Revelation 15

Tswana 2024 (Contemporary Tswana Bible 2024)

← Chapter 14 Jump to: Chapter 16 →

1Ka bona seka se sengwe legodimong, se segolo le se se makatsago, barongwa ba supago ba swere dikotlo tse supago tsa mafelelo; gobane bogale bja Modimo bo phethagala go bona.

2Ka bona bjalo ka lewatle la galase le hlakahlakanego le mollo; lebao ba hweditsego phenyo godimo ga sebata le godimo ga seswantsho sa sona le godimo ga leswao la gagwe le godimo ga palo ya leina la gagwe, ba eme lewatleng la galase, ka dizitere tsa Modimo.

3Leba opela kosa ya Moshe, mohlanka wa Modimo, le kosa ya Kwana leba re: Mesomo ya gago ke ye megolo le ye e makatsago, Morena Modimo, Ramaatlaohle! ditsela tsa gago ke tse di lokilego le tsa thereso, wena Kgosi ya bakgethwa.

4Ke mang yo a ka se go boifego, Morena, a tagafatsa leina la gago? gobane ke Wena o nnosi o mokgethwa; gobane ditshaba ka moka di tla tla tsa rapela pele ga Wena; gobane dikahlolo tsa gago di utolotswe.

5Ka morago ga moo ka lebelela ka bona tempele ya taberenakele ya bohlatse legodimong e butswe.

6Barongwa ba supago ba tswa tempeleng ba swere dikotlo tse supago, ba apere linene e sekilego le e tshweu, matswele a bona a tlemilwe ka mapanta a gauta.

7Se sengwe sa dibopiwa tse nne se ile sa nea barongwa bao ba supago megopo e supago ya gauta, yeo e tletsego bogale bja Modimo yo a phelago ka mo go sa felego.

8Tempele ya tlala musi o tswago letagong la Modimo le matla a gagwe; lego be go se na motho yo a bego a ka tsena ka tempeleng go fihlela dikotlo tse supago tsa barongwa ba supago di phethagala.

← Chapter 14 Jump to: Chapter 16 →