bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Tsonga
/
Tsonga Xitsonga (Bibele) 1929
/
1 Kings 15
1 Kings 15
Tsonga Xitsonga (Bibele) 1929
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 16 →
1
Hi lembe ra 18 ra hosi Yerobuwamu n'wana Nebati, Abiyama a fuma etikweni ra Yuda.
2
A fuma malembe manharhu eYerusalema; vito ra mana wa yena a a ri Maaka, n'wana Abixalomu.
3
A endla swidyoho hinkwaswo leswi endliweke hi tata wa yena, loko a nga si fuma; mbilu ya yena yi nga ri hinkwayo ya Yehovha, Xikwembu xa yena, kukotisa mbilu ya Davhida, tata wa yena.
4
Hambiswiritano, hikwalaho ka Davhida, Yehovha, Xikwembu xa yena, u n'wi nyikile rivoningo eYerusalema, loko a veka n'wana wa yena endzhaku ka yena, ni loko a tiyisa Yerusalema.
5
Hikuva Davhida a a endlile leswi lulameke emahlweni ka Yehovha, a nga hambukanga hi masiku hinkwawo ya ku hanya ka yena eka hinkwaswo leswi a swi lerisiweke, loko ku nga ri emhakeni ya Uriya wa Muhiti.
6
Ku lwa ku va kona exikarhi ka Rhobuwamu na Yerobuwamu hi masiku hinkwawo ya ku hanya ka Rhobuwamu.
7
Leswi seleke swa timhaka ta Abiyama, ni hinkwaswo leswi a swi endleke, xana a swi tsariwanga ebukwini ya Tikronika ta tihosi ta Yuda? Ku lwa ku va kona exikarhi ka Abiyama na Yerobuwamu.
8
Abiyama a tilata ni vatata wa yena, va n'wi lahla emutini wa Davhida, kutani Asa, n'wana wa yena, a fuma ematshan'weni ya yena.
9
Hi lembe ra makume mambirhi ra Yerobuwamu, hosi ya Israele, Asa, a fuma etikweni ra Yuda.
10
A fuma malembe ya 41 eYerusalema, vito ra mana wa yena a a ri Maaka, n'wana Abixalomu.
11
Asa a endla leswi lulameke emahlweni ka Yehovha, kukota Davhida, tata wa yena.
12
A susa etikweni ra Yuda vavanuna lava tinyiketeke vuoswi, a susa ni swifaniso hinkwaswo leswi endliweke hi vatata wa yena.
13
Hambi a ri Maaka, mana wa yena, a n'wi tekela vuhosi bya yena, hikuva a endlele Axera xifaniso. Asa a mbundzuxa xifaniso xa yena, a xi hisa exinambyaneni xa Kedroni.
14
Hambiswiritano, magandzelo ya switsunga a ma herisiwanga; kambe mbilu ya Asa yi va hinkwayo na Yehovha eku hanyeni ka yena hinkwako.
15
A veka endlwini ya Yehovha swilo leswi hlawuriweke hi tata wa yena, ni leswi a swi hlawuleke a ri yena yi ri silivhere, ni nsuku, ni swigotso.
16
Ku va ni tinyimpi exikarhi ka Asa na Baaxa, hosi ya Israele, hi masiku hinkwawo ya vona.
17
Baaxa, hosi ya Israele, a tlhandluka ku pfuka tiko ra Yuda, kutani a aka Rhama ku sivela vanhu va Asa, hosi ya Yuda, ku huma ni ku nghena.
18
Asa a teka silivhere hinkwayo, ni nsuku hinkwawo lowu seleke exumeni xa Yindlu ya Yehovha, ni xuma xa yindlu ya Hosi, a swi veka emavokweni ya malandza ya yena, a ma rhuma eka Bene-Hadada, n'wana Tabrimona, n'wana Heziyoni, hosi ya Siriya, la akeke eDamaska, a ku eka yena:
19
“Xinakulobye a xi ve kona exikarhi ka mina na wena, kukotisa exikarhi ka tata wa wena ni tata wa mina. Waswivo, ndzi ku rhumela nhlengo wa silivhere ni wa nsuku; Yana, u tintshunxa exinakulobyeni xa Baaxa, hosi ya Israele, leswaku a ndzi tshika.”
20
Bene-Hadada a yingisa hosi Asa, a rhuma tindhuna ta tinyimpi ta yena, ti ya hlasela miti ya Israele; a onha Iyoni na Dani, na Avele-Beta-Maaka, na Kinereta hinkwawo, ni tiko hinkwaro ra Neftali.
21
Kuteloko Baaxa a swi twa, a tshika ku aka Rhama, a ya tshama eTirisa.
22
Kavaloko hosi Asa a hlengeleta va Yuda hinkwavo, ku nga pfumaleki munhu, kutani va ya susa maribye ni mirhi, swi ri leswi Baaxa a akeke eRhama ha swona, kutani hosi Asa a aka ha swona Geba wa Benjamini na Mispa.
23
Leswi seleke swa timhaka hinkwato ta Asa, ni mitirho hinkwayo ya yena, ni hinkwaswo leswi a swi endleke, ni miti leyi a yi akeke xana a swi tsariwanga ebukwini ya Tikronika ta tihosi ta Yuda xana? Ntsena a a vabya hi milenge eku dyuhaleni ka yena.
24
Asa a tilata ni vatata wa yena, a lahliwa ni vatata wa yena emutini wa Davhida, tata wa yena, kutani Yoxafati, n'wana wa yena, a fuma ematshan'weni ya yena.
25
Nadabu, n'wana Yerobuwamu, a fuma etikweni ra Israele hi lembe ra vumbirhi ra Asa, hosi ya Yuda; a fuma malembe mambirhi etikweni ra Israele.
26
A endla leswo biha emahlweni ka Yehovha, a famba endleleni ya tata wa yena, ni le swidyohweni swa yena leswi a dyohiseke Israele ha swona.
27
Baaxa, n'wana Ahiya, wa yindlu ya Isakara, a endla makungu ku n'wi pfuka; kutani Baaxa a n'wi dlaya eGibetoni, lowu nga wa Vafilista loko Nadabu ni Vaisraele hinkwavo va ri karhi va rhendzela Gibetoni.
28
Baaxa a n'wi dlaya hi lembe ra vunharhu ra Asa, hosi ya Yuda, kutani a fuma ematshan'weni ya yena.
29
Kuteloko a sungula ku fuma, a dlaya vanhu hinkwavo va yindlu ya Yerobuwamu, a nga siyelanga Yerobuwamu ni munhu un'we, a heta hinkwaswo swa yena leswi hefemulaka, hilaha Yehovha a nga vula hakona, hi nandza wa yena Ahiya wa Xilo,
30
hikwalaho ka swidyoho swa Yerobuwamu leswi a swi endleke, ni leswi a dyohiseke Israele ha swona, a ri karhi a karihisa ha swona Yehovha, Xikwembu xa Israele.
31
Leswi seleke swa timhaka ta Nadabu, ni hinkwaswo leswi a swi endleke, xana a swi tsariwanga ebukwini ya Tikronika ta tihosi ta Israele xana?
32
Ku lwa ku va kona exikarhi ka Asa na Baaxa, hosi ya Israele, hi masiku hinkwawo ya vona.
33
Hi lembe ra vunharhu ra Asa, hosi ya Yuda Baaxa, n'wana Ahiya, a fuma ehenhla ka Vaisraele hinkwavo eTirisa; a fuma hi malembe ya 24.
34
A endla leswo biha emahlweni ka Yehovha, a famba endleleni ya Yerobuwamu, ni le swidyohweni swa yena leswi a dyohiseke Israele ha swona.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22