bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Tulu
/
Tulu (ಪೊಸ ಒಡಂಬಡಿಕೆ)
/
Ephesians 5
Ephesians 5
Tulu (ಪೊಸ ಒಡಂಬಡಿಕೆ)
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 6 →
1
ನಿಕುಲು ದೇವೆರೆನ ಪ್ರೀತಿದ ಜೋಕುಲು ಆದುಪ್ಪುನೆಡ್ದ್ ದೇವೆರೆಗ್ ಸರಿಯಾದ್ ನಡತೊನ್ಲೆ.
2
ಕ್ರಿಸ್ತೆ ನಮನ್ ಪ್ರೀತಿ ಮಲ್ತ್ದ್ ನಂಕ್ ಬೋಡಾದ್ ಕಮ್ಮೆನ ಇತ್ತಿ ಕಾಣಿಕೆ ಆದ್ಲಾ ಬಲಿ ಆದ್ಲಾ ದೇವೆರೆಗ್ ಒಚ್ಚಿದ್ ಕೊರಿಯೆ ಅತ್ತಾ. ಅಂಚೆನೇ ನಿಕುಲುಲಾ ಪ್ರೀತಿಡ್ ನಡತೊನ್ಲೆ.
3
ಹಾದ್ರತನ, ನೀಚತನ, ಲೋಭಿತನ ಇಂಚಿತ್ತಿನವು ನಿಕ್ಲೆ ನಡುಟು ಉಪ್ಪೆರೆ ಬಲ್ಲಿ. ದಾಯೆಗಂದ್ಂಡ ಉಂದು ಪೂರ ದೇವಜನೊಕುಲೆಗ್ ಯೋಗ್ಯದವು ಅತ್ತ್,
4
ಕುರ್ತೆಲ್ ಪಾತೆರೊಲು, ಹೆಡ್ಡ್ತನದ ಪಾತೆರೊಲು, ತಮಾಸೆದ ಪಾತೆರೊಲು, ಉಂದು ಪೂರ ದೇವಜನೊಕುಲೆಗ್ ತಕ್ಕದವು ಅತ್ತ್. ಉಂದೆತ್ತ ಪಗತೆಗ್ ದೇವೆರೆಗ್ ಉಪಕಾರ ಸ್ತುತಿ ಮಲ್ಪುನವೇ ಎಡ್ಡೆ ಆದುಂಡು.
5
ವಾ ಹಾದ್ರದಾಯಗಾವಡ್, ಅಶುದ್ಧದಾಯಗಾವಡ್, ಮೂರ್ತಿಪೂಜೆಗ್ ಸಮ ಆದುಪ್ಪು ಲೋಭಿಲೆಗಾವಡ್, ಮೊಕ್ಲೆಗ್ ಮಾತೆರೆಗ್ಲಾ ಕ್ರಿಸ್ತನ ಬೊಕ್ಕ ದೇವೆರೆ ರಾಜ್ಯೊಡು ಪಾಲ್ದಾರೆರ್ ಆಯೆರೆ ಸಾದ್ಯೆನೇ ಇಜ್ಜಿ ಅಂದ್ದ್ ನಿಕ್ಲೆಗ್ ತೆರಿದುಂಡು ಅತ್ತಾ?
6
ಪ್ರಯೋಜನಗ್ ಬರಂದಿ ಪಾತೆರೊಲೆಡ್ದ್ ಮೋಸೊಗು ಬೂರಡೆ. ದಾಯೆಗಂದ್ಂಡ ಇಂಚಿತ್ತಿ ಕಾರ್ಯೊಲೆಡ್ದ್ ದೇವೆರೆ ಕೋಪ ಪಾತೆರ ಕೇನಂದಿನಾಕುಲೆ ಮಿತ್ತ್ ಬರು.
7
ಅಂಚಾದ್ ಅಕ್ಲೆ ಒಟ್ಟುಗು ಕೂಡೊಡ್ಚಿ.
8
ನಿಕುಲು ದುಂಬು ಕತ್ತಲೆಡಿತ್ತರ್, ಆಂಡ ಇತ್ತೆ ನಿಕುಲು ಕರ್ತವಡ್ ಬೊಲ್ಪು ಆದುಲ್ಲರ್. ಬೊಲ್ಪುಡು ಉಪ್ಪುನಾಕುಲಾದ್ ನಡತೊನ್ಲೆ.
9
ದಾಯೆಗಂದ್ಂಡ ನಿಕ್ಲೆ ಉಲಯಿಡುಪ್ಪುನ ಈ ಬೊಲ್ಪು ಎಡ್ಡೆಂತಿನೆನ್ಲಾ ನೀತಿನ್ಲಾ, ಸತ್ಯೊನ್ಲಾ ಮಾತ್ರ ಉಂಡು ಮಲ್ಪುಂಡು.
10
ಕರ್ತವಗ್ ಮೆಚ್ಚಿಗೆ ಇತ್ತಿನವು ಒವ್ವು ಅಂದ್ದ್ ಕಲ್ತೊನ್ಲೆ.
11
ಕತ್ತಲೆಗ್ ಸಮ್ಮಂಧವಾಯಿನ ವಾ ಬೇಲೆಲಾ, ಪ್ರಯೋಜನೊಗು ಬರ್ಪುಜಿ. ಐಟ್ಟ್ ಪಾಲ್ದಾರೆರ್ ಆದುಪ್ಪಂದೆ ಅವೆನ್ ಎದುರು ಕನತ್ದ್ ಕಂಡಿಸಾಲೆ.
12
ದಾಯೆಗಂದ್ಂಡ ಆ ಜನೊಕುಲು ದೆಂಗ್ದ್ ಮಲ್ಪುನ ಕಾರ್ಯೊಲೆ ಬಗೆಟ್ ಪಾತೆರುನವು ನಾಚಿಗೆ ಆದುಂಡು.
13
ಆಂಡ ಬೊಲ್ಪುಡು ಮಾತ ಕಾರ್ಯದ ನಿಜ ಗುಣ ತೋಜಿದ್ ಬರ್ಪುಂಡು. ಐಡ್ದಾವರ ಪಡಿಕೆಂತಿನವು ಪಡಿಕೆಂತಿನವೇ ಅಂದ್ದ್ ತೋಜಿದ್ ಬರ್ಪುಂಡು.
14
ಆ ಬೊಲ್ಪುಗು ಬರ್ಪಿನವು ಮಾತಲಾ ತೋಜುಂಡು. ಐಡ್ದಾವರ, “ನಿದ್ರೆ ಮಲ್ಪುನಾಯ ಎಚ್ಚರಿಕೆ ಆಲ, ಸೈತಿನಾಕುಲೆಡ್ದ್ ಲಕ್ಕ್ಲ, ಕ್ರಿಸ್ತೆ ನಿಕ್ಕ್ ಬೊಲ್ಪು ಕೊರ್ಪೆ,” ಅಂದ್ದ್ ಪನ್ತ್ಂಡತ್ತಾ.
15
ಅಂಚಾದ್ ನಿಕುಲು ಬದುಕುನ ರೀತಿನ್ ಜೋಕೆಡ್ ತೂವೊನ್ಲೆ. ಬುದ್ಧಿದಾಂತಿನಾಕುಲು ಆವಂದೆ ಬುದ್ಧಿ ಇತ್ತಿನಾಕುಲಾದುಪ್ಪುಲೆ.
16
ದಾಯೆಗಂದ್ಂಡ ಆ ದಿನೊಕುಲು ಪಡ್ಕೆಂತಿನವು, ಅಂಚಾದ್ ತಿಕ್ಕುನ ಪ್ರತಿಯೊಂಜಿ ಗಳಿಗೆನ್ಲಾ ಎಡ್ಡೆ ರೀತಿಡ್ ಉಪಯೋಗ ಮಲ್ತೊನ್ಲೆ.
17
ಬುದ್ಧಿಕೆಟ್ಟಿನಾಕುಲು ಆದುಪ್ಪಂದೆ, ಕರ್ತವ ಚಿತ್ತ ಎಂಚಿನ ಅಂದ್ದ್ ತೆರಿಯೊಂದು ಐಕ್ ಸರಿಯಾದ್ ನಡಪುಲೆ.
18
ಗಂಗಸರ ಪರ್ದ್ ಅಮಲ್ ಆವೊಡ್ಚಿ. ದಾಯೆಗಂದ್ಂಡ ಅವು ಪಟಿಂಗತನೊನು ಪುಟ್ಟಾವುಂಡು. ಆಂಡ ಪರಿಶುದ್ಧಾತ್ಮಡ್ ದಿಂಜಿದಿನಾಕುಲಾದ್ ಕೀರ್ತನೆ, ರಾಗ, ಆತ್ಮಭಾವದ ಪದ ಮಲ್ತೊಂದು, ಒರಿಯಡೊರಿ ಪಾತೆರೊಂದು, ನಿಕ್ಲೆ ಉಡಲ್ಡ್ ಕರ್ತವಗ್ ರಾಗ ಮಲ್ತೊಂದು ಪುಗರೊಂದುಪ್ಪುಲೆ.
20
ಬೊಕ್ಕ ಮಾತೆಟ್ಲಾ ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತ ಪುದರ್ಡ್ ಅಮ್ಮೆ ಆದುಪ್ಪು ದೇವೆರೆಗ್ ಉಪಕಾರ ಸ್ತುತಿ ಪನೊಂದುಪ್ಪುಲೆ.
21
ಒರಿಯಗ್ ಒರಿ ತಗ್ಗೊಂದು, ಕ್ರಿಸ್ತಗ್ ಪೋಡಿಯೊಂದುಪ್ಪುಲೆ.
22
ಬೊಡೆದಿಯಾಡ್ಲೇ, ಕರ್ತವಗ್ ವಶ ಆದುಪ್ಪುಲೆಕ್ಕ ನಿಕ್ಲೆ ಕಂಡನಿಯಾಡ್ಲೆಗ್ ವಶ ಆದುಪ್ಪುಲೆ.
23
ದಾಯೆಗಂದ್ಂಡ ಕ್ರಿಸ್ತೆ ಸಭೆಕ್ ತರೆ ಆದಿತ್ತಿಲೆಕ್ಕನೇ ಕಂಡನಿ ತನ ಬೊಡೆದಿಗ್ ತರೆ ಆದುಲ್ಲೆ. ಕ್ರಿಸ್ತೆ ತನ ಶರೀರ ಆದುಪ್ಪು ಸಭೆಕ್ ರಕ್ಷಕೆ ಆದುಲ್ಲೆ.
24
ಸಭೆ ಕ್ರಿಸ್ತಗ್ ಎಂಚ ವಶ ಆದುಪ್ಪುಂಡ ಅಂಚೆನೇ ನಿಕುಲು ಬೊಡೆದಿಯಾಡ್ಲು ಮಾತೆಟ್ಲಾ ನಿಕ್ಲೆ ಕಂಡನಿಯಾಡ್ಲೆಗ್ ವಶ ಆದುಪ್ಪುಲೆ.
25
ಕಂಡನಿಯಾಡ್ಲೇ, ಕ್ರಿಸ್ತೆ ಸಭೆನ್ ಎಂಚ ಪ್ರೀತಿ ಮಲ್ತ್ದ್ ಜೀವ ಕೊರ್ದಿತ್ತೆನಾ ಅಂಚೆನೇ ಕಂಡನಿಯಾಡ್ಲು ಬೊಡೆದಿಯಾಡ್ಲೆನ್ ಪ್ರೀತಿ ಮಲ್ಪುಲೆ.
26
ಕ್ರಿಸ್ತೆ ಸಭೆನ್ ನೀರ್ಡ್ದ್ ದೆಕ್ಕಿಲೆಕ್ಕ ಪಾತೆರೊಡ್ದು ಶುದ್ಧ ಮಲ್ತ್ದ್ ಅರ್ಪಣೆ ಮಲ್ತೆ.
27
ಅವೆನ್ ಕಲಂಕ್, ನೆರಿ ಇಂಚಿತ್ತಿ ಒವುಲಾ ಇಜ್ಜಂದೆ, ಪರಿಶುದ್ಧೆರ್ಲಾ ದೋಷದಾಂತಿನಾಕುಲುಲಾ ಮೈಮೆದವುಲಾ ಇತ್ತಿ ಸಭೆತ ಲೆಕ್ಕನೇ ತನ್ಕಾದ್ ಅರ್ಪಣೆ ಮಲ್ತೆ.
28
ಅವ್ವೇ ರೀತಿಡ್ ಕಂಡನಿ ತನ ಬೊಡೆದಿನ್ ತನ ಶರೀರ ಅಂದ್ದ್ ಪ್ರೀತಿ ಮಲ್ಪಡ್. ತನ ಬೊಡೆದಿನ್ ಪ್ರೀತಿ ಮಲ್ಪುನಾಯೆ ತನನ್ ತಾನೇ ಪ್ರೀತಿ ಮಲ್ತೊನುಲೆಕ್ಕ ಆಪುಂಡು.
29
ಏರ್ಲಾ ತನ ಸ್ವಂತ ಶರೀರೊನು ಪಗೆ ಮಲ್ಪುಜೆ, ಪ್ರತೀ ಒರಿಲಾ ತನ ಶರೀರೊನು ತಾಂಕ್ದ್ ಜೋಕೆ ಮಲ್ಪುವೆ. ನಮಲಾ ಕ್ರಿಸ್ತನ ಶರೀರದ ಅಂಗೊಲು ಆದುಲ್ಲ. ಅಂಚೆನೇ ಕ್ರಿಸ್ತೆ ಸಭೆನ್ ತಾಂಕ್ದ್ ಜೋಕೆ ಮಲ್ಪುವೆ.
31
ಉಂದೆಡ್ದಾದ್, “ಒರಿ ಅಂಜೊವು ತನ ಅಪ್ಪೆಅಮ್ಮಾಡ್ಲೆನ್ ಬುಡ್ದು ತನ ಬೊಡೆದಿನ್ ಸೇರೊನ್ವೆ. ಅಕುಲು ಇರ್ವೆರ್ಲಾ ಒಂಜೇ ಶರೀರ ಆಪೆರ್,” ಅಂದ್ದ್ ಶಾಸ್ತ್ರೊಡ್ಲಾ ಪನ್ಪುಂಡು.
32
ಯಾನ್ ಕ್ರಿಸ್ತಗ್ಲಾ ಸಭೆಕ್ಲಾ ಇತ್ತಿನ ಸಮ್ಮಂಧದ ಬಗೆಟ್ ಪಾತೆರೊಂದುಲ್ಲೆ. ಉಂದು ಇನಿ ಮುಟ್ಟ ಬಾರೀ ಗುಟ್ಟುಡು ಇತ್ತಿನ ಗಂಭೀರ ಆದಿತ್ತಿನ ಸತ್ಯಾರ್ಥ ಆದುಂಡು.
33
ಅಂಚಾದ್ ನಿಕ್ಲೆಡ್ ಪ್ರತೀ ಕಂಡನಿ, ಬೊಡೆದಿನ್ ತನಲೆಕ್ಕನೇ ಪ್ರೀತಿ ಮಲ್ಪಡ್. ಅಂಚೆನೇ ಬೊಡೆದಿ ಕಂಡನಿಗ್ ಮರ್ಯಾದಿ ಕೊರಡ್.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 6 →
All chapters:
1
2
3
4
5
6