1 Peter 5

Umbundu Bible (Embimbiliya - Bíblia Sagrada em Umbundu)

← Chapter 4 Jump to:

1Oco ndungula akulu va kasi pokati kene momo ame ndukuluvo, haime ndimbangi yohali ya Kristu, kuenje nambulavo ulamba u tukuluiwa noke.

2Lavi ocunda ca Suku co kundikilui, halocikukuiko, puãi momo vu kuete utima waco, hamekondako liocipululu conganyu, te lutima wombili ndeci Suku o yonguili,

3haloku tulamelako ava va kundikiwa kokuene, te oku eca ongangu kocunda.

4Oco, eci ungombo unene a tukuluka, vu tambula ekolowa liulamba ka li takata.

5Haico ene amalehe, pokoli kakulu. Vosi yene, okuliketisa ku linge uwalo wene, kuenje livumbi pokati, momo Suku o yaka la vakueyengu, puãi ava va liketisa o va linga ohenda.

6Oco lisepuisi vemẽhi lieka lia pama lia Suku, okuti kotembo yaye o wamisi kunene.

7Ohele yene yosi yi yeki kokuaye momo eye o vu lava.

8Lunguki. Lavululi. Unyali wene eliapu o ñuala ñuala ndohosi yi koma oku sandiliya u a lia.

9Pami lekolelo liene kuenje tamalali laye. Ivaloki okuti vakuẽle voluali luosi va talavo ohali ndene.

10Kuenje, kovaso yoku tala ohali okasimbu kamue, oco Suku ukuacali cosi, haeye wo kovongeli kulamba waye ka u pui u kasi vu Kristu, eye muẽle o vu kanguisa, haeye o vu tumalisa loku vu pamisa.

11Kokuaye ku kale uviali oloneke ka vi pui. Amene.

12Okokanda kalo ñasi loku ka tuma kokuene peka lia manjange nda kolela ca lua, Siluano. Nda ka tuma oku vu lungula loku imba uvangi okuti ocali eci nda lombolola oco ocali cocili ca Suku. Kolipo laco.

13Ekongelo li kasi ko Bavulono, hailio lia noliwa ndene, lio lami. Omõlange Marko layevo wa tuma ocilamo.

14Lipasuli pokati lesipulo liocisola. Ombembua yi kale lene vosi vu kasi vu Kristu.

← Chapter 4 Jump to: