1 Corinthians 8

Turkmen 2002 Инжил

← Chapter 7 Jump to: Chapter 9 →

1Бутлара берилйән гурбанлар хакда хеммәмизиң билимимизиң барлыгыны билйәрис. Билим текепбир эдйәндир, йөне сөйги абатлаяндыр.

2Ким бир зады билйәндирин өйдйән болса, онда ол энтек билмелиси ялы билйән дәлдир.

3Йөне ким Худайы сөййән болса, Худай хем оны танаяндыр.

4Бутлара берлен гурбанларың этинден ийилмеги барада болса, бутуң дүнйәде хичдигини, бир Худайдан башга худайың ёкдугыны билйәрис.

5Чүнки Ерде болсун, Гөкде болсун, «таңры» дийилйәнлер нәче болса-да, энчеме «таңрыларың» ве энчеме «реблериң» болшы ялы,

6бизиң бир Ата Худайымыз бардыр. Хемме зат Ондандыр, биз Онуң үчин яшаяндырыс ве бир Реббимиз Иса Месих бардыр, хемме зат Ол аркалы боландыр, биз Ол аркалы яшаяндырыс.

7Эмма хеммелерде бу билим ёк, кәбирлери бутуң пикиринде болуп, эти энтек-де бута берлен гурбан ялы иййәр. Онсоң эҗизликлери зерарлы, оларың ынсабы тегмилтли боляр.

8Дамак бизи Худая якын эдйән дәлдир. Иймесек-де кемлигимиз болмаз, ийсек-де артыкмачлыгымыз болмаз.

9Эмма велин бу азатлыгыңызың эҗизлериң бүдремегине себәп болаймагындан хабардар болуң.

10Чүнки бири билимли болан сениң бутханада сачак башында отураныңы гөрсе, эҗизлиги зерарлы, онуң ынсабы бутлара берлен гурбанлардан иймәге мейилленмезми?

11Онсоң сениң билимиң зерарлы, бу эҗиз доган хеләк болар, Месих болса онуң угрунда өлди.

12Шейлеликде, сиз доганларыңыза гаршы гүнә эдип, оларың эҗиз ынсапларыны яраламак билен, Месихе гаршы гүнә эдйәрсиңиз.

13Шонуң үчин, дамак доганымың бүдремегине себәп болян болса, онда мен доганымы бүдретмез ялы, асла эт иймерин.

← Chapter 7 Jump to: Chapter 9 →