Exodus 11

Tswana 1890 (Bibela ea Boitsépho 1890 (Sechuana Tlhaping - Moffatt Bible))

← Chapter 10 Jump to: Chapter 12 →

1MI Yehova a bo a buile le Moshe, Ki tla hela ki lere peco eñue go Faroe le mo Egepeto; mi o tla lo lesa go ea morago ga mouo: etlare mogañ o lo lesa go ea, o tla lo lelekela rure go coa mono.

2Bua mo tsebeñ tsa bathu, gore monona moñue le moñue a arime moñ ka ena, le mosari moñue le moñue a arime moñ ka ena, lilo tsa selevera, le lilo tsa gouda.

3Mi Yehova a nela bathu tsalano mo maitloñ a Baegepeto: Le gona monona Moshe o la le mogolu bogolu mo hatsiñ ya Egepeto ha pele ga maitlo a batlañka ba ga Faroe, le ha pele ga maitlo a bathu.

4¶ Mi Moshe a re, Go buile yalo Yehova, Ki tla coela gare ga Egepeto e kane e le gare ga bosigo:

5Mi ba burure botle ba hatsi ya Egepeto ba tla shua, go simolola ka oa burure oa ga Faroe eo o rutseñ mo teroneñ ea gague, le kua go oa burure oa lelata ye le kua morago ga loloala; le tsa maitibolo cotle tsa likhomu.

6Mi go tla na khoo e kholu mo hatsiñ yeotle ya Egepeto, e e siñ e ke e rihahale, le e e si kitlañ e tlola e na.

7Mi ga go kitla go na enca epe e e tla lelenyañ leme loa eona mo baneñ botle ba Yeserele, go simolola ka bathu go ea likhomuñ: gore lo itse ha Yehova a lomologanya gare ga Baegepeto le Boyeserela.

8Mi batlañka ba gago botle ba, ba tla hologela go ’na, ba ikobela go ’na, ba re, Coañ, uena le bathu botle ba ba gu salañ morago: mi ki tla coa morago ga mouo. Mi a coa go Faroe ka bogale yo bo tukañ.

9¶ Mi Yehova o la a bua le Moshe, Faroe ga a kitla a lo retsa; gore khakhamaco tsa me li intsiharioe mo hatsiñ ya Egepeto.

10Mi Moshe le Arone ba le ba riha likhakhamaco tse cotle ha pele ga Faroe: mi Yehova a thatahatsa pelu ea ga Faroe; gore a si lese bana ba Yeserele go coa mo hatsiñ ya gague.

← Chapter 10 Jump to: Chapter 12 →