bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Makhuwa
/
Makhuwa VMK (Emakhuwa Bible)
/
Luke 17
Luke 17
Makhuwa VMK (Emakhuwa Bible)
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 18 →
1
Yeesu aaweerela oohuseraawe: “Ti woohisembeya weera sikhumelele itthu soowaatthekiha atthu, mene Ii! Onoohaawa yoowo ongwera iye!
2
Waari fataari weera yoole avonyeriwe mphareiyani atthukeleliweene nxilo vaxiko, ahinaaye owo omtthekiha mmoha a asikhaani ala.
3
Mwiipasoope! Munninyu attheka, mmooperere, ni owo arukunxa murima, munlevelele.
4
Owo ootthekelani imaara ithannapiili vanihukuni, ni oohokoleelani imaara ithannapiili eeraka: ‘Miyo koorukunxa murima,’ munlevelele.”
5
Arummwa yaaweerela Apwiya: “Mwaandyeerere nroromelonahu.”
6
Owo aawaakhula: “Nyuwo mwakhalano nroromelo ntoko enuku emoha ya emostarda*, munoowera weerela mwiri ola: ‘Wiiphele ni wiiphatteiye mphareiyani,’ ni ola onoowiiwelelani.
7
Noone ha mukina a nyuwo akhalanneene murumeiyi alimaka, naari mukukhuli awehawehaka ikhondoolo. Vano, owo aaphiyaka akhumaka omatta, anaamweerele: Oweke ni okilaathi weera oce?
8
Hoye! Anaamweerele ha: ‘Opake yoocaaka, oolikanyihe ni okirumeele miyo kicaaka ni kiwuraka. Kaamalihaka, weyotho oceeke ni owureke.’
9
Weeraka owo anaamutthapele murumeiyi niwoko na opaka yeeyo olamuleliwaawe?
10
Hiihotho nyuwo, mwaamalihaka sootheene mulamuleliwaanyu, mweereke: ‘Nri arumeiyi oohittittimiheya, nookwanihera paahi yeeyo yaatthuneya weeriwa.’”
11
Eettaka woorowa oYerusaleemu, Yeesu aavira mmwiinanoni wa oSamariya ni oGalileiya.
12
Avolowaka mmuttettheni mmoha, anamakokho muloko yaamwaattamela Yoowo. Yaaheemela ottaiwene vakhaani
13
ni yaakhuwela vancipale: “Yeesu, Muhusiha, munimorele ikharari.”
14
Awoonaka, aaweerela: “Murowe mwiixoonihere wa asaserdoti*.” Erowaka hiihaale, awo yaalamihiwa.
15
Mmoha a yaawo, oonakaru weera oolama, aahokolowa amuttottopelaka Muluku, akhuwelaka vancipale.
16
Aamukokhorela ohoolowawe Yeesu ni aamutthapela. Vano, aari muSamariya.
17
Yeesu aamukoha: “Khaalamihiwe ootheene muloko? Ari woowi akina athannaaxexe?
18
Khaawo mukina aahokolongwe ni aamutthapenle Muluku, ahikhanle namarwa ola?”
19
Vano aamweerela: “Mvenye ni murowe – nroromelonanyu nohoovuluxani.”
20
Emaara emoha Yeesu akohakohiwaka ni aFarisi* mwaha wa ehuhu, heeni oneeraaya ophiye omwene wa Muluku, aawaakhula: “Omwene wa Muluku khoongwa moota woowooneya,
21
hata atthu khaanrowa weera: ‘Ori va,’ naari ‘Ori iwe,’ niwoko omwene wa Muluku ori variyariwanyu.”
22
Vano Owo aaweerela oohuseraawe: “Eniiphiye mahuku nyuwo muneeraanyu muhaaweleke woona nihuku nimoha na mahuku a Mwaana a mutthu, mene khamurwa moona.
23
Atthu eniiweereleni: ‘Ori iwe,’ hoye hoye ‘ori va.’ Muhaakuve waatthara.
24
Mwaana a mutthu, vanihukuninawe, anaakhale ntoko overinya ommwaleela erimu yootheene.
25
Ohinaayetho, ontthuneya weera Owo ahaawe itthu sincipale ni akhoottiwe ni ekhapira ela.
26
Ntoko yaakhumelenlaaya vamahukuni a Nowe, hiihotho eniikhumelele vamahukuni a Mwaana a mutthu.
27
Muloko wa atthu weera ocaaka, owuraka, othelanaka ni othelaniwaka, mpaka nihuku Nowe aavolongwaawe munikulani ntokotoko. Vano saaphiya mirupi ni saawiiva ootheene.
28
Yaaheereiyatho hiiho ehuhuweene yeele ya Looti. Muloko wa atthu weera ocaaka, owuraka, othumaka ni othumihaka, waalaka ni otekaka.
29
Nihukutho Looti aavenyaawe oSodoma, waakhuruwa mooro ni enxofre* ya wiirimu, ni waawiiva ootheene.
30
Eniikhumelele hiihotho nihuku Mwaana a mutthu aneeraawe iixoonihere.
31
Nihuku nno, yoowo anaakhale vanipathoni, akhalanaka sooreelasawe mpaani, ahikhuruwe weera akuxe. Hiihotho, yoowo anaakhale omatta, ahihokoleele ottuli niwoko na etthu emoha.
32
Mmuupuwelele mwaariye Looti.
33
Yoole ontthuna othokorora okumaawe, anaayeleele, ni yoowo ongyeleela okumaawe, anaathokorore.
34
Miyo kinooleelani: ohiyuweene yoowo, atthu eeli eniikone ebeetti emoha. Mmoha anaavenxiwe ni mukina anaahiiwe.
35
Asithiyana eeli eniixile etrigu vamoha. Mmoha anaavenxiwe ni mukina anaahiiwe.”
37
Awo yaamukoha: “Woowi Apwiya?” Owo aamwaakhula: “Weiwo oraayawo muttembo, eniithukumanewo mattawo.”
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24