bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Makhuwa
/
Makhuwa VMK (Emakhuwa Bible)
/
Psalms 119
Psalms 119
Makhuwa VMK (Emakhuwa Bible)
← Chapter 118
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 67
Chapter 68
Chapter 69
Chapter 70
Chapter 71
Chapter 72
Chapter 73
Chapter 74
Chapter 75
Chapter 76
Chapter 77
Chapter 78
Chapter 79
Chapter 80
Chapter 81
Chapter 82
Chapter 83
Chapter 84
Chapter 85
Chapter 86
Chapter 87
Chapter 88
Chapter 89
Chapter 90
Chapter 91
Chapter 92
Chapter 93
Chapter 94
Chapter 95
Chapter 96
Chapter 97
Chapter 98
Chapter 99
Chapter 100
Chapter 101
Chapter 102
Chapter 103
Chapter 104
Chapter 105
Chapter 106
Chapter 107
Chapter 108
Chapter 109
Chapter 110
Chapter 111
Chapter 112
Chapter 113
Chapter 114
Chapter 115
Chapter 116
Chapter 117
Chapter 118
Chapter 119
Chapter 120
Chapter 121
Chapter 122
Chapter 123
Chapter 124
Chapter 125
Chapter 126
Chapter 127
Chapter 128
Chapter 129
Chapter 130
Chapter 131
Chapter 132
Chapter 133
Chapter 134
Chapter 135
Chapter 136
Chapter 137
Chapter 138
Chapter 139
Chapter 140
Chapter 141
Chapter 142
Chapter 143
Chapter 144
Chapter 145
Chapter 146
Chapter 147
Chapter 148
Chapter 149
Chapter 150
Chapter 120 →
1
Ooreelihiwa ti yaale aneetta mphironi mookwanela; yaale antthara Nlamulo na Yave.
2
Ooreelihiwa ti yaale aniiwelela ikanosawe ni animwaasa Yoowo ni murima wootheene.
3
Awosa khampaka etthu yoonanara; anneetta mphironi mwa Yave.
4
Nyuwo muneenaanyu moovaha ikano sintthuneya wiiweleliwa nnenesene.
5
Moota kinghaawelaaka okhala oororomeleyeene keettelaka ikanosanyu!
6
Hiiho nkinuulihiheya muru wootthara malamulowaanyu ootheene.
7
Kinimootthapelani ni murima wa ekhaikhai, miyo kaaxutteraka soolamulelasanyu soororomeleya.
8
Kinimwiiwelela ikanosanyu; muhikihiyeru!
9
Mmiravo anaawere hai weetta mphironi mootteela? Onoowera iiwelelaka maswaanyu.
10
Kinoowaasani ni murimaaka wootheene; muhikihiyeke weera kihihapuwe mmalamulonimwanyu.
11
Koothokorora maswaanyu mmurimanimwaka weera kihootthekeleni.
12
Mukhaleke ootthapeliwa, Yave; mukixuttihe ikanosanyu.
13
Ni eyanowaaka kimphitela malamulowaanyu ootheene Nyuwo mvanghaanyu.
14
Kinghakalalaxa wootthara ikanosanyu ompwaha yoole onghakalalela mihakhu sincipale.
15
Kintthokelela ikanosanyu ni kinuupuwela nnenesene iphirosanyu.
16
Kinghakalalela malamulowaanyu ni nkinttiwala maswaanyu.
17
Mmoonihere murimaanyu wooreera murumeiyaanyu weera kikhale ni okumi; kinimwiiwelela maswaanyu.
18
Muhuleke maithwaaka weera koone sootikhiniha sa malamulowaanyu.
19
Kiri namarwa mweelaponi; muhikiipithihe malamulowaanyu.
20
Okumaaka onghaawelaxa malamulowaanyu mahuku ootheene.
21
Nyuwo munaahiiha anamwiixoona; yaale oolaphiwa anghapuwa mmalamulonimwanyu.
22
Mukitapuxe mootthebwiwani ni mooramusiwani, niwoko kiniiwelela ikanosanyu.
23
Naari anamalamula ekithukumanelaka, murumeiyaanyu onootthokelela soolamulasanyu.
24
Aani ikanosanyu ti ohakalalawaka; iyo ti anamalakaaka.
25
Vano kohuuramela vathi; mwaakihe okumaaka ntoko muroromelinghaanyu.
26
Kohoothaliherani mweettelowaaka wootheene ni mookaakhula; mukixuttihe ikanosanyu.
27
Mukiweriheke wiiwexexa mahusiho a ikanosanyu ni hiiho kinootthokelela sootikhinihasanyu.
28
Okumaaka wookhulumuwa ni othananaxa; mukilipiheke ni maswaanyu.
29
Mukihuluxe iphiro soolokottha; mukixuttihe malamulowaanyu niwoko na murimaanyu wooreera.
30
Koothanla ephiro ya ekhaikhai; koolakela otthara ikanosanyu.
31
Ii! Yave, kimvarexexa soolamulelasanyu; muhikihiye kuulihiheyaka muru.
32
Kintthara ephiro ya malamulowaanyu niwoko mookiiwexexiha.
33
Ii! Yave, mukixuttihe otthara ikanosanyu; vano kinimwiiwelela seiyo mpaka ommaleloni.
34
Mukiiwexexihe weera kitthare Nlamulonanyu ni kinimwiiwelela ni murima wootheene.
35
Mukeettihe mphironi ya malamulowaanyu niwoko kinghakalalela mwemmo.
36
Murukunuxele mukanoni murimaaka ohikhanle wa munlulani.
37
Muhuluxe maithwaaka wa itthu soohimuteko; muthokorore okumaaka mmasunimwanyu.
38
Mukwanihere yoororomeliha mumpakenlaanyu murumeiyaanyu weera mooviwe.
39
Mvenxeke wuulihiwa muru kinoovaaka, niwoko malamulowaanyu ti ooreera.
40
Moota kinghaawelaaka ikanosanyu! Muthokorore okumaaka moororomeleyanimwanyu.
41
Ii! Yave osivelawanyu okiphwanye nitho ovuluxawanyu ntoko muroromelinghaanyu;
42
vano kinoowaakhula yaale ankitthebwa, niwoko kinroromela maswaanyu.
43
Muhicophole masu a ekhaikhai vayanoniwaka niwoko kinroromela malamulowaanyu.
44
Kinimwiiwelela woohihiyerera Nlamulonanyu wa mahuku ootheene.
45
Kinimweetta mootapuxeyani, niwoko kinaasa ikanosanyu.
46
Kinimuuluma sa ikanosanyu ohoolo wa mamwene kihuulihiheyaka muru,
47
niwoko kinghakalalela malamulowaanyu keenre kisivela yaawo.
48
Kintheteela matataaka malamulowaanyu, mwa yaawo kinsivelaaka kinatthokelela ikanosanyu.
49
Muupuwelele masu mwaamvanghaanyu murumeiyaanyu, niwoko mookivaha oweherera.
50
Opepesiwawaka moohaawanimwaka ti wu: Soororomelihasanyu sinnakikhaliha ni okumi.
51
Oowiixoona annakitthebwa mahuku ootheene, vaheera nkinghuluwa mmalamulonimwanyu.
52
Ii! Yave, kinuupuwelela malamulowaanyu a khalayi ni mwa yaawo kinnapepeseya.
53
Wookitepela onyoonyiwa niwoko na atakhali, mwa yaawo akhoontte malamulowaanyu.
54
Malamulowaanyu annakiruuhela wiipa mmapuroni moothemwene kinkhalaaka.
55
Moohiyuni kinuupuwelela Nsinananyu Yave ni kinimwiiwelela Nlamulonanyu.
56
Mweettelowaaka ti ola: wiiwelela ikanosanyu.
57
Ii! Yave, Nyuwo ti yoohiyeriwaaka; koororomeliha weera kinimwiiwelela maswaanyu.
58
Kinaasaasa ekhovaanyu ni murima wootheene; mukoonihere murimaanyu wooreera ntoko mukiroromelinghaanyu.
59
Kohiixuupuwela sa mweettelowaaka ni koohokoleela wiiwelela ikanosanyu.
60
Miyo kohaakuveya, kihipisaka wiiwelela malamulowaanyu.
61
Naari mikhoyi sa atakhali sitthunaka okitthuka; nkinttiwala malamulowaanyu.
62
Ohiyu eriyari kimvenya weera kootthapeleni niwoko na malamulowaanyu oororomeleya.
63
Miyo nthamwene a ootheene angwoovani; ootheene antthara ikanosanyu.
64
Ii! Yave, elapo yoosareya osivelawanyu; mukixuttihe ikanosanyu.
65
Ii! Yave, mumpakele onnene murumeiyaanyu ntoko muroromelinghaanyu.
66
Mukixuttihe esuwelo ni mathanlelo, niwoko kinroromela malamulowaanyu.
67
Kihinaaye ottaruxiwa, miyo keetta ooriheiyeene, mene vano kiniiwelela maswaanyu.
68
Nyuwo ti ooreera ni yeeyo mumpakaanyu ti yooreera; mukixuttihe ikanosanyu.
69
Naari anamwiixoona ekittikitthelaka ni soowootha, miyo kiniiwelela ikanosanyu ni murima wootheene.
70
Mirimasaya ti soowuumaxa, vaheera miyo kinghakalala mmalamulonimwanyu.
71
Wookireerela ottaruxiwawaka weera kixuttere ikanosanyu,
72
Nlamulo na eyanowaanyu ti nootthuneyaxa opwaha eparatha* ni eyuuma yoorikaxa yootheene ya mulaponi.
73
Matataanyu aakipaka, enakipattuxa, mukivahe wiiwexexa weera kixuttere malamulowaanyu.
74
Yaale angwoovani yaakoonaka, anoohakalala, niwoko owehererawaka ori mmasunimwanyu.
75
Ii! Yave, koosuwela weera malamulowaanyu ti a ekhaikhai ni mookittaruxa moororomeleyanimwanyu.
76
Osivelawanyu woohimala okhaleke opepesiwawaka ntoko munroromelinghaanyu murumeiyaanyu.
77
Ikhararisanyu sikiphwanye weera kikhale ni okumi, niwoko Nlamulonanyu ti ohakalalawaka.
78
Anamwiixoona eyevihiwe niwoko na okipakela yoonanara woohinthowa, vaheera miyo kinootthokelela ikanosanyu.
79
Yaale angwoovani ewe wa miyo; aani yaale aniiwexexa ikanosanyu.
80
Murimaaka okhaleke wookwanela wa ikanosanyu weera kihuulihiheye muru.
81
Okumaaka onghaawelaxa ovuluxawanyu, mene owehererawaka ori mmasunimwanyu.
82
Maithwaaka aakixeera wooweherera soororomelihasanyu ni kinkoha: “Mmukipepese yaakhani?”
83
Kirookhalaru ntoko nipoottoro nootthuwela mwiixi, nkinttiwala ikanosanyu.
84
Mpaka yaakhani murumeiyaanyu aneeraawe aweherere? Yaakhani muneeraanyu mwaattaruxe yaale ankisoonda?
85
Anamwiixoona aakithipela ekhokwe, yaale ahintthara malamulowaanyu.
86
Malamulowaanyu ootheene aaphwanela ororomeliwa; mukikhavihere, niwoko atthu ankittharatthara woohinthowa.
87
Ahanle vakhaani okiiva mweelaponi, mene nkihingye ikanosanyu.
88
Muthokorore okumaaka moosivelanimwanyu ni miyo kinimwiiwelela ikano sa eyanowaanyu.
89
Maswaanyu Yave ti oohimala; ari oolipihiweene khuluwi wiirimu.
90
Ororomeleyawanyu ori wa ikhapira sootheene; mookhaliha elapo ni eyo empwaherera yoolipeene.
91
Malamulowaanyu ampwaherera mpaka olelo, niwoko sootheene sinlamuliwa ni Nyuwo.
92
Nahaakisivenle Nlamulonanyu, saano kiphwatiweene moohasuliwanimwaka
93
Nkirwa kittiwala ikanosanyu, niwoko Nyuwo munuurela okumaaka mwa seiya.
94
Mukivuluxe niwoko kiri awinyu; kinaasaasa ikanosanyu.
95
Atakhali angweherera okiphwata, vaheera miyo kintthokelela ikanosanyu.
96
Kohoona weera itthu sootheene sookhalano mwiinanowaaya, vaheera malamulowaanyu khaanono.
97
Ii! Moota ankisivelaaya malamulowaanyu! Miyo kintthokelela nihuku nenenno.
98
Soolamulasanyu sinkitatuxa namiruku waapwaha amwiittanaaka, niwoko seiya siri ni miyo mahuku ootheene.
99
Kinniiwexexa waapwaha ahusihaaka ootheene, niwoko kintthokelela ikanosanyu.
100
Kinniiwexexa waapwaha asitokweene niwoko kinniiwelela malamulowaanyu.
101
Koosemba khula ephiro yoonanara weera kiiwelele maswaanyu.
102
Nkinghuluwa mmalamulonimwanyu, niwoko ti Nyuwo munkixuttiha.
103
Maswaanyu ti oosivaxa wa miyo; oocoocowaxa opwaha oravo.
104
Kinnawina wiiwexexa mwa ikanosanyu; tivawo kinthanyaaka iphiro soonanara sootheene.
105
Maswaanyu ti yoomwaleela ya malipaaka ni waara onooniha ephirowaaka.
106
Koororomeliha ni nlipelo weera kinootthara malamulowaanyu a ekhaikhai.
107
Koohaawa vancipale; Ii! Yave, muthokorore okumaaka ntoko muroromelinghaanyu.
108
Ii! Yave, mwaakhulele soottottopela sootthuneya sa eyanowaaka ni mukixuttihe malamulowaanyu.
109
Okumaaka onkhala ngwoopihani mahuku ootheene; mene nkinttiwala malamulowaanyu.
110
Atakhali aakireya ntapha, mene nkinghuluwa ikanosanyu.
111
Ikanosanyu ti yoohiyeriwaaka ya mahuku ootheene; ti ohakalala wa murimaaka.
112
Murimaaka woothanla khuluwi wiiwelela ikanosanyu mpaka ommaleloni.
113
Kinimuthanya namvara piili-piili, mene kinsivela Nlamulonanyu.
114
Nyuwo ti wootthawelawaka ni yoowiixaakiheraaka; owehererawaka ori mmasunimwanyu.
115
Mukivenyere nyuwosa mumpaka soonanara! Miyo kintthuna weettela malamulo a Mulukwaaka!
116
Mukilipihere ntoko mukiroromelinghaanyu ni miyo kinookhala ni okumi; muhitthunihere weera owehererawaka waase omala.
117
Mukikhavihere ni kinoovuluxiwa; miyo kinoopwattha ikanosanyu mahuku ootheene.
118
Nyuwo munaakhootta ootheene anghiya ikanosanyu, niwoko soowuupuwelasaya soolokottha khasimuteko.
119
Nyuwo munaavonyera okerekhere atakhali ootheene a elapo ntoko ikokhola; tivawo kinsivelaaka ikanosanyu.
120
Erutthwaaka enthukumela ohoolowanyu; malamulowaanyu ankiruuhelaxa woova.
121
Kookhala moororomeleyani ni ngwookoleleyani; muhikithaame mmatatani mwa anamakihasula.
122
Muroromelihe mpuha wa murumeiyaanyu; muhaatthunihere anamwiixoona okihasula.
123
Maithwaaka aakixeera kiwehereraka ovuluxawanyu ni okwanihera ekhaikhaiyaanyu.
124
Mmoonihere murumeiyaanyu osivelawanyu ni mukixuttihe ikanosanyu.
125
Miyo murumeiyaanyu; mukivahe miruku weera kiiwexexe soolamulasanyu.
126
Ii! Yave yoophiya ehuhu yoopaka etthu, niwoko Nlamulonanyu khaninttittimihiwa.
127
Miyo kinnasivela malamulowaanyu opwaha eyuuma yoorikaxa, aani eyuuma yoorikaxa yooreera.
128
Tivawo kinoonelaaka ekhaikhai ikanosanyu sootheene ni kinthanyaaka khula ephiro yoonanara.
129
Soolamulasanyu ti sootikhiniha; tivawo kiniiwelelaaka.
130
Ethalihero ya maswaanyu emmwaleela, enaavaha wiiwexexa oohiiwexexa.
131
Kinghula eyanowaaka kinahihimera, kihaawelaxaka malamulowaanyu.
132
Mukiwehe ni mukimorele ikharari ntoko munaapakelaanyu mahuku ootheene yaale ansivela Nsinananyu.
133
Muhoolele malipaaka mmasunimwanyu; muhikitthunihereru olamuliwa ni yoottheka.
134
Mukoopole mwa ohasula wa atthu weera kiiwelele ikanosanyu.
135
Mummwaleele murumeiyaanyu ni waara wa ekhovaanyu ni mukixuttihe ikanosanyu.
136
Nkimmaala wiinla, niwoko Nlamulonanyu khanneetteliwa.
137
Yave, Nyuwo ti oororomeleya ni malamulowaanyu ti a ekhaikhai.
138
Moolamulela ikanosanyu ni ekhaikhai; seiya ti soophwanela ororomela.
139
Nthitinaka ninnakikhulumula, niwoko amwiittanaaka khaampwattha maswaanyu.
140
Soororomelihasanyu sohaakhuleleyaxa; tivawo murumeiyaanyu ola onsivelaawe.
141
Kirookhalaru mukhaanene ni oohooneliwa, nkinttiwala ikanosayu.
142
Ororomeleyawanyu ti woohimala ni Nlamulonanyu ti na ekhaikhai.
143
Ohaawa ni othanana wookimorela, mene malamulowaanyu ti ohakalalawaka.
144
Ikanosanyu ti sa ekhaikhai wa mahuku ootheene; mukivahe wiiwexexa weera kikhale ni okumi.
145
Kinkhuwela ni murima wootheene; Ii! Yave mukaakhule ni kinimwiiwelela soolamulasanyu.
146
Kinookhuwelelani Nyuwo; mukivuluxe ni kinimwiiwelela ikanosanyu.
147
Ohinaaye oxa kinnavenya ni kindyoonttelela ekhaviherowaanyu; owehererawaka ori mmasunimwanyu.
148
Ohiyu wootheene nkinkona weera kitthokelele soororomelihasanyu.
149
Mwiiwe nsunaka moosivelanimwanyu; Ii! Yave, muthokorore okumaaka mmalamulonimwanyu.
150
Yaale amvaanelela soowuupuwela soonanara ari vakhiviru; vaheera ari ottaiwene wa Nlamulonanyu.
151
Wa soothesene, Nyuwo, Yave, muri vakhiviru; malamulowaanyu ootheene ari a ekhaikhai.
152
Kixuttenre khalayi ikanosanyu seiyo mukhalihalaanyu wa mahuku ootheene.
153
Ngwehe ohaawawaka ni mukoopole niwoko nkinttiwala Nlamulonanyu.
154
Mwaakihe nthowanaka ni mukoopole; muthokorore okumaaka ntoko muroromelinghaanyu.
155
Ovuluxiwa ori ottai wa atakhali, niwoko awosa khaanaasaasa ikanosanyu.
156
Ii! Yave, ikhararisanyu ti sitokotoko; muthokorore okumaaka muttharihaka malamulowaanyu.
157
Ancipale ari amwiittana ankittharatthara; vaheera nkinghuluwa ikanosanyu.
158
Kaawoonaka oohiroromela kinnaaramusa, niwoko khaaniiwelela maswaanyu.
159
Moone moota kinsivelaaka ikanosanyu; muthokorore okumaaka moosivelanimwanyu.
160
Maswaanyu ootheene ari a ekhaikhai; malamulo oororomeleya ootheene ari oohimala.
161
Anamalamula ankittharatthara woohinthowa, mene murimaaka onthukumela woowiiwa maswaanyu paahi.
162
Kinghakalalela yoororomelihaanyu ntoko mutthu omphwanya soohuhula sincipale.
163
Kinthanya ni kinramusa soowootha, mene kinsivela Nlamulonanyu.
164
Vanihukuni kinnoottottopelani imaara ithanapiili niwoko na malamulowaanyu oororomeleya.
165
Yaale ansivela Nlamulonanyu ankhalano murettele mutokotoko; kheewowo enaakwattuliha.
166
Ii! Yave, kingweherera ovuluxawanyu ni kintthara malamulowaanyu.
167
Kiniiwelela ikanosanyu niwoko kinsivela moota woohimala.
168
Kiniiwelela ikanosanyu ni soolamulasanyu sootheene, niwoko iphirosaka sootheene soosuweliwa ni Nyuwo.
169
Ii! Yave, okhuwelawaka ophiye vamaithoniwanyu; mukivahe wiiwexexa mmasunimwanyu.
170
Wiidyoonttelelawaka ophiye wa Nyuwo; mukoopole ntoko muroromelinghaanyu.
171
Iyanosaka sinoosareya ottottopela, niwoko Nyuwo munkixuttiha ikanosanyu.
172
Nluminaka nnimwiipela maswaanyu, niwoko malamulowaanyu ootheene ari a ekhaikhai.
173
Ntatananyu nirwe nikikhavihere, niwoko koothanla ikanosanyu.
174
Ii! Yave, kinghaawela ovuluxawanyu ni kinghakalalela Nlamulonanyu.
175
Mukitthunihere okhala ni okumi weera koottottopeleni ni nlamulonanyu nikikhavihereke.
176
Kooxoraxora ntoko ekhondoolo yoothweelela. Murwe, mmwaasaase murumeiyaanyu, niwoko nkittiwanle malamulowaanyu.
← Chapter 118
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 67
Chapter 68
Chapter 69
Chapter 70
Chapter 71
Chapter 72
Chapter 73
Chapter 74
Chapter 75
Chapter 76
Chapter 77
Chapter 78
Chapter 79
Chapter 80
Chapter 81
Chapter 82
Chapter 83
Chapter 84
Chapter 85
Chapter 86
Chapter 87
Chapter 88
Chapter 89
Chapter 90
Chapter 91
Chapter 92
Chapter 93
Chapter 94
Chapter 95
Chapter 96
Chapter 97
Chapter 98
Chapter 99
Chapter 100
Chapter 101
Chapter 102
Chapter 103
Chapter 104
Chapter 105
Chapter 106
Chapter 107
Chapter 108
Chapter 109
Chapter 110
Chapter 111
Chapter 112
Chapter 113
Chapter 114
Chapter 115
Chapter 116
Chapter 117
Chapter 118
Chapter 119
Chapter 120
Chapter 121
Chapter 122
Chapter 123
Chapter 124
Chapter 125
Chapter 126
Chapter 127
Chapter 128
Chapter 129
Chapter 130
Chapter 131
Chapter 132
Chapter 133
Chapter 134
Chapter 135
Chapter 136
Chapter 137
Chapter 138
Chapter 139
Chapter 140
Chapter 141
Chapter 142
Chapter 143
Chapter 144
Chapter 145
Chapter 146
Chapter 147
Chapter 148
Chapter 149
Chapter 150
Chapter 120 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
67
68
69
70
71
72
73
74
75
76
77
78
79
80
81
82
83
84
85
86
87
88
89
90
91
92
93
94
95
96
97
98
99
100
101
102
103
104
105
106
107
108
109
110
111
112
113
114
115
116
117
118
119
120
121
122
123
124
125
126
127
128
129
130
131
132
133
134
135
136
137
138
139
140
141
142
143
144
145
146
147
148
149
150