bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Makhuwa
/
Makhuwa VMK (Emakhuwa Bible)
/
2 Samuel 11
2 Samuel 11
Makhuwa VMK (Emakhuwa Bible)
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 12 →
1
Mmalayaakha, mweehuhuni mamwene yaakhovelenlaaya owana, Davide aamurumihela Yowabi vamoha ni arumeiyaawe ni anakhotto ootheene a aYixrayeli okhottoni. Yaahaaphwata awAmoni, enarica oRaba. Vaheera Davide aahanle oYerusaleemu.
2
Oxekuwa omoha Davide aavenya vakaamani, aneetteetta vataratoni ya empa ya mwene. Areene hiihaale vataratoni, aamoona muthiyana ooreeraxa arapaka.
3
Davide aamurumihela mukina weera amusuwele muthiyana taani yoole. Mulopwana owo aamweerela Davide: “Ti Batixeba, mwaana muthiyana a Eliyami, mwaarawe Uriya, muHiti.”
4
Vano Davide aalamulela oruuhiwa. Betixeba aarowa wa yoowo ni Davide aamukonano. Eera amalihaleene vaanaanoru mwiikho wa asithiyana. Vahoolowaya aahokoleela owaani.
5
Muthiyana ole aarupala, anamurumihela ihaali Davide eeraka: “Koorupala.”
6
Vano Davide aamurumihela mutthenga ola Yowabe: “Mukirumihele Uriya, muHiti.” Vanonto Yowabe aamurumiha.
7
Uriya aphiyakaru, Davide aamukoha moota aaraawe Yowabe ni anakhotto ni moota ekhotto yeettaaya.
8
Vano Davide aamweerela: “Murowe owannyinyu, mwiitthuuwe vakhaani.” Uriya aavenya empa ya mwene ni aarumiheliwa yoovaha ya mwene.
9
Vaheera, Uriya aakonne vamulako wa empa ya mwene vamoha ni arumeiyi a apwiyaawe ootheene ahirowaka owaani.
10
Davide iiwakaru weera Uriya khaarongwe owaani, aamukoha: “Munkhuma ottai – muroweke owaani.”
11
Uriya aamwaakhula: “Arka* ni asilopwana a oYixrayeli ni oYuda aniitthuuwa muheemani ni pwiiyaaka Yowabe ni anakhotto a pwiiyaaka akonelanse vattendereni. Vekhaikhai nkingwera orowa owaani weera kace, kawure ni kamukoneno mwaaraka! Kinlipela mwa okumaanyu weera nkipaka siiyeeyo!”
12
Vano Davide aamweerela: “Mukhaleke wenno wa nihuku nimohatho. Vahoolowaya kinimoohokoloxerani.” Tivawo Uriya aakhanlaawe oYerusaleemu nihuku nne ni oxaawaya.
13
Davide aamulattula, ni Uriya aahooca ni aawura ni yoowo ni Davide aamuhapaliha. Wa soothesene, ohiyu, Uriya aavenya, anarowa okona vamwinliniwawe ni arumeiyi a apwiyaawe; khaarongwe owaani.
14
Oxaawaya Davide aamulepela ekaratta Yowabe, amwinnyereraka Uriya.
15
Mukarattani mmwe aalepa: “Munghoolihe Uriya mmwiikaathiki mpatta eneeraaya eluttuwaxe ekhotto ni mwamuhiyewo meekhaawe weera avulalihiwe ni akhwe.”
16
Eenre Yowabe arica esidade, aamwiikaathi Uriya vanipuroni yaaraaya amwiittanaaya oolipaxa.
17
Asilopwana a esidade yaavenyaaya weera yaawanane anakhotto a Yowabe, akina a anakhotto a Davide yaahookhwa – hiihotho Uriya, muHiti.
18
Yowabe aamurumihela Davide sooweereya sootheene sa okhottoni.
19
Aamulamulela namutthenga: “Mwaamalihakaru oomvaha mwene ethalihero ela ya ekhotto,
20
wookhala woonyoonyiwaka mwene ookohakani: ‘Mwaakhuveelelaxa heeni esidade weera ngwanewo? Khamwaasuwela weera awosa yaaheereke woolathasani ereene vaxirini?
21
Taani amwiivale Abimeleki, mwaana mulopwana a Yerubi-Bexeti? Aari muthiyana mmoha vaxirini aamukurukundulenle nxilo vamuruwawe moota wooweera aahookhwa oTebezi. Mwaakhuveelela heeni exiri?’ Owo ookohani yeeyo, vano mwamwaakhule: ‘Mpaka murumeiyaanyu Uriya, muHiti ohookhwa.’”
22
Namutthenga aapwaha, anaphiya wa Davide, anamuthalihera sootheene Yowabe aamulamulenlaawe ohima.
23
Namutthenga aamweerela Davide: “Amwiittana yaanirweela mmatta eniwananaka moota woovihaxa onipwaha hiyo, mene noowoomola mpaka vamulako wa esidade.
24
Vano alipa oolatha nyuupa vaxirini yaahaalathela arumeiyaanyu ni akina a asilopwana a mwene aahookhwa. Murumeiyaanyu Uriya, muHiti, ohookhwatho.”
25
Davide aamweerela namutthenga: “Mwamuleele Yowabe: ‘Muhiicikulele niwoko na yeeyo. Itthu iya sinneereya mukhottoni. Mpwaherere owanano esidade mpaka ophwata.’ Mwamuleele yeeyo Yowabe weera alipiheye murima.”
26
Mwaarawe Uriya iiwakaru weera aiyawe ahookhwa, aawiinlela.
27
Omalakaru wiinanela, Davide aalamulela weera aruuheliwe owannyawe ni owo aamuthela, anamuyarano mwaana mulopwana. Vano, yeeyo Davide aapankaawe khayaamusivenle Yave.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24