Philemon 1

Tswana 1890 (Bibela ea Boitsépho 1890 (Sechuana Tlhaping - Moffatt Bible))

Jump to:

1PAULO, mogolegoi oa ga Yesu Keresete, le Timoteo, mokauleñue, go Filemone, moratoi le moriheri le rona.

2Le go Apefia moratoi, le Arekipo motlabani ka rona, le go ekelesia e e mo tluñ ea gago:

3Tsegahaco e ne le lona, le kagisho e e coañ Morimoñ Rra ecu, le Yesu Keresete Morena.

4Ki itumelela Morimo oa me, ki gu gopola ka gale mo merapeloñ ea me,

5Ka ki utlua ga lorato loa gago, le tumelo ea gago, e u nañ naeo mo go Yesu Morena, le mo baitsephiñ botle;

6Gore kabalano ea tumelo ea gago, e ne thata mo kitsishoñ ea lilo cotle tse ri molemo, tse ri mo go lona ka Keresete Yesu.

7Gone re na le boitumelo yo bogolu, le khomoco mo loratoñ loa gago, gone boteñ yoa baitsephi bo rurisicoe ki uena, mokauleñue.

8Ki gona leha ’nkabo ki na le pelukhale e kholu mo go Keresete go gu laolela se se cuanetseñ,

9Leha gontse yalo, bogolu kia gu rapela ka ntla ea lorato, ka ki le eo ontseñ yaka Paulo eo o mogogaie, eo le yana ki leñ mogolegoi oa ga Yesu Keresete.

10Ki gu rapelela Onesimo moroake, eo ki mo tsetseñ mo kholegoñ tsa me;

11Eo erileñ pele a bo a sina molemo go uena, mi yana o molemo mo go uena le mo go ’na;

12Eo ki bileñ ka mo roma; ki gona u mo cule, ki go re, boteñ yoa me;

13Eo ’nkaboñ ki mo thibetse go ’na, gore a ’ntihele mo bonnoñ yoa gago, mo likholegoñ tsa evangelio;

14Mi ki gane go riha sepe ha e si ka go rata ga gago; gore tihelo ea molemo ea gago e si ne kaha kholeloñ, mi e ne ka go rata.

15Gone khampo ki gona o la a khaogañoa nau ka motlanyana, gore u ne nae ka bosina bokhutlo;

16Yana esiñ yaka motlañka, mi a ne bogolu go motlañka, ki mokauleñue eo o rategañ, mi bogolu go ’na, mi bogolu yañ go uena mo nameñ, le mo Moreneñ?

17Ki gona ha u ’nkaea ki le molekane, mo cule yaka u ko u ’ncula.

18Ha a gu siamololetse, khotsa a le molatu nau, u o balele go ’na;

19’Na, Paulo, ki kuarile ka atla sa me se, ki tla o leha; gore ki si gu ree, Le uena u molatu gotle ga gago go ’na.

20E, mokauleñue, a ki ne le boitumelo kaga gago mo Moreneñ; rurisa boteñ yoa me mo Moreneñ.

21Ki gu kualetse, ki ikanya kutlo ea gago, mi kia itse ha u tla riha le bogolu mo go se ki se buañ.

22Mi le gona ’mpakanyetsa ntlu ea go tlola; gone kia shuluhela ha ki tla lo neoa ka ntla ea merapelo ea lona.

23Epafere mogolegoi le ’na mo go Keresete Yesu oa gu rumerisa;

24Le Mareko, le Aresetareko, le Deme, le Luke, bariheri le ’na.

25Tsegohaco ea ga Yesu Keresete Morena oa rona, e ne le moea oa gago. Amena.

Jump to: