Exodus 5

Umbundu Bible (Embimbiliya - Bíblia Sagrada em Umbundu)

← Chapter 4 Jump to: Chapter 6 →

1Noke Mose la Arone va enda ku Fareo, vo sapuila vati, Ca popia Yehova, Suku ya Isareli, ceci, hati, A ece omãla vange, va ende, va ka ndingile ofesta vekalasoko.

2Fareo puãi wa va pula hati, Yehova hẽ elie okuti njeva kondaka yaye hã si eci va Isareli? Yehova sio kulĩhĩle, oco oku eca va Isareli si kuatako.

3Ovo va linga vati, Suku ya va Heveru wa lisanga letu. Va tu ece, tu ende vekalasoko atulo atatu, tu ka lumbile Yehova Suku yetu ovilumba sanga o tu lowila efengi pamue osipata.

4Puãi Soma ye Egito wa popia lavo hati, Ene, a Mose la Arone, vu panduluili nye omanu kovopange avo? Kuendi kupange wene.

5Fareo wa popiavo hati, Vanji, kaliye omanu vofeka va lua, ene vu va lembula kupange wavo!

6Eteke liaco hailio Fareo a pañinya asongui vaye vupange la va Isareli vana va noliwa oku endisa upange, hati,

7Ko ka eci vali owangu komanu ha va tungi lawo olondopi ndomo muãle. Va ende, va ka likeluile ovo muẽle owangu.

8Oseo yolondopi va yi tunga tungale haiyo vu va silĩha. Ko ka tepululi lanaito. Omo va kasi lowesi oco va vilikiyila vati, Tu enda, tu ka lumbila Suku yetu ovilumba.

9Alume va ihiwe upange wa velapo, wale u sule, oco va talavaye muẽle, oku tava kolondaka viesanda hacoko.

10Oco asongui la va Isareli vana va noliwa oku endisa upange, va tunda, va popia lamanu vati, Ca popia Fareo ceci, hati, Siu wihi vali owangu.

11Kuendi ene muẽle, ka likeluili owangu kuosi vu u sanga, puãi la-umue upange u tepuluka.

12Oco omanu va sandukila kuosi kofeka ye Egito oku sanda asĩla owangu oku luvikiya owangu.

13Asongui va va silĩha vati, Tẽlĩsi oloseo viene vieteke nda cina wa tamboli owangu.

14Va Isareli, vana va noliwa lasongui va Fareo, va tipuiwa, va puliwa, vati, Etaili hẽ nye ka wa lingilili oseo yene yoku tunga olondopi ndeci u lingaingi ale?

15Oco va Isareli vana va noliwa oku endisa upange va enda ku Fareo, va funda laye vati, Nye o lingila ndoto lakuenje vove?

16Laumue owangu wa eciwa kovakuenje vove, haimo va popia letu vati, Tungi olondopi. Vanja, etu tuakuenje vove tua tipuiwa, ongole yaco puãi yi li komanu vove.

17Fareo puãi wa linga hati, Ene wakuawesi, wakuawesi muẽle, oco wa lingili hoti, Tu enda, tu ka lumbila Yehova ovilumba.

18Oco, kuendi yapa, ka lingi muẽle upange, lopo ka va wihi owangu, haimo lumue oseo yolondopi haiyo.

19Va Isareli vaco, vana va noliwa oku endisa upange, va mõla okuti ongongo ya va sanga eci va popia vati, Oseo yolondopi yeteke haiyo.

20Va sanga Mose la Arone va tãi vonjila eci va tunda ku Fareo.

21Va popia lavo vati, Yehova o vanje, a tepise, momo wa suvukisi elemba lietu kovaso a Fareo lokovaso akuenje vaye. Wa kapi peka liavo osipata yoku tu ipa.

22Oco Mose wa tiukila ku Yehova, wa pula hati, A Ñala, nye wa lingila omanu ava cĩvi? Wa numila nye?

23Tunde pana ndeya ku Fareo londuko yove eye o kasi loku linga ño-o omanu ava cĩvi, kuenje ove kua popelele omanu vove lakamue.

← Chapter 4 Jump to: Chapter 6 →

Recommended Reading

Commentary Exodus Commentaries → Devotional Exodus Devotional Guide → Get This Bible Umbundu Bible (Embimbiliya - Bíblia Sagrada em Umbundu) Study Bible →