Zechariah 8

Tswana 1890 (Bibela ea Boitsépho 1890 (Sechuana Tlhaping - Moffatt Bible))

← Chapter 7 Jump to: Chapter 9 →

1MI lehuku ya ga Yehova ya ’ntihahalela, ya re,

2Go bua yalo Yehova oa lintua: Ki le ka huhanela Tsiona ka lehuha ye legolu; E, ka o huhanela ka khaleho e kholu.

3Go bua yalo Yehova: Ki boetse go Tsiona, mi ki tla nna mo Yerusalema: mi Yerusalema o tla birioa motse oa boamarure: le thaba ea ga Yehova oa lintua, thaba ea boitsepho.

4Go bua yalo Yehova oa lintua: Banona ba bagolu, le basari ba bagolu ba tla nama ba nna mo mebileñ ea Yerusalema, moñue le moñue o tla na le tsamma ea gague mo atleñ sa gague ka ntla ea bontsi yoa malatsi a gague.

5Mi mebila ea motse, e tla tlala tsimane le tsetsana ba ba tsamekañ mo mebileñ ea ona.

6¶ Go bua yalo Yehova oa lintua: Leha e le khakhamaco mo maitloñ a masalela a bathu ba mo metleñ enu, a go tla na khakhamaco mo maitloñ a me? go bua Yehova oa lintua.

7Go bua yalo Yehova oa lintua: Bonañ, ki tla buluka bathu ba me mo hatsiñ ya botlabatsatsi, le mo hatsiñ ya bophirimo yoa yeona;

8Mi ki tla ba lere, mi ba tla nna mo Yerusalema; mi ba tla na bathu ba me, mi ki tla na Morimo oa bona ka boamarure le ka tsiamo.

9¶ Go bua yalo Yehova oa lintua: A liatla tsa lona li thatahale, lona ba lo utluañ ka metla enu mahuku auo mo melomoñ ea baperofeti, a a la a buioa ka tsatsi ye motheo oa ntlu ea ga Yehova oa lintua o theiloeñ ka yeona gore tempela e agioe.

10Gone pele ga metla euo gole go sina tuelo ea mothu, le esiñ tuelo ea khomu; mi gole go sina kagisho go ena eo o la a coa le eo o tsenañ, ka moganetsi: E, ka emalanya bathu botle.

11Mi yana ga ’nkitla ki na go masalela a bathu ba yaka mo metleñ ea ntla, go bua Yehova oa lintua.

12Gone peu e tla tsegohala; movina o tla uñua louñuo loa ona, mbu o tla ntsa totahalo ea ona, mi magorimo a tla naea monyo oa aona; mi masalela a bathu ba ki tla a ruisa cotle tseuo.

13Mi go tla rihala yaka lo lo le thogo mo meraheñ, lona ba ntlu ea Yuda, le lona ba ntlu ea Yeserela; ki tla lo buluka yalo, mi lo tla na letsego: si boiheñ, a liatla tsa lona li thatahale.

14¶ Gone go bua yalo Yehova oa lintua: Yaka ki le ka gopola go lo shulatsa ka bo‐rra enu ba ’nyayaregisa, go bua Yehova oa lintua, mi ki si ka ka ikuatlaea:

15Mi yalo ki bile ki gopotse ka metla enu go rihela Yerusalema le ba ntlu ea Yuda molemo: si boiheñ.

16¶ Tse ki cona tse lo ka li rihañ; Buanañ ka boamarure; siamisañ ka tsiamisho ea boamarure le ea kagisho mo khoroñ tsa lona:

17Mi si gopolaneñ boshula mo peluñ tsa lona; mi si rateñ ikano ea kako: gone cotle tse, kia li ila, go bua Yehova.

18¶ Mi lehuku ya ga Yehova oa lintua ya ’ntihahalela, ya re,

19Go bua yalo Yehova oa lintua: Pisho go ya ea khueri ea bo‐for, le pisho go ya ea bo‐faeve, le pisho go ya ea bo‐seven, le pisho go ya ea bo‐ten, e tla na boitlapelo le boitumelo, le meletlo ea molemo go ba ntlu ea Yuda; mi ratañ boamarure le kagisho.

20Go bua yalo Yehova oa lintua: Go tla nama go tla bathu le banni ba metse e le mentsi:

21Mi banni ba motse moñue ba tla ea go o moñue, ba re, A re eeñ ka tloahalo go rapela Yehova, le go batla Yehova oa lintua: le ’na ki tla ea.

22Le gona bathu bantsi, le merahe e e nonohileñ, e tla tla go batla Yehova oa lintua mo Yerusalema, le go rapela Yehova.

23Go bua yalo Yehova oa lintua: Go tla rihala mo metleñ euo banona ba ten ba lipuo cotle tsa merahe, ba tla tsegetsa, E, ba tla tsegetsa lokoya loa Moyuda, ba re, Re tla ea nau: gone re utluile ha Morimo o na le lona.

← Chapter 7 Jump to: Chapter 9 →