1 John 1

Tswana 1890 (Bibela ea Boitsépho 1890 (Sechuana Tlhaping - Moffatt Bible))

Jump to: Chapter 2 →

1SE se le se le mo tsimologoñ, se re se utluileñ, se re se bonyeñ ka maitlo a rona, se re se lebileñ, le se atla tsa rona li se amileñ, sa Lehuku ya botselo;

2(Gone botselo bo bonatsegile, mi re bo bonye, mi rea shupa, mi re lo bulelela botselo youo yo bo sa khutleñ, yo bo le bo na le Rra, mi bo bonatsicoe go rona;)

3Se re se bonyeñ, ra se utlua, rea se lo itsise, gore le lona lo abalane le rona; mi rure kabalano ea rona e le e na le Rra, le Yesu Keresete Moroa ona.

4Mi lilo tse rea li lo kualela, gore boitumelo yoa lona bo tlale.

5Taeco e ki eona e re e utluileñ mo go ena, le go e lo itsise, ha Morimo e le leseri, mi go si na lehihi lepe mo go ona.

6Ha re re, re na le kabalano le ona, mi re tsamaea mo hihiñ, rea aka, mi ga re rihe boamarure;

7Mi ha re tsamaea mo leseriñ, yaka o le mo leseriñ, yalo re na le kabalano moñue le moñue, mi mari a ga Yesu Keresete, Moroa ona, a re itsephisa mo libeñ cotle.

8Ha re re, ga re na boleo, rea itsietsa, mi boamarure ga boeo mo go rona.

9Ha re ipobola libe tsa rona, o boikanyo le tsiamo ea go icuarela libe tsa rona, le go re itsephisa mo tsiamololoñ cotle.

10Ha re re, ga rea leoha, re o riha moaki, mi lehuku ya ona ga leeo mo go rona.

Jump to: Chapter 2 →