ ಆದುಲ್ಲೆರ್. ತನ್ಕುಲೆ ಪಿರವುದ ಪಾಪೊಲೆಡ್ದ್ ದೆಕ್ಕ್ದ್ ಶುದ್ಧ ಆತೆರ್ ಇನ್ಪಿನೆನ್ ಮದತ್ದ್ ಬುಡ್ತೆರ್.
10
ಅಂಚಾದ್ ಪ್ರೀತಿದ ಸಹೋದ್ರ ಸಹೋದ್ರಿಲೆ, ದೇವೆರೆ ಲೆಪ್ಪುನ್ಲಾ ಅಜತೊಂಡಿನೆನ್ಲಾ ದೃಢ ಮಲ್ಪೆರೆ ಹೆಚ್ಚಾದ್ ಪ್ರಯಾಸ ಮಲ್ಪುಲೆ. ಈ ಸಂಗತಿಲೆನ್ ನಿಕುಲು ಮಲ್ತೊಂದಿತ್ತರ್ಡ ನಂಬಿಕೆಡ್ ಬೂರ್ದು ಪೋಪುಜರ್.
11
ಬೊಕ್ಕ ಎಂಕುಲೆ ಕರ್ತವೆಲಾ ರಕ್ಷಕೆಲಾ ಆದುಪ್ಪು ಯೇಸು ಕ್ರಿಸ್ತ ನಿತ್ಯರಾಜ್ಯೊಗು ಅಡ್ಡಿದಾಂತೆ ಸೇರಿಯೆರೆ ಮಾರ್ಗ ಆವು.
12
ನಿಕುಲು ಈ ಸಂಗತಿಲೆನ್ ತೆರಿದಿತ್ತರ್ಡಲಾ, ನಿಕ್ಲೆಗ್ ಕಲ್ಪಾದಿನ ಸತ್ಯೊಡು ದೃಢಾದ್ ಉಂತುದಿತ್ತರ್ಡಲಾ ಉಂದೆತ್ತ ಸಂಗತಿಡ್ ಯಾನ್ ಏಪಲಾ ನಿಕ್ಲೆಗ್ ನೆನೆಪು ಪುಟ್ಟಾವೆ.
13
ಅಂಚಾಯಿನೆಡ್ದ್ ಯಾನ್ ಎನ ಶರೀರ ಇನ್ಪಿ ಗುಡಾರೊಡು ಉಪ್ಪುನ ಮುಟ್ಟ ನಿಕ್ಲೆಗ್ ಅಪಗಪಗ ನೆನೆಪು ಪುಟ್ಟಾವುನವು ಯೋಗ್ಯ ಅಂದ್ದ್ ಎನ್ನುವೆ.
14
ದಾಯೆಗಂದ್ಂಡ, ಯಾನ್ ಈ ಶರೀರ ಇನ್ಪಿ ಗುಡಾರೊನು ಬೇಗೊಡೆ ಬುಡೊಡು ಅಂದ್ದ್ ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತೆ ಎಂಕ್ ತೋಜಾದೆ.
15
ಅಂಚಾದ್ ಯಾನ್ ಲೋಕೊನು ಬುಡ್ದು ಪೋಯಿ ಬೊಕ್ಕಲಾ ನಿಕುಲು ಈ ಸಂಗತಿಲೆನ್ ಏಪಲಾ ನೆನೆಪುಡು ದೀವೊಡು ಅಂದ್ದ್ ಯಾನ್ ಪ್ರಯಾಸ ಮಲ್ಪುವೆ.
16
ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತ ಬಲೊನ್ಲಾ ಕುಡೊರ ಈ ಲೋಕೊಗು ಬರ್ಪಿನೆನ್ಲಾ ಎಂಕುಲು ನಿಕ್ಲೆಗ್ ತೆರಿಪಾನಗ ಕಲ್ಪನೆದ ಕತೆಕ್ಲೆನ್ ಪಂಡಿನತ್ತ್. ಆಂಡ ಆಯನ ಮೈಮೆನ್ ಕಣ್ಣಾರೆ ತೂಯಿನಾಕುಲಾದ್ ತೆರಿಪಾಯ.
17
“ಇಂಬೆ ಎನ ಪ್ರೀತಿದ ಮಗೆ, ಆಯಡ ಎಂಕ್ ಮೆಚ್ಚಿಗೆ ಉಂಡು,” ಇನ್ಪಿ ಘನಸ್ತಿಕೆ ಇತ್ತಿ ಮೈಮೆದ ಸ್ವರ ಆಯಗ್ ಆನಗ, ಅಮ್ಮೆ ಆದುಪ್ಪು ದೇವೆರೆಡ್ದ್ ಮಾನ ಮೈಮೆನ್ ಪಡೆಯೆ.
18
ಎಂಕುಲು ಆಯಡೊಪ್ಪ ಪರಿಶುದ್ಧ ಪರ್ವತೊಡು ಉಪ್ಪುನಗ ಪರಲೋಕೊಡ್ದು ಆದುಪ್ಪುನ ಆ ಸ್ವರೊನು ಕೇಂಡ.
19
ಉಂದತ್ತಂದೆ ಮಸ್ತ್ ದೃಢ ಉಪ್ಪು ಪ್ರವಾದನೆದ ಪಾತೆರ ಎಂಕ್ಲೆಡ ಉಂಡು. ಪುಲ್ಯ ಆನಗ ಬೊಕ್ಕ ಪುಲ್ಯಕಾಂಡೆದ ಬೊಳ್ಳಿ ನಿಕ್ಲೆನ ಉಡಲ್ಡ್ ಮೂಡುನಗ ಅವೆನ್ ನಿಕುಲು ಕತ್ತಲೆದ ಜಾಗ್ಡ್ ಅರ್ಲುನ ತುಡರಂದ್ದ್ ಎನ್ನೊಂದು ಐಕ್ ಲಕ್ಷ್ಯ ಕೊರಿಯರ್ಡ ಎಡ್ಡೆ ಮಲ್ಪುವರ್.
20
ಮಾತ್ರತ್ತಂದೆ ಶಾಸ್ತ್ರೊಡು ಬರೆತಿ ವಾ ಪ್ರವಾದನೆಲಾ ಏಪೊಗ್ಲಾ ಪ್ರವಾದಿಲೆ ಸ್ವಂತ ಬುದ್ಧಿಡ್ದ್ ಬುಡ್ಪಾದ್ ಪನ್ಪಿನಿ ಅತ್ತ್ ಇನ್ಪಿನೆನ್ ನಿಕುಲು ಸುರುಟ್ಟು ತೆರಿಯೊನೊಡು.
21
ದಾಯೆಗಂದ್ಂಡ, ವಾ ಪ್ರವಾದನೆದ ಪಾತೆರಲಾ ನರಮಾನಿಲೆ ಚಿತ್ತೊಡ್ದು ಉಂಡಾಯಿನವು ಅತ್ತ್, ನರಮಾನಿಲೆನ್ ಪರಿಶುದ್ಧಾತ್ಮೆ ನಡಪುಡಿನೆಡ್ದ್ ಅಕುಲು ದೇವೆರೆಡ್ದ್ ಪಡೆಯೊಂಡಿನೆನ್ ಪಾತೆರ್ವೆರ್.
Jump to:
Chapter 1
Chapter 2
Chapter 3
Chapter 2 →
All chapters:
1
2
3
Recommended Reading
Commentary
2 Peter Commentaries
→
Devotional
2 Peter Devotional Guide
→
Get This Bible
Tulu (ಪೊಸ ಒಡಂಬಡಿಕೆ) Study Bible
→